1 Tim. 1:9 - BAIBEL (BSI)

⁹ Tishimaye hi ithimasa kepushi ani ike ayezah qoye timi kivimi ghenguno mlape puamoe ikemu ayezah hexakemi, hekibidemi Alhou kumthami, axine shichekemi, achineyeh thachekemi, mithemokemi, apuh ghiqhi kemi,aza ghiqhi kemi, timi heqhi-buqhi kemi,

Sümi Tiqhelimi Bible

⁹ Ningu no itaghi ithi akeu no ayeza ye achipimiqo ghenguno mülà püamoe ikemu hipaqo ghenguno mülà püani: ayeza hekibidemi eno lakichilemiqo, alhou sümsamo kemi eno axinemi, akimthe kumomi eno alhou pülümo kemi, apù eno azá noqo pìthí chekemiqo, hekiqhimiqo,

Sumi Naga CL (Re-edited) Bible (BSI)

⁹ Hi vethalu no ayezah ye timi süchomi ghenguno mla püamoe ikemu ayezah heküxami eno hekibidemi, Alhou kümthami eno axine shiche kemi, mithemo kemi eno achineye thaigha chekemi, apuaza heqhi kemi, timi heqhi-buqhi kemi,

1 Tim. 1:9 Mawu Ofanana

SAMUEL AKINIU 16:11

David no Abishai ngo pa qholo kijemi kumtsu vilo pi, “Inu kuchou thotsu iheqhiveniye pukaputsa ani; tishi aye noye kushiye ti Benjamin lagha shou akumza anikya? AMPEU no ghusho penike pa vilo pivae; tighenguno pa kishishi apelo eno papelo tishi apelo.

KUKAMI AKINIU 19:37

Ghulo lakhi paye achinekilo wuno pa lhou Nisrok mlla ae, tileno panu Adram-melek ngo Sharezer pamano ighino azuta pesu pa ghiqhive, tishino pamaye posu Ararat lo pove. Ipuzu panu kutau lakhiu Esarhadon no pa zuqhulo akukau shiluve.

YEKIKITHI AKINIU 32:21

AMPEU no kungumi lakhi puwu keuno Asiriyami ghushimi ngo kijemiqo heqhikhave tsuke. Tighenguno akukatou ye kujoqhiyi Asiriya lo idechile wove peke. Ghulo lakhi paye pa lhou chine kilo ake lono panu khamino azuta pesu pa ghiqhive.

IPEKULU 20:13

“Noye timi ghiqhi kevilo.

IPEKULU 21:14

Ikemu timi lakhino amlo ideve puzu puthaputsano kutami lakhi heqhi pithive no pa xalu peniye iwu akipti alo posu wuve namu pa pithive masa ke.

AHOLE 20:20

Opu-aza ghusho aye okuxuye zumoikelo akulu lakhi inhe ilovekeu toi hauve nani.

AHOLE 28:17

Timi ghiqhikeu lono pimive kemiye pa likhi pa kumo kighithe chhu anike. Pa hakha kevilo.

AHOLE 28:24

Timi khuuno pa puaza launo pukalukeuye achipikumo kepi mtha keno paye kupkami kutami qhemike.

AHOLE 30:11

Timi khamiye pututa papuh ghusho cheni eno pututa paza akishe tsu chemoe.

AHOLE 30:17

Khunono papuh jununi keno momu pazano kitemi shivekeu jupichini keno paye aluqu pelo peuvepe eno agha pelo pa nhethi mighijo luve pekepue.

JEREMIYA 23:11

AMPEU no piani, “Tungkupmi ngo achinemiqoye Alhou kumthamike panonguno Achinekilo alhoksa shiaghi kelono ino tsuquluvae.

EZEKEL 21:25

“No kixikila, mithekumo Israil shou ayehkipeu, oghime ashekhau tsalaye ighivae.

ACHINE 20:9

AMPEU no ayezah hipaqo tsuke. Timi khuuno apu momu aza ghushoni keno pa heqhi pithivelo; pa kithiye pa makhoke.

MATTHEW 10:21

“Athikuzumino athikuzumi kughapesu pithive peniaye tsuve nani, eno apuhno pa tianuli shou tipaphi shive nani; anuliqono apuaza shou akumou shi ithughive nani eno panoqo pithivepe nani.

Rommi 1:30

eno timi thaighakemi. Panonguye Alhou kimthimi, eno timi phimokemi, aqhekuza akulakimi, kusakugha iqikiphemi, apu aza ghokulukumomi,

Rommi 4:13

Alhou no Abraham ngo pa laghaqo vilo ayeghiqhaye panongu wu shinikeu piqhi. Hi piqhikeuye Abraham no Ayezah papeluke ghenguno kumoe ikemu pano akupulu akeu vechewo Alhou no achipikaluvae pi ikhilukeu lono ke.

Rommi 5:20

Axine shikeu kighishenike ghenguno Ayezah iloghi; ikemu khile axine shikeu kighisheni keno, Alhou no kupukini shishe alau shi kighishe tsue.

Rommi 6:14

Nonguye Ayezah qholo kumono Alhou wu kupukini qholo xuani kehu axineye nongu qhasuve pekevilo.

Galatiami 3:19

Tishiaye kiushipeniye Ayezah tsupuani kya? Tipau sukuphatsukeuye kiuno achipikumo keno piyeni kehuke, ikemu tiye Abraham “polo kughuko” hu ighimoke kuto dolo likhike, kughengu pa lau ashoqhi shikeke. Ti Ayezah huye kungumi vechewo lachemi launo pikiye sughike.

Galatiami 5:18

Ikemu Aghungu no osakicheu shipeaye noye Ayezah qholo ngoamoe.

Galatiami 5:21

aghichikupo, shokumzu, zuti-zugha kuxu eno titoike jeliqo. Ino azuuno nongu kutughuve ketoi itaghi nongu kutughu ani, khunoqono hipaqo shi cheni keno Alhou yehkipe ighi lumo nani.

Galatiami 5:23

mtsha-ivukeu eno kusuqhikulu. Hitoikeqo shou ayezah kumu kuhae.

ZAKINIU 27:16

‘Timi khuuno papu momu aza gihumoni keno Alhou no musuini keu pa shou ani.’ eno timi kumtsuno khochileni, ‘Amen!’

2 Thes. 2:8

Tileno Alhoksau hu pephe ipeghi nani, ikemu Ampeu Jisu no akimthejukuvu lono pephe ipeghi kelo atuthu kisheno Alhoksau hu pithive nani eno kutsapiniyive nani.

1 Tim. 4:7

Ikemu noye Alhou sumokeu kughakichetsa eno topu-toghu tsa launo putosuluvelo. Noye Alhou lau amlo tsukeu kuxulo oqophe alo.

1 Tim. 6:20

Timothio, opelo jukutopeniye kiu otsupuani keno khelo Alhou sumokeu tsapi eno timino mtha puzu “Akighithi” kighekile chekeu hu phevelo.

2 Tim. 2:16

Alhou sumokeu tsa kughakile keulo chhosu kevilo; tiye timi hasusu alaushi Alhou sumokeulo wuve chenike,

2 Tim. 3:2

Kughengu timiqoye hipaqo shiwuve nani: alikhi ampi kikimiye, pisa kimine, aqhekuza, lahilaza, timi phimo-gihumokeu, apu-aza hekibide, shikimthi kukuha, achineyeh kiphikumo;

Titus 1:10

Kughengu hekibidemi kutomo ani eno adoutsa pipesu kutami pishiqhi acheni, tiye akhotono Judami chineyeh lukemiqoke.

Titus 1:16

Panonguno Alhou ithiakeu tsa picheni, ikemu panongu kumla kughuthano tipau sasu kidimoe. Panonguye aphikumqhupu eno hekibidemike, eno akumla kivi kiumu shilukepu qhemi kumoe.

Titus 1:6

kichimi lakhiye tukutiye kuhakemi shimasae; paye anipu lakhi likhi akemi eno pa tianuliqoye kupulumi shimasae eno pipusapughayi momu aghekulukumomi shikepu kumoe.

Titus 3:3

Kughengu ghuthu lakhiloye ningu ampi ghi mbomzumi, aghelumokemi eno achipikumomi shi acheke. Eno ashiaji ghakiqipu ngo aghoapulou qemi shi acheke, phimokilekeu eno anhekushulo xuacheke, kutamino ni mithi eno nino kutami mithi cheke.

IBRIMI 11:31

Akupulu lono asalhau Rahab ye Alhou hebide chekemi gholono thimo kepu shilue kughengu lino Israilmi pukujumi shompami toi sasuke.

IBRIMI 12:16

Esao toi alhoksa eno achineyeh kumtha shive nosake kutokupuyilo. Paye kichi lakhi chuqupu ghenguno anoghiu mheghi jeveke.

1 Peter 2:7

Nongu puluchekemiqo ghenguno atuqu hipauye amekushopuke; ikemu pulumokemi ghenguye kuchoyesulo ishi yepuakeu tsa atho shive; “Akikishimino kideqhivekeu tuqu huno atsukuputuqu akhotou shiveaghi.”

1 Peter 3:20

Aghahwu hipaqoye puzuu Noha no ashukaki shiake ghulokilo Alhou no kutuu ghi khekeu panonguno agholumove kemiqoke. Timi aghulo likhi, panoqo kumtsu kelo mitache likhi azu lono xaluke.

1 Peter 4:18

Pipuakeu toi, “Amikuchomi ghi akushukulu xalukepu shiaye; Alhou kuha pichekemi eno axinemiye kiu shive nani kya?”

Jude 1:15

kumtsu shou kughathabe nani, eno panonguno Alhou sumokeu kumla khijehi shipuani keno eno Alhou sumokemi axinemino pa shou alhoksa tsa pikeu kumtsu pesu panoqo shou kughabepuku nani!”

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.