1 Tim. 1:17 - BAIBEL (BSI)

¹⁷ Lhokta Kukau thivemlakeu eno ithulu chemokeu Alhou ye pa likhikeu pa lau alhokupujulo agigihu eno akimthe jekipi shi achelo! Amen.

Sümi Tiqhelimi Bible

¹⁷ Lhokta Kükau, thive chemo keu, ithulu chemo keu, pa likhi no Alhou ke, pa lau alhokupuju lono alhokupuju kutólo agigihu eno ajuküvü ache pelo! Amen.

Sumi Naga CL (Re-edited) Bible (BSI)

¹⁷ Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

1 Tim. 1:17 Mawu Ofanana

YEKIKITHI ATUGHIU 29:11

Noye kije eno akumtou, ajukuvupu, saghusaghui keu eno akukau ke. Atsutsulo eno ayeghilo thime kumtsu owue eno noye akukaue, kumtsu shou ayehkipeu ke.

NEHEMIA 9:5

Levimi hipaqo pelo mlla penike kusu: Jeshua, Kadmiel, Bani, Hashebenia, Sherebia, Hodia, Shebania eno Pethahia. Panonguno ishi pi, “Puthugholo eno AMPEU nongu Lhou shelo; alhokupujulo pa sheqhelo! Kumtsuno pa jekipi je sheqhelo, timi jelino sheqhe namu lukumkha kumoe.”

LESHELE 10:16

AMPEU ye alhokupujulo akukauke; kutau lhou mllakemiye pa yeghi lono hauve nani.

LESHELE 106:48

AMPEU sheqhelo, Israilmi Lhou; Itehi eno alhokupujulo pa sheqhelo! Kumtsu ghano “Amen” ipilo AMPEU sheqhelo!

LESHELE 145:13

Oyehkipeye lhokta kutoloke, eno noye alhokupujulo akukauke. AMPEU ye pano piqhikeu papelue. pano shikeu thwokhalo akivike.

LESHELE 41:13

AMPEU sheqhelo, Israilmi Lhou! Itehi eno alhokupujulo pa sheqhelo. Amen! Amen!

LESHELE 45:1

Akukau ghenguno ino ale hipau iqikelo atsato jukighilepuno ikukumsu chhie. Akiye kivimi lakhi ulo akiyepu ake toi imliye alejo kutope ani.

LESHELE 45:6

Alhou no otsukeu yehkipeqhaye pulhapujulo ache nani. Nono achipiu xakutha pesu owu timiqo shou ayehpeke;

LESHELE 57:11

Atsutsulo okuka kije piyelo, O Alhou, eno ayeghilo ojekipi alupelo.

LESHELE 90:2

Nono naghuto lhomphi lono momu ayeghi hipau kughupe qhimphi lono lhokta lono khokta kutolo noye Alhou ke.

JEREMIYA 10:10

Ikemu AMPEU, noye kuchou Lhou ke, noye xuakeu Lhou eno lhokta kukau. Nono aloghu ide kelo ayeghiqhano itha; ashiayehqoye ologhu pumlake.

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

DANIEL 4:34

Kughono ampe tsuni tove keno akukauno ishipi,”Ino kughono kunguu atsutsulo jukeno, ilokutsu ide ighive. Tighenguno Akughushu Lhou oje sheqhe tsue eno agigihu aje kipi kumtsu kughape tiqheli tiqhelilo achekeu tsuke.” “Pano ashekha kuha ayehpeni, eno pa kukaphuye tiqheli tiqheli kuto ache nani.

DANIEL 4:37

Ni Nebukadnezar no, akishe, agigihu pe Kungughalo kukau tsu ani. Pano kiu mlakeno kumtsu amikucho eno achipike eno pano aqhekuzami kughape kumtsu nguno aghulou shive tsukepu kuka ani.”

DANIEL 7:14

Akuka, agigihu eno ayehkipe kuka pe pa tsuve, ayeghiqhalo timi kumtsu, shiyeh kumtsu ali kumtsu eno atsa jeli kumtsu paqe peniye ke. Pa kukaye alholo acheni keu eno pa kukaqhaye khilemu ashekha shivemoe.

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

MALAKI 1:14

Timi khuuno pa tsu-aqu lojilo lhoxu akivi akeu itsu nikeu shi piqhive puzu lhoxu ame kuhakeu lakhi heqhipe imlla keno pishikiqhiu shou musuinikeu lakhi auvae. Kughengu niye kukami kije lakhi eno shiayeh kumtsulo timino isumsa acheni.”

MATTHEW 25:34

Tileno Akukauno pa-u ajeu akeqo vilo ishi pi nani, ‘Nongu ipuhno kumghatsukeqo, ighilo! Ayeghiqha lhophe kelono nongu ghenguno kutope puakeu yehkipeqha pe nongu mheghishi lulo.

MATTHEW 28:20

eno ino nongu lau ahza tsuvekeu kumtsu panoqo pelo pelupe nike kutsu tsulo. Eno julo! ayeghi kishekhake kutolo niye pulhapuju nongu sasu ache nani.”

MATTHEW 6:13

Ghukujulo ningu sailotsu kevilo, ikemu Alhoksau launo nixaphetsulo.

John 1:18

Khunomu Alhou ithumla aphi. Ikemu Anu khuu Alhou sasu aphiphi keno pa vechewo Alhou ye kiu toi keno ningu lau pephe piyetsu.

John 5:44

Nonguno lakhino lakhi sheqheni shi, ikemu Alhou ye pa likhino Alhou ke pa launo sheqhekeu nonguno phuju nishimoke, nonguye kishi puzu pululuni kya?

Rommi 1:20

Alhou no ayeghiqha lhoke lono itehi kutolo pa alhoayeh ithumlano akeu, lhokta kuka eno pa alhoayeh kinikujo mutsumishei ithulu acheni. Alhou no mlape puakeu thime lono timino tipaqo juchholu acheni. Ike panonguye kiu jeku kivimu kuhavae.

Rommi 1:23

Thivechemo keu Lhou mllanike zuqhulo, panonguno thivenikuau timi, aghau, tughashi eno itikiche lhoxu kimihi shi-ghi ajulho shisukeu mlla cheni.

Rommi 11:36

Kughengu thwokha kumtsu pa launo ighi, thwokha kumtsu pa vechewo ani eno thwokha kumtsu pa launo kishekha ani.Alhou lau akimthe jekipi pulhapuju apelo! Amen.

Rommi 16:27

khuu likhino Alhou eno khuu likhino alokutsu keno, Jisu Khristo vechewo pulhapuju ajukuvu-jekipi shitsulo! Amen.

Rommi 2:10

Ikemu akivi mlakemi lakhikhi ghenguno sheqhekepu ngo gihukepu ngo alokiqi ishi anani, atughushi Judamiqo shou paghi eno Judakumomi ghi tipa shelo sholu nani.

Rommi 2:7

Khunoqono kheakulushi akivi kumla shi puzu sheqhekepu, agigihupu eno thive chemokeu phucheghini keno Alhou no lhokta kuxu tsu nani.

Kolosiami 1:15

Khristo ye ithukumlau Lhou jukimihi ke. Paye lhophe puakeu kumtsu gholo anoghiuke.

IBRIMI 11:27

Akupulu lono paye akukau mlo kighide msamono Ijip yeghi qhiveno wuve; paye ithumlakeu Lhou ithulu akeshi igho ideghive moe.

IBRIMI 2:7

Ado kitila ghenguno nono pa pesu kungumi nguno aqhokigheu shi lhoke, Akimthe jekipi ngo agigihupu pesu nono pa qhopipeke.

1 Peter 5:11

Alhokupuju ghenguno akuka pa lau ache nani! Amen.

2 Peter 3:18

Ikemu niMpeu eno niXakuluu Jisu Khristo kupukini eno pa kighithilo thuwu alo. Itehi eno alhokupujulo pa lau akimthe jekipi shilo! Amen.

1 John 4:12

Timi khunomu Alhou ithulu mphie, ikemu ninguno lakhino lakhi kimiye aye Alhou no ningu gholo acheni eno pa kikimiyeye nilolo ani.

Jude 1:25

ni Mpeu Jisu Khristo vechewo niXakuluu eno pa likhino Alhou ke, pa lau akimthe jekipi, akughushu, akuka eno ayehkipe, khaghi wovekeu lono itehi kuto eno alhokupuju lono alhokupuju kuto apelo! Amen.

Piyeküsü 15:3

Panonguye Alhou qeu Muse sheqhekeu le eno Bheriti sheqhe keu le ishi pheae: “Ampeu, Alhou Akumtou, okumlaqo ye kije eno akumzapu ke! Ashiayeh kumtsu shou Akukau, olaghiye achipi eno kuchou ke!

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 19:1

Hipa tikhau, kungughalo timi aqokitikhi sutsa toikeu ino chilue. Tipau sutsaye ishi chilu, “Alhou sheqhelo! Xakulupu, akimthe jekipi eno akukaye niLhou wuke!

Piyeküsü 19:16

Pano chijebobo phi uchekeu eno pa pukhulo aje hipau yepukupe pua: “Kukami shou Akukau eno ampimi shou Ampeu.”

Piyeküsü 19:6

Tileno timi aqokitikhi ghugha hutoikeu, azuphapha kuloghino igha akeu ghugha toikeu, tsutsukusu toikeu sutsano ishi pikeu ino chilu: “Alhou sheqhelo! Kughengu Ampeu, niLhou Akumtouye Akukau ke!

Piyeküsü 7:12

“Amen! shekiqhe akimithe jekipi, alokutsu, shikimthi, agigihu, akuka, aje kughushuye alhokupujulo niLhou wuke! Amen!”