1 Tim. 1:11 - BAIBEL (BSI)

¹¹ akukutsu tiye ipelo pikulhapeniye pichetsukeu tsakiviu sasu lakhike; akimthe jukuvupu eno akumghapu Lhou tsakiviu huke.

Sümi Tiqhelimi Bible

¹¹ Kuchou külü ye kükümgha Lhou juküvü vehu tsakiviu gholo pulolu chekeu ke. Eno tipau ye Alhou no I pichetsü keu kümlà ke.

Sumi Naga CL (Re-edited) Bible (BSI)

¹¹ ti ye akümghapu Lhou juküvü lono Atsakiviu khikhi I lau pichebe püani keno, tipau kiqi lono ke.

1 Tim. 1:11 Mawu Ofanana

LESHELE 138:2

Iqemokeu kikimiye eno pukhukulu ghenguno niye okimthe chineki kudau jupuzu, itsaiqino oje sheqhe cheni, nono otsa eno oje pesu kutau kumtsu nguno akiqheushi ikhiqhekeu ghengunoke.

Luke 2:14

“Kungughalo Alhou lau ajukuvu shilo! Eno ayeghilo pa lokiqi akemi shou aloinokeu apelo!”

Rommi 2:16

Ino pikulha chekeu tsakiviu kiqiloye, kughou Alhou no Jisu Khristo vechewo timi mlolo tuqhou kukumsu kumtsu shou kughathanikeu tsalalo, hitoi shi nani.

1 Kor. 9:17

Ino igho ipulou lono ikumlla mla aye, tile ijume itsupenike khe anicheke, ikemu ipulou kumono shimasakeu lono mla aghi aye tiye Alhou no ivilo mlalo pikeu kumlapu sajeke.

2 Kor. 4:4

Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

Galatiami 2:7

Tikekumo puzu, Alhou no Pitor pelo Judami lau atsakiviu pikulhape nikeu makho tsuke toi, pano ipelo Judakumomi lau atsakiviu pikulhape nikeu makho tsukeu panonguno ithulue.

Ephesiami 1:12

Ningu khunoqono atughiu shi Khristo shou lajubelu keno, Alhou kimthe jekipipu sheqhepe nikeu shi kishepheveke.

Ephesiami 1:6

hiye pawu kupukini kimthe jukuvupu khikhi pano Kimiyekicheu gholono kumsano ningu tsukeu sheqhepe niyeke.

Ephesiami 2:7

Pano tipau shikeuye Khristo Jisu gholono pawu kupukini kutomo ningu lau kimiyekeu lono piyeniyeke.

Ephesiami 3:10

tishianguno akukuho vechewo itehiye kungulo yekipemi ngo kungulo kukaqo pelono Alhou suqhe kighithi jeli kumtsu ithipeniyeke.

Kolosiami 1:25

Nongu kivipu ghenguno Alhou launo ighikeu kumlapu saje hipau shipeniye Alhou no ipelo akukuhou peithakutsumi lakhi shipeke. Hiye Alhou tsa pithikuthu tsupeniyeke,

1 Thes. 2:4

Ikemu Alhou no ni ikhikulupu shiaghive eno atsakiviu pesu ipichetsu keu toi ninguno pi acheni. Ninguye timi pulou shiniyeke kumoe ikemu nimlo lhejuchekeu Alhou pulou shiniyeke.

1 Tim. 2:7

Hipau ghenguno ipelo Judakumomi vilo akupulu ngo kuchou tsape pesu asheshupe nike apostolmi lakhi eno akukutsuu lakhi shi susuno puwuke. Niye kuchou tsa piani kethono miki amoe.

1 Tim. 6:15

Pano ipeghini keu Tsala huye ado achipi lono kumghapu eno ayehpetou kukami shou Akukau eno ampemi shou Ampeu no pephepiye nani.

1 Tim. 6:20

Timothio, opelo jukutopeniye kiu otsupuani keno khelo Alhou sumokeu tsapi eno timino mtha puzu “Akighithi” kighekile chekeu hu phevelo.

2 Tim. 1:11

Atsakiviu hipau pikulha penike ghenguno apostolmi lakhi eno kutsuchekemi lakhi shighi Alhou no isukusu shie,

2 Tim. 1:14

Aghungu Kimthe nilolo achekeu huno aghokivi opichebe puatsukeu hu jukutolo.

2 Tim. 2:2

Thopimi kutomo kua lono ino pikulhache keu tsaqo nono chilupua keu hu ikhilulo, eno tipau pesu nono pulubekulumi, khunoqono kutami kutsupiyelu nani keno tipaqo lau pichebetsulo.

Titus 1:3

eno ado achipi lono pa tsa lono tipau pephepiye. Hipau pesu ipichebetsue eno niXakuluu Alhou no ahza tsukeu vechewo ino asheshu cheni.