1 Peter 5:8 - BAIBEL (BSI)

⁸ Tsukhuyi shialo eno kutokupuyilo! Nongu ghumi Tughami ye abongushuno igha iqhoiqi akeshi itsu cheni, tiye khuu khumu tsuqhiluve nike ju cheni.

Sümi Tiqhelimi Bible

⁸ Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.

Sumi Naga CL (Re-edited) Bible (BSI)

⁸ Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

1 Peter 5:8 Mawu Ofanana

ESTHER 7:6

Esther no khochile, “Nighumi lakhi huye hi Haman kixikilau ke.” Tishi kithishi Haman ye akukau eno kukaliu zulo msave.

JOB 2:2

AMPEU no Satan vilo iniju, “Noye khilauno chenia?” Satan no khochile, “Niye ayeghi vehomuxa susu hule hile checheke!”

LESHELE 104:21

Abongushu lhotheno tughashi hakelo igha cheni, Alhou no kophetsukeu chuqupu phucheni.

LESHELE 109:6

Kixikila kughakuthami khami kishe puzu ighumi shou kughaju pelo, pa ghumi pelo pa nguku pelo.

AHOLE 19:12

Akukau loghuye abongushu ghugha toike ikemu pa lopu shiluaye kheakeu tsutsughu ighike toike.

AHOLE 20:2

Abongushuu kumqhu msakeshi akukau mlo kighide msalo; pa mlo shikighide keuye akuxu puhavetsu nani.

AHOLE 28:15

Kumlhomiye kixikilami ayehkipemi shou kiumu shimlano auve cheni, paye abongushu yikusano ighakeshi momu ava ghugha toi acheni.

ISAIAH 50:8

Ino ithiani, niye kujo mzavemo nani, kughengu Alhou ye ikupunukhoi ani, eno pano niye pimi puamo kepi xathavetsu. Khuuno ighumo puzu ishou ngukubelu nani kesha? ningu kughakutha alo kumtsa wunie! Pa pelo nguku kepu sughiju pelo!

JEREMIYA 2:15

Panonguno abongushu toi pa shou ighapuku, panonguno pa yeghi pesu asayeqha shivetsu, pa phughiqoye ixapiniyi ani eno qhoyi qhivae.

JEREMIYA 51:38

Babilon mi kumtsu abongushu toi igha eno abongushu tiqo toi huhushi ighake.

EZEKEL 19:7

Pano aliwo qogheqo shipsavetsu, aphughi xavetsue. Pano ighake kumtsulo aghakhulo kuamiqoye thughuive che.

EZEKEL 22:25

Tipaulo sakiphemiye abongushuno lhoxu heqhipe ngo puzu igha akeu toi ke. Panonguno timiqo heqhi, panonguno pisa kumtsu suwuve eno tinhemgha luvetsu cheni eno panonguno ghiqhikeu lono topuchimemi kutomo auvae.

DANIEL 6:24

Tileno akukauno timi khunoqono Danel shou athe shino pa kipimi shi sughi tsukeno panongu kugha lepi ahza tsuve eno panongu gholo anipu anuliqo kumtsu kughape abongushu kilo vesuve. Panongu kughape vesukelo abo tomono kunguu chephi lono abongushu qono muxape panonguqo ghi kubutha pinivetsu.

HOSIYA 11:10

“Kughou ino abongushu lakhi toi iwu timiqo ghumi lau ighani keno panonguno ipape nani. Panonguno kulolauno keyi ilau ighi nani.

HOSIYA 13:8

Ino avaqu lakhi no ati puhaveno akelo toi nongu le nani eno ino nongu suthapinyi pe qhive nani. Abongushu lakhi toi tsuqhikea lono nongu tsaqhi nani eno tughashi lakhi toi nongu suthapinyive nani.

JOYIL 3:16

Zion Toghi lono AMPEU no igha; Jerusalem lono pa sutsa tsutsukusu toi pike; ayeghi ngo atsutsuno khokhoshike. Ikemu pano pawu timiqo susholu nani.

AMUS 1:2

Amus no pi, “AMPEU no Zion lono igha, Jerusalem lo pa sutsano tsutsu kusu toike. Bherikhemino achukumza chekeu ighuyive, Karmel Toghilo Atsunino hughaive.”

AMUS 3:4

Abongushuye pano tsuqhilu keu phumla keloye aghasulo ighani kesha? Abongushu alhotheye kiula tsuqulumo keloye pa kungo-alo hu-hushi ighani kesha?

AMUS 3:8

Kughou abongushuno ighani keno khuno musamove kulupu kya? Kughou AMPEU Alhou no pikeno khuno pa tsape asheshumove kulupu kya?

ZEKHARIA 11:3

Ayehkipemino amlo ghime launo igha; panoqo jekipiye chevae! Abongushuqo ghugha inijulo, Jordan hokumxalo panoqono ngochekeu ghasuye kutsakhave ake!

ZEKHARIA 3:1

Kungunhetsu lono AMPEU no Achinetou Joshua ipiyeke. Tilehi Joshua phivilo Satan puthughono pa nguku keu tsa sughiniye kutope ake.

MATTHEW 13:39

Aghumi khuno alupi yisuve keno tiye Tughamike; ghile huye hipayeghi kishekhani keu; eno ghile hukemiqoye kungumiqoke.

MATTHEW 24:42

Tighenguno kutope khealo, kughengu kiu tsala lono nongu Mpeu ighi nani keno nonguye mtha.

MATTHEW 25:41

Tileno pano pa-u piyiu akeqo vilo ishipi nani,”Ilauno chevelo, nongu Alhou no musuinivekeqo! Tughami ngo pawu kungumiqo ghenguno alhomi kutope puakelo ilovelo!

MATTHEW 4:1

Tile Aghungu Kimithe no timi kughunamo keu alo Jisu sasu wuve, tiye tughami pelo ghuju peni yeke.

MATTHEW 4:11

Tileno Ghukujuuno pa qhive, eno kungumi ighino pa huthu auve.

Mark 4:15

Alalo vepukuve keqoye khunoqo shou Atsa vesukeno panonguno ti chilu kemtsa Satan no ighieno panoqo lolo atsa vesupuakeu hu pewuvetsu.

Luke 21:34

“Nongu likhi nongu jukuto alo! Chumzu shomzu eno hipa kuxu sala phukeu lono nongu mlo sunheqhi auve pekevilo, ipuzu tipa tsala zuleno nongu shou ikughi pe kevilo.

Luke 21:36

Ike ado kumtsulo jukutokupui inikhu alo, tishianguno hipaqo kumtsulo ime mono hechewu kulupu kumto aghilu puzu Timi Nu zulo puthugho kulupu shilo.”

Luke 22:31

“Simon, Simon, inilo! Satan ye timino athi mu-u fuleveke toi nongu kumtsu pejunikeu khuluvae.

John 8:44

Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

2 Kor. 2:11

Tishikeu huye Satan pelo ningu shou alau heqabelu pemonike; kughengu pano ningu shou amqu jeli shichekeu mthake kumoe.

Ephesiami 4:27

eno adokivi tughami tsu kevilo.

Ephesiami 6:11

Tughakusa muqu mugha lhoksa shou nonguno puthugho luve kepushi Alhou launo ighikeu ghunanu kumtsu pepu alo.

1 Tim. 2:15

Tishiepimu totimino aghibiu lono akupulu, kikimiye eno akimthepushi xuaye panonguye atianuli akeu vechewo xakulupu shi nani.

1 Tim. 2:9

Niye totimi pelo ghi pano phimini aghibiu eno akuzupu-u shipenishi eno kithikiyi pepu penishike. Panonguye ajelishi asa pilipu,shunano shikeu chi,achiku,amekusho phimini pepu penishi moe,

1 Tim. 3:11

Panongu nipu ghi mutsumisheyi kemi shimasa kutami ghili kughakemi shimoni; panonguye tsukhuyikemi eno thwokhalo pichhebe kulumi shimasa.

1 Tim. 3:2

Kughengu akukuholo sakiphemi lakhiye akipimi kuhakemi shimasae. Paye anipu lakhi likhi akemi shimasa, tsukhuyikemi alikhi aghasulukemi eno aghola kithikiyikemi shimasa. Paye inami sasuthikemi eno shikathikemi shimasa.

2 Tim. 4:17

Ikemu Ampeu no igholo ake eno Alhou tsape hu pesu Judakumomi kumtsu vilo chixechileyi pikulhalu kepushi ishikumto tsuke; ikehu abongushu baxa lono ixapheluveke.

Titus 1:8

ikemu inami sasuthi keu, akivipu kimiyekinimi, kusuqhikulu, amikucho, Alhou lau amlo tsuqhiyi keu eno alikhi aghasulu masae.

Titus 2:12

Tino ningu vilo Alhou sumokeu kuxu ngo ayeghilomino minechekeu pheveno hipa yeghilo iqu-ighayi keu ngo mutsumisheyi keu eno Alhou lau amlo tsukeu kuxu xulepi ningu kutsupiye cheni,

Titus 2:2

Muchomi shivekeqo vilo pano kupululo, kimiyekinilo eno kutuu kululo iquneyishi, tsaqutsaleyishi eno alikhiahakhalu ishilopi nono panongu vilo pilo.

Titus 2:4

tishianguno topulhothemi sapheputhu pesu pututa kimi ngo atianuli kimiyelupe,

Titus 2:6

Tihutoi apumi shiakeqo vilo alikhi aghasulopi hakitelo.

James 4:7

Tighenguno nonguye Alhou qhoqhululo. Tughami mujochilelo eno paye nongu launo pove nani.

1 Peter 1:13

Tighenguno nongu kukumsu kutokugho shilulo, tsukhuyilo, nongu wu lajupuye akuchopu Jisu Khristo pephepiye kelo Alhou kukumgha nongu lau tsuniye akeu shou belo.

1 Peter 4:7

Ikemu thwokha kishekha nikeu kupunuvae; tighenguno nonguye akukhu kighini shilukepushi alikhi ampi ghasulu eno tsukhuyi shilo.

Piyeküsü 12:10

Tileno kungughalo asutsa kuloghi lakhi ishi pikeu ino chilu, “Itehiye Alhou wu xakulupu kuka eno pa kukaqha ighivae! Itehiye pawu Mesiya kuka kumto ighivae! Kughengu Alhou zulo puthugho puzu putho pucho nithikuzumi lhoksa pesu ngukuchekeu huye kungugha lono halephevae.

Piyeküsü 12:12

Tishiaye, kungugha eno tile achekemiqo, alovialo! Ikemu ayeghi ngo azughi ghenguno kiutoi ahakusapukela! Kughengu Tughami ye nongu lau iqivae eno paye shishe aloghu ide ani, tiye pano ithiakeuno pa doye ikhonhe likhivea kehue!”

Piyeküsü 12:9

Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

Piyeküsü 20:10

Tileno pano pishiqhichekeu Tughami huye ami eno amichu pitiakeu yizulo vesuve, khipa-alo tughashi ngo kichileu tungkupu vesupe puakeno, eno putho pucho alhokupujulo panonguye tileno pitipuzaqhi nani.

Piyeküsü 20:2

Pano Dragon, khaghi apighi hu tsuquluve, tipauye Tughami momu Satan huke, eno ampe 1000 ghenguno pa tshupe qhive.

XAKUTHAMI 14:5

Tighenguno Samson no papu ngo paza pama sasu Timna lo iqi. Panonguno atsailu vechesu iqi chekelo, pano abongushu lhothe lakhi igha aghikeu chilu.