1 John 1:3 - BAIBEL (BSI)

³ Khipau nino ithulu eno chiluve keu ghili nongu lau pikulha ani, tishianguno nongu pelo nigholo kuposhulu peniyeke. Ninguno Apu ngo paNu Jisu Khristo ishi sasu kuposhulu acheni.

Sümi Tiqhelimi Bible

³ Ningu ye ningu no kiu ithuluvea eno chiluvea keno tipau pesü nongu lau asheshu acheni, tishianguno nongu ghí ningu gholo kuposhulu peniye ke. Eno ninguw kuposhukulu ye Apù gholo eno pa Nu Jisü Khristo gholo ke.

Sumi Naga CL (Re-edited) Bible (BSI)

³ Ningu no khikhi ithulu eno chiluve akeno nongu lau pikülha ani, tishianguno nongu ghi ni gholo kuposhulu peniye ke; kuchou no ningu ye Apu eno Pa Nu Jisü Khristo sasü kuposhu acheni.

1 John 1:3 Mawu Ofanana

JOB 13:1

Inhethino hi kumtsu ithuluvae, eno ikinino chiluno mutsuqhei hi ithivae.

LESHELE 2:7

Kisheluve keu akukauno pi, “AMPEU zahkutsu pesu ino asheshuni. Pano ivilo pi, ‘Noye inu ake, ishi tsala lono ino opuh shiluvae.

LESHELE 22:22

Ithikuzumiqo gholo ino oje piphetsuni, panoqo hoholo ino osheqheni.

ISAIAH 66:19

eno ino panoqo ghimeqhi ani kepi panoqono ithi nani. “Ikemu ino panoqo khamiye ghupe qhinani eno ashiayeh kutami lau ngo putosu yeghilo akemi ijekipi chimla aphikemi eno ikuka kuloghi ithumla aphikemi lau panoqo puwu nani. Hipaqo lau puwu nani: Spein, Libya, Lidiya lo asuzu pekithimi lau eno Tubal ngo Greece lo. Ashiayeh hipaqo gholo panonguno ijekipi pesu asheshu nani.

AKIKIHI 10:32

Nono ningu gholo ighi aye ninguye AMPEU no ningu kumgha tsukeu kumtsu pe osasu kusajenike.”

John 17:11

Itehi niye ayeghilo ngomoake, eno niye olau cheake, ikemu panonguye ayeghiqhalo ani. Apu Akimtheu, oje kuka ti nono itsukeuje pesu panoqo khe tsulo, tishianguno nikujono lakhi shiake toi panongu ghi lakhi shi penike.

John 17:21

tishianguno panongu kumtsu lakhi shipenike. Apuo, nono ilolo aketoi eno ino ololo aketoi panongu ghi nigholo apeni, tishianguno nono ipuwukeu ayeghiqhano pulu penike.

John 17:25

Apu Amikuchou! ayeghiqhaye omtha ikemu niye no ithi ani, eno nono ipuwukepi hipaqono ithi ani.

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

John 19:35

Khuno ti ithulu keno pano ashepe hipau tsu ani, eno pa shepeye kuchou, eno paye kuchou tsa picheni kepi pano ithi ani, tishianguno nongu ghi pulu peniyeke.

Apostolmi 13:32

Ninguno asutsa kiviu nongu lau peighi akeuno, Alhou no kiu shitsunipi apu-asuqo lau piqhipe puakeno, tipau panoqo tianuli lau shikuputsu ani, ti Jisu xaputhuvekeu lono, hiye Leshele akiniu lo ghi yehpe puakeu toi. ‘Noye inu, Ishino ino opuh shiluvae.’

Apostolmi 13:41

‘Julo, nongu timi piputha chekeqo! akumza alo eno thi alo! kughengu, ino nongu tsalalo akumla lakhi shi ani, timi khamino nongu vilo chixechilei lhenamu nonguno khilemu pulumo nikeu kumla lakhike.!’ ”

Apostolmi 2:42

Panonguno Apostolmino kutsukeu ngo kuposhukeulo eno kuposhukeu ghulhu ngo akighini lono ado peitha ae.

Apostolmi 20:27

Kughengu Alhou kupughu kumtsu pesu nongu vilo pikulha nikeu lono suchilepe puamoe.

Apostolmi 4:20

Kughengu ninguye nino kiu ithulu eno chiluveakeno pimono amlavae.”

Rommi 15:27

Panonguno hi shikeu amlo kiqishi, kuchouno panonguye kumlhomiqo kuphukuzue, kughengu Judami no kukumgha ngu-agha pesu Judakumomi sasu kusajeke, ikehu Judakumomi ghi panongu kukumgha tinhemgha akeu hu pesu Judamiqo huthu kepue.

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

1 Kor. 1:9

Alhou ye pukhubekuluke, pa Nu Jisu Khristo, ningu Mipeu gholo kuposhulukeu apenike pano nongu kulukeu Lhou huke.

1 Kor. 15:1

Athikuzumiqo, ino atsakiviu khikhi nongu vilo pikulhache keno, eno khikhi nonguno ikhiluvea keno eno khipau shou nongu kupulu bepe ani keno

2 Kor. 13:14

Ampeu Jisu Khristo wu kupukini, Alhou kimiyekini eno Aghungu Kimthe kuposhukulu nongu kumtsu gholo apeniu. Amen.

Ephesiami 3:6

Tuqhou kukughuye hike: atsakiviu vechewo Judakumomino Judami gholo amheghi kiyighimi, kumtsa aphimpilo kihikusumi eno Khristo Jisu gholono Alhou no piqhi puakeulo kusajekemi ke.

FILIPIAMI 1:7

Nongu kumtsu ghenguno ino hitoi kumsupu akeuye achipi ke, kughengu nonguye pulhapuju imlolo achenike. Kughengu ino itehi akughu shiakelo ngo ino atsakiviu susho eno iyiqhi kumto chekelo ghi nongu kumtsuno igholo Alhou kupukini kusajejukemike.

FILIPIAMI 2:1

Khristo laumi shikeu lono nonguye aghuthi puxulu, kimiyekinino nongu lokughunotsu, nonguye Aghungu lono kuposhulu, lakhino lakhi jupesu kimiyeqhiyi eno ivuilayi anima?

FILIPIAMI 3:10

Ino pulo chekeuye Khristo ithini pa xuputhuvekeu kuka ithi, pa ghimeqo kusaje eno pa kithi gholono pa kimihi shiwuniyeke,

Kolosiami 1:13

Kughengu pano akuzuno qhasupe akeu lono ningu xapheluke eno Anu pano qhuyivulai chekeu yehkipe qholo ningu sasu ighike,

1 Thes. 1:10

itehiye pa Nu kungugha lono ighikeu nonguno huqhekheani, pa Nu Jisu khuu akithi lono xuputhuve eno pano Alhou loghu ighiniye akeu lono ningu xapheluke.

1 Tim. 6:2

Aqu-axemi khunoqono pano mipemiqoye kupulumi keno Khristo lono athikuzumi shive ake ipi puzu tipaqo phimo gihumove kepu kumoe. Tishinike zuqhu akiviushi panoqo qemasae, kughengu khunoqono panoqo kumla launo avehupu shilu ani keno tipaqoye panonguno kimiyechekemi kupulumike. Nono kutsu shika keulo hipaqo pesu akhotoshi pimasae,

IBRIMI 2:12

Pano ishipiketoi, “O Alhou, Ino ithikuzumi vilo oje piphetsuni, Ino aqo-aho zulono osheqheni.”

IBRIMI 3:1

Tighenguno athikuzumi akimthemiqo, khunoqo Alhou no kuluve akeno nikupulu pepimhe chekeulo Apostol eno Achinetou Jisu hu jukutolo.

IBRIMI 3:14

Kughengu ninguno abothulo amlolo mutotoi akeuhu ashekha kutolo ithamono tsuqupe a-aye ninguye kumtsu Khristo gholo kuloji- kemike.

1 Peter 5:1

Ni, nongu gholo kichimi lakhi shino nongu akukuhou gholo kichimiqo shikumto ani, niye Khristo no aghime sholukeu thopimi lakhike eno akimthe jukuvu pephepiyeni akeulo kusaje nikemike. Ino nongu qhuiniju ani,

2 Peter 1:16

Kughou ninguno nongu vilo niMpeu Jisu Khristo no ajekipi jukuvu lono ighinikeu ghili pesu pikeno ninguye timino muqumughashino iqiphekeu kughakichetsa pesu pithike kumoe, ikemu ninguye pa kimthe jukuvu ithulu puakeqoke.

1 John 1:1

Inahu abothu lono akuxupu Tsa khipau acheghi, nino chilu, ninhethino ithulu,nino jupukulu eno niuno bulukeno tipau ghili nongu lau yelu ani.

1 John 1:5

Ninguno Anu launo atsape hipau chilu keu nongu lau pikulha ani, ike Alhou ye akuvuke eno pa gholoye khilemu akuzu kuhae.

1 John 1:7

Ikemu pano akuvulo ake toi ninguno akuvulo checheni aye, ninguye lakhino lakhi sasu kuposhulu ani eno PaNu Jisu jino axine kumtsu launo ningu shikimthe tsu ani.