Titus 3:9 - Sümi Tiqhelimi Bible

⁹ Ikemu nikhanigha shi kütsalakile keu eno apù-asü kughuko ghili, eno ayeza ghili kütsala momu kighe keu shi kevilo, kughengu hi kümtsü kiumu alá shilu kepu küha eno avehupu küha ke.

BAIBEL (BSI)

⁹ Ikemu mbomzushi kutsalakeu, apu-asu kughuko ghili, mutomushukeu eno Ayezah ghenguno kiyi keu launo tsughuluvelo, kughengu tipaqoye ala heshelukepu kuhae eno adouke.

Sumi Naga CL (Re-edited) Bible (BSI)

⁹ Ikemu mbomzü shi kütsala keu, laghaphi, kimpikile keu, eno Ayezah ghenguno mtomshu keu, hipaqo ye ala shimo eno ame kühake hipaqo lono putosüve lo.

Titus 3:9 Mawu Ofanana

1 Kor. 13:2

Ni ye tungkuptsa pikulupu ghò aghiluvi eno akümzapu tuqhou jeli ngò akighithi kümtsü ithikutolu aghiluvi, eno ni ye naghuto tukiqeve kulupu küpülü aghiluvi, ikemu kikimiye küha aye ni ye kiumu kumoe.

1 Kor. 8:1

Itehi ye achuqu pesü ajulho lhouqo lau aghakishi shive keu vehu lo juni: Ningu no ithi akeu toi “Ningu kümtsü akighithi anike.” Ikemu akighithi no aqheküza shi cheni pe eno kikimiye no shiqhepuku acheni.

1 Tim. 4:7

Alhou sümsamo keu küghakiche tsa eno topu-toghu tsaqo lo amlo tsü kevilo; tishini ke züqhu Alhou lau amlo tsü nikeu lo O likhi O qophe alo.

2 Tim. 2:14

Alhou’w timiqo vilo hipaqo vehu pesü pikithe alo. Alhou zülo no panongu vilo atsa ghenguno kütsala keu vehu lo pikichi lo; tiye ameküha ke, eno chilu akemi ghüza keu likhi ke.

2 Tim. 2:16

Alhou sümsamo keu tsa za chekemi lau no putosüvelo, kughengu khunoqo no tishi cheni keno panongu ye alau shi Alhou sümsamo keu lo xüwuve nani.

2 Tim. 2:23

Nikhanigha eno anikha kikigheqo lo chhosü kevilo, kughengu tipaqo no kiyi-muto keu süghive cheni kepi nono ithi anie.

Titus 1:14

eno Jewmi’w küghakicheqo momu kuchou milive chekeu timi zakütsüqo lo amlo tsümoni.

James 4:1

Kiu ghenguno nongu dolo kiyi eno kütsala cheni kea? Tiye nongu lolo küsakügha kükümsü akeu tipau no aghüshi keu lono ighi cheni ke kumo keshea?