Titus 3:8 - Sümi Tiqhelimi Bible

⁸ Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.

BAIBEL (BSI)

⁸ Hiye kuchou tsa lakhike. Niye opelo hipaqo pikichichi apenishike, tishianguno khunoqono Alhou pululuve akeno tipaqo pelo akumla kivilo amlo tsuqhiyi shipeniyeke. Hipaqoye timi ghenguno akivi eno avehupuke.

Sumi Naga CL (Re-edited) Bible (BSI)

⁸ Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

Titus 3:8 Mawu Ofanana

MATTHEW 20:4

Pa no panongu vilo pi, ‘nongu ghí wu no I tsailu lo mülà lo, tishiaye nongu jume kiu ithulu küzüpu keno I no tsü nani ke.’

John 12:44

Tisheno Jisü no ighamuku pi, “Khukhumu I shou pülübeluve keu ye I shou likhi pülü anike kumoe, ikemu khuu I puwu keno pa shou pülü ani.

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

Apostolmi 12:15

Panongu no li vilo pi, “No ye izü anie.” Kughou li no kuchou kepi pikichichi auve keno panongu no ishi pi, “Tiye paw kungumi keniae.”

Rommi 4:5

Tishiaghimu, timi khuno no pano kümlà shou pükhübemo püzü Alhou khuu alhou kümthami pelo achipikalu pe chekeu shou pükhübe cheni keno, pa no panongu küpülü vechewo achipiu mikuchomi kepi kihitsü cheni.

2 Kor. 4:13

Ishi yèpüani: “I no pülüluve ke ghenguno I no pivae.” Ningu ye aküpülü lhoaye aphiphi ke ghenguno ningu ghí pülü ani eno tighenguno piani,

Ephesiami 4:28

Khuu no püka cheni keno pükamove moayesa, eno tishini ke züqhulo akümlà shi moayesa, pano likhi pano u peitha no kiuala akivipu kümlà shi moayesa, tishianguno panongu pelo khunoqo aveküsa shi ani keno tipaqo lau kiuala aghí keu pesü küsajelu kepu shilu pelo.

1 Tim. 1:15

Hiye kümtsü no ikhilu küzüpu eno pülü kepu tsa pikeu lakhi ke: Khristo Jisü ye axinemiqo xalu nike ghenguno ayeghi lo ighike—eno ni ye axinemi kümtsü nguno alhoküsau ke.

1 Tim. 2:8

Tighenguno a-a kümtsü lo kipitimiqo pelo amloidemo momu kütsalamo no akimthe u peqhe no inikhu penishi ani.

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

Titus 1:9

Pükhükulu kükütsü tsa shikave keu hu pa ye tipau mutotoi pelu aghí moayesa, tishianguno pa pelo mütsümishei keu külü pesü timi kütamiqo shikumto tsü eno tipau lachile kemi ghasülu peniye ke.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

Titus 2:7

Thowkha kümtsü lo kiu no akivi keno tipau shi püzü panongu zülo kiche-kipiye lakhi shilo. Ow shiküka lo hipaqo pìyelo, kikhikighi, tsaqütsalei keu,

Titus 3:1

Timiqo pelo kükami eno ayekipemiqo qhoqhü eno kiu no akivi keno tipau ghokulu shini keu kutò pe apenike ghutú alo,

Titus 3:14

Niw timiqo ye kiu no akivi keno tipau shi aní keu lo pulopiniyi amoayesae, tishianguno avehupu shi akemiqo kuphulu eno ameküha keu küxü xümo nani ke.

Philemon 1:11

Azüu pa ye O ghenguno peitha kümlapú shive ke, ikemu itehi pa ye O ghenguno ghí eno I ghenguno ghí avehupu shivae.

IBRIMI 10:24

Eno ningu ye kíshi no lakhi no lakhi shikumto ghi kikimiye eno akümlà kiviqo shiluni keno tipaqo kümsüni nolo,

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.