Titus 3:6 - Sümi Tiqhelimi Bible

⁶ eno ningu Xakuluu Jisü Khristo vechewo Alhou no kupukuno shi ningu shou Aghungu Kimthe lepuku tsüke,

BAIBEL (BSI)

⁶ Kughengu Alhou no ningu shou kupukunoshi Aghungu Kimthe puwu tsue,

Sumi Naga CL (Re-edited) Bible (BSI)

⁶ eno Jisü Khristo ni Xakuluu vecheo Pa no Aghungu Kimthe kupukuno shi ni shou lepuku tsü,

Titus 3:6 Mawu Ofanana

John 1:16

Paw kupukülai keu ghenguno püzüu küpükini tsüve keu theli lo itaghi ningu kümtsü küpükini ithulu ke.

John 16:7

Ikemu kuchou no I no nongu vilo piani, I no wuve keu no nongu kivipu ke. I no wuvemo ke thaqhülo Shikumtokütsüu hu ye nongu lau ighimo nani; ikemu I no wu anguno, I no nongu lau pa puwu nani.

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

John 7:37

Tiqhitini pinedo ashekhau eno ajekipi tsalà lo, Jisü no puthugho no ighamuku pi, “Khukhumu tüghüthi kemi ye I lau ighino yelu pelo.

Apostolmi 10:45

Jewmi küpülümi Peter gholo ighi kemiqo ye Jewkumomiqo shou ghí Aghungu Kimthe lepuku tsü aghí keu ithulu no akichiqhive.

Apostolmi 2:33

Pa süqhe pesü Alhou u ajeu qhi eno Apù lau no tushoqhi püakeu toi Aghungu Kimthe ithulu püzü nongu no itehi ithulu eno chilu akeu toi lepuku tsüke.

Rommi 2:4

Momu nongu ye Alhou’w küpüqhiyi keu hu kupukuno shi akeu ye nongu pelo amlo pebidelu pe nikeu ghenguno kepi vethamla no nongu ye paw küpüqhiyi keu, küsüqhikulu eno kheakulu thaigha cheni keshea?

Rommi 5:5

Eno lajupu hipau ye ningu pelo kujove pe chemo, kughengu Aghungu Kimthe ningu tsüpüa keu vechewo Alhou’w kikimiye ningu mlo lo lesüve tsüae.

Rommi 8:2

kughengu Khristo Jisü vechewo Aghungu yeza khikhi aküxü tsü cheni keno tipau vechewo axiné eno akithí yeza lono nongu kuqhophevae.

Ephesiami 3:8

Ni ye Ampeu’w timiqo kümtsü gholo akuu-amighiu shi aghí namu, küpükini hipau pesü I tsüke: tiye Jewkumomiqo lau Khristo’w ashekha-aghile küha keu kinikülü ghili kütsü nikeu,

Ephesiami 4:2

Alhokuthu aqhokighe eno akümtsha shilo; kheakulu shilo eno kikimiye lono lakhi no lakhi lau küsüqhikulu shilo.

1 Tim. 6:17

Ayeghi hipau lo khunoqo no kinikülü shi ani keno panongu vilo akuchhoma shimo nikeu momu akiní khikhi pükhübelu chemo keno tipau shou panonguw lajupu qhimo no Alhou khuu no ningu lokiqipu ghenguno kinikulu shi ningu tsü cheni keno pa shou lajupu qhi penike azah tsülo.

Titus 1:4

Titus lau yè ani, nikujo aküpülü lono lakhi shi akeu vechewo no ye I nu kuchou ke: Apù Alhou eno Khristo Jisü, ni Xakuluu lau no ighi keu küpükini eno aloino keu ow shilu peniu.