Titus 3:5 - Sümi Tiqhelimi Bible

⁵ pa no ningu xaluve ke, tiye ningu no amikucho kümlà shikeu ghenguno kumoe ikemu paw kimiyekini ghenguno ke. Qhukimthe keu lono punú kithe keu eno Aghungu Kimthe lono shikithe keu vechewo pa no ningu xalu ke,

BAIBEL (BSI)

⁵ pano ningu xalue, tiye ninguno akumla kivi kiwala shiluke ghenguno kumoe, ikemu pa ampino kimiyekini kehu lhokikithe shi qhukimithe keu vechewo eno Aghungu Kimthe no akuxu kithe shitsukeu vechewo pano ningu xalue.

Sumi Naga CL (Re-edited) Bible (BSI)

⁵ Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

Titus 3:5 Mawu Ofanana

MATTHEW 3:11

“Nongu mlo pebide penike ghenguno ni ye azü pesü nongu baptiz shitsü ani. Ikemu khuu I shelo cheni keno pa ye I nguno akumtou ke, ni ye pa pukhukuqhomu pe küzü kumoe. Pa no Aghungu Kimthe eno ami pesü nongu baptiz shitsü nani.

Luke 1:50

Pa sümsa kemi kümtsü shou tiqheli no tiqheli kutó kimiye keu pìye cheni.

Luke 1:54

Pa no küpüqhiyi nikeu kümsülu no pa qeu Israel kuphu ke

Luke 1:72

tiye nipù-asü lau küpüqhiyi keu pìye niye ke, eno pa kimthe shoqhi kümsüchilelu niye ke,

Luke 1:78

Kughengu Alhou’w kimiyeqhiyi keu vechewo kungugha lono khetsünhe ningu lau ighi nani

Rommi 11:6

Ike Alhou no küpükini vechewo kishe cheghi aye, tiye akümlà vechewo no kumoe. Kughengu akümlà vechewo kishe cheghi aye, küpükini ye kuchou no küpükini kumovae.

Rommi 12:2

Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.

Rommi 3:20

Tighenguno ayeza lo shikupulu keu vechewo timi khumu Alhou zülo achipiu kepi shuphelu chemoe; tike kumo no ningu ye ayeza vechewo ningu xiné kümsülu chenie.

Rommi 3:28

Kughengu ningu no ithi akeu no timi lakhi ye ayeza papelu keu lono kumo püzü aküpülü vechewo achipikalu cheni ke.

Rommi 4:5

Tishiaghimu, timi khuno no pano kümlà shou pükhübemo püzü Alhou khuu alhou kümthami pelo achipikalu pe chekeu shou pükhübe cheni keno, pa no panongu küpülü vechewo achipiu mikuchomi kepi kihitsü cheni.

Rommi 9:11

Ikemu, anukishe punú mphi züu no momu akivi eno alhoküsa kiumu shimphi züu no, Alhou no kishepüa keu kiqi lono apenike ghenguno li vilo ishi pike:

Rommi 9:16

Tighenguno hiye timi no shinishi keu momu pükapütsa keu shou kumoe, ikemu Alhou’w kimiyekini shou ke.

Rommi 9:30

Tishiaye ningu ye kiu pìní kea? Jewkumomi khunoqo no achipiumikucho phumo keno panongu ye aküpülü vechewo achipiumikucho ithuluvae;

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

Galatiami 2:16

Tishimu ningu no ithi akeu no timi lakhi ye ayeza pape keu vechewo achipikalu chemoe, ikemu Jisü Khristo shou pülü keu vechewo no ke. Ike ningu ghí ayeza pape keu vechewo kumo no Khristo shou pülü keu vechewo achipikalu penike ghenguno Khristo Jisü shou ningu küpülü qhicheni ke, kughengu ayeza papelu keu vechewo timi khumu achipikamla nani ke.

Ephesiami 2:4

Ikemu paw kikimiye kijè ningu ghenguno akeu vechewo Alhou khuu kimiyeqhiyi keu lo kinikülü keno,

Ephesiami 4:23

tiye nongu kükümsü lo kümsü chekeu akithé shive tsü;

Ephesiami 5:26

Khristo no hipau shikeu ye pa tsa vechewo azü pesü akukuhou qhukimtheve no li pelo akimthe shipe niye ke,

Kolosiami 3:10

eno alhoaye akitheu pepuluvea ke. Alhoaye akitheu hu ye Pulhosükütsü Lhou no pa ithive no pa toi shiluve peniye shikithe tsü acheni.

2 Tim. 1:9

Pa no ningu xaluvae eno akimthe küxü lo xü penike ningu kulù ke—ningu no kiuala shilu keu ghenguno kumoe ikemu pa kimiji eno küpükini vechewo no ke. Küpükini hipau ye inahuu no Khristo Jisü vechewo ningu tsüvae,

Titus 3:4

Ikemu kughou ninguw Xakuluu eno ni Lhou küpüqhiyi keu eno kikimiye ipeghi keno,

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 4:16

Tishiaye ningu ye pülükibe àghi Alhou’w küpükini küká lakhü kupunú ighini nolo, tishianguno ningu no avehupu shike ghuloki lo ningu kuphulu nikeu kikimiye ngò küpükini ithulu kepu shini ke.

IBRIMI 6:6

eno khunoqo no ikiqivea keno, tipaqo saideghi püzü amlo pebideve pe nikeu ye kushokütsüpu ke. Panongu haküsapu shi panongu ye itaghi huthu kithethu shi Alhou Nu yedapithi ani eno mìshí zülo no pa shikukujo anie.

1 Peter 1:3

Sheqhe keu pesü Alhou eno ningu Mpeu Jisü Khristo Papù tsü ani! Paw kikimiye kijè lono pa no akithí lono Jisü Khristo xüleputhuve keu vechewo ningu pelo xü akeu lajupu lo punú kitheluve

1 Peter 2:10

Ghuthu lakhi lo nongu ye Alhou’w timiqo kumo ke, ikemu itehi nongu ye Alhou’w timiqo shivea; ghuthu lakhi lo ye nongu ye kimiyekini ithumla no ake, ikemu itehi nongu ye kimiyekini ithuluvae.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,