Titus 2:3 - Sümi Tiqhelimi Bible

³ Tihutoi, totimi kichimiqo vilo panongu küxü ghola lo gihu küzüpu shi xü nikeu, timi no pipüthamo nikeu momu aji shokümzümi shimo nikeu shikalo eno kiu no akivi keno tipau shikalo.

BAIBEL (BSI)

³ Tihutoi topumi shivekeqo vilo Alhou sukumsa kuxu xulopilo. Panonguye timi xishi jekukemi shimoni momu aji kushomi shimoni. Panonguye kiuno akivi keno tipau pesu kutami kutsukepu,

Sumi Naga CL (Re-edited) Bible (BSI)

³ Topu layemi ghi titoi ghushoghili lo gihuküzüpu shimasae, xikishimi momu aji qüaxemi shikepu kumoe. Panongu ye akivi pesü timi shika masa,

Titus 2:3 Mawu Ofanana

Rommi 1:29

Panongu ye küsakügha, alhoküsa, alakimine eno alhoküsa jeli kümtsü no chhitoi ani. Panongu küxü ye anhekushu, hekiqhi, kumgho keu, pishikiqhi eno axeküsü no chhitoi ani. Panongu ye xishi chekemi,

Rommi 16:2

Nongu pelo Alhou’w timi sasü chekeu toi Ampeu je lono li sasü tsü penike I no nongu lau qhüiniju ani. Eno li no nongu lau no kiu akukuphu avehupu shini keno kuphutsü penike qhüiniju ani, kughengu li ye I likhi kumo no timi kutomo kuphu püani ke.

Ephesiami 5:3

Ikemu nongu dolo kipito xüküpsa, momu mithekumo jeli kiu-kiumu, momu alakimine kitilamu aghí pe kepu kumoe, kughengu hipaqo ye Alhou’w akimthe timiqo ghenguno achipikumo ke.

1 Tim. 3:11

Tipau tho lono totimiqo ghí gihu küzüpu shi moayesa, timi xishi kepu kumo ikemu aghibiu shi no thowkha lo pükhübekulu shi moayesa.

1 Tim. 3:8

Tipau tho lono akukuho lo aghinimiqo ghí gihukulupu eno amikucho timi shi aghí moayesae, aji shomzümoni eno amikucho kumo lono alá shini keu phu kemi shimoni.

1 Tim. 5:23

Azü likhi ye kevilo, eno O kive küsǜ eno nono tamo no sǜ achekeu ghenguno aji kititi peitha lo.

Titus 1:7

Akukuho lo sakiphemi lakhi ye Alhou kibo jukütsü ani kehu, pa ye tukutiye küha kemi shi aghí moayesa, amlo-idekalo kemi shimoni, aji shokümzümi shimoni, mutomushu kemi shimoni momu amikucho kumo lono alá shive niye phu kemi shimoni.

Titus 2:4

Tishianguno panongu ye panongu nguno ayitiuqo vilo panongu kimi eno panongu nuliqo kimiye lo ipi hakitelu nani,

IBRIMI 5:12

Kuchou lo ye itehi nongu ye kükütsümiqo shi aghive kepu ke, nongu ye khuala no nongu vilo huthu kithethu shi Alhou tsa kuchou boqhaqo pe nongu lau shika pe nikeu avehupu shi ani. Nongu ye akümka chuqu kumo no akichhizü avehupu shi ani.

Piyeküsü 2:20

Tishiaghimu, ni ye O vilo hipau pi kepu ani: Nono Totimi Jezebel khuu li likhi li pesü tungkupumi lakhi ipi pi cheni keno li lau küsüqhi tsüke. Li kükütsü vechewo li no I qemiqo saküghüzü sasü kipito xüküpsa kümlà ngò ajulho müláve keu chuquqo chuve pe ke.