Titus 1:9 - Sümi Tiqhelimi Bible

⁹ Pükhükulu kükütsü tsa shikave keu hu pa ye tipau mutotoi pelu aghí moayesa, tishianguno pa pelo mütsümishei keu külü pesü timi kütamiqo shikumto tsü eno tipau lachile kemi ghasülu peniye ke.

BAIBEL (BSI)

⁹ Paye ashepe tsa hu mutotoi pelu aghimasae tishi keuno tipau pukhukulupu shilu eno kuchou kukutsutsa sasu aphiphi shimasae. Tishi anguno kuchou kukutsu pesu kutami shikumtolu eno tipau ghobide chekemi tsa theqhilu nanike.

Sumi Naga CL (Re-edited) Bible (BSI)

⁹ Pa shikave ketoi pa ye pükhübekulupu tsa mtotoi tsüqülu masae, tishikeu lono pa ye mtsümishei keu külütsa pesü kütsüshika eno hekibidemi sakiyi lunani.

Titus 1:9 Mawu Ofanana

Apostolmi 18:28

Kughengu pa no aqha zülo kighe kelo akumto shi Jewmi pa lachile akeqo gheqhilu, eno Jisü ye Messiah kepi Kuchoyesü lono kimchi tsüke.

1 Kor. 14:24

Ikemu kughou pülümo kemi momu kuchou phu chekemiqo no nongu kümtsü no tungkuptsa pi ake lono iloghini keno, panongu no xiné shikeu ghenguno akipimí tsü nani eno Alhou no küghathabe nani ipi vethalu nani,

1 Thes. 5:21

ikemu tipaqo kümtsü peju lo; kiu no akivi keno tipau shichelo,

2 Thes. 2:15

Tishiaye, athiküzümi eno achelimiqo, ithamo no puthugho lo eno ningu no akichi tsa lono momu yèsü vechewo akükütsü tsaqo nongu tsü keqo mutotoi tsüqülulo.

1 Tim. 1:10

kipito mikuchokumomi, kipitimi no kipitimi dolo eno totimi no totimi dolo asalha kümlà shi chekemiqo, aqüaxemi pesü lhidi shi chekemiqo, akimkimiqo eno akimki shoqhi shi chekemiqo, eno tipau gholo kiu-kiumu kuchou külü nguno bidelau akeqo ghenguno ke.

1 Tim. 1:15

Hiye kümtsü no ikhilu küzüpu eno pülü kepu tsa pikeu lakhi ke: Khristo Jisü ye axinemiqo xalu nike ghenguno ayeghi lo ighike—eno ni ye axinemi kümtsü nguno alhoküsau ke.

1 Tim. 4:9

Pükhübekulu küghakiche tsa hipau ye kümtsü no ikhilu küzüpu ke.

1 Tim. 6:3

Tsalá khuala no ningu kükütsü gholo kunodi ghi kütsü no ningu Mpeu Jisü Khristo’w mütsümishei keu shikakütsü eno Alhou lau no ighi keu shiküka gholo puloküqhamo aye,

2 Tim. 1:13

Nono I lau no kiu chilu keno tipau no kuchou kükütsü ghola kepi papelo eno tipau gholo aküpülü eno Khristo Jisü kikimiye lono xülo.

2 Tim. 2:2

Eno thopimi kutomo gizü lono I no kütsü keu thimeqo nono ithitoiluve keu hu pesü no pükhübekulumi khunoqo no kütami kütsülu nani keno tipaqo ghí pichetsülo.

2 Tim. 2:25

Mujochile chekemi vilo agholau no shika moayesae. Alhou no panongu mlo pebide tsü no kuchou ithikulupu laghi lo sawu nani kepi lajupu qhi moayesae,

2 Tim. 3:14

Ikemu O ghengu ye nono kiu ithivea eno pülübeluvea keno tipau pape chelo kughengu no ye khunoqo lau tipaqo shikalu keno nono ti ithi anike,

2 Tim. 4:3

Kughengu timiqo no akǜlü kuchou papemoveni keu do ighi nani. Tishini ke züqhulo, panongu no pano likhi pano ghapiqilu nikeu eno panongu kìní muthomüzai akeu no chilu nishi keu gholau no pipe nike ghenguno kükütsümi kutomo panongu sühomxa pe qhi nani.

Titus 1:11

Panongu ghasüve moayesa ani, kughengu panongu no akibo kümtsü lo ilo no shikamo kepu thimeqo pesü shika no kübangüve tsü ani—eno ti ghí amikucho kumo lono alá shini keu ghenguno ke.

Titus 2:1

Tishimu no ye, mütsümishei keu aküpülü külü lo kiu no achipi keno tipau shika moayesa ke.

Jude 1:3

Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.

Piyeküsü 2:25

ikemu nongu ye I no ighimo ke kutólo nongu u lo kiu ani keno tipau tsüqüpe ngo lo.’

Piyeküsü 3:11

Ni ye itheno cheni. Nono kiu pe ani keno tipau tsüqüpe ngo lo, tishianguno khiu pelomu O kütsükuqho ikhiluve pemo nike.

Piyeküsü 3:3

Tighenguno, nono kiu ithulu eno chilu keno kümsülulo; tipau mutotoi tsüqülulo, eno xaidelo. Ikemu nono ithumo aye, I no küpkami lakhi toi ighi nani, eno I no kiu dolo no O lau ighi nani keno no ye mtha nani.