Titus 1:11 - Sümi Tiqhelimi Bible

¹¹ Panongu ghasüve moayesa ani, kughengu panongu no akibo kümtsü lo ilo no shikamo kepu thimeqo pesü shika no kübangüve tsü ani—eno ti ghí amikucho kumo lono alá shini keu ghenguno ke.

BAIBEL (BSI)

¹¹ Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

Sumi Naga CL (Re-edited) Bible (BSI)

¹¹ Panongu hasüve masae, kughengu panongu no kuchokumo lono ala shiniye shikamo kepu pesü akibo kümtsü xukutho ani.

Titus 1:11 Mawu Ofanana

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

Luke 20:40

Ikelo tithiu pa vilo iniju nikeu lo timi kümtsü no ighüve.

John 10:12

Aqe kiqemi ye akheu kumo ke eno ambeqo pighi chemoe. Ike kughou pa no tüngtügha chekeu ithuluni keno pa ye ambeqo likhi qhive no pove cheni. Tisheno tüngtügha no ambe lojiqo le no hapiyepighive tsü chenie.

Rommi 3:19

Ningu no ithi akeu no ayeza lo kiu-kiu pi püaghi namu tiye ayeza qholo akemiqo vilo piani, tishianguno timi no jekukivi shi chekeu kümtsü ghaküyiqüve no ayeghiqha kümtsü Alhou lau kihikülai tsüpe niye ke.

2 Kor. 11:10

Khristo’w kuchou I lolo mütsümishei ake toi Achaia bocho lo timi khumu I no agijivilei akeu hipau lakhave pemo nani.

1 Tim. 5:13

Tinguno alau no panongu ye akipichi shive no aki lakhi lono lakhi lo ilo keu lhoaye shiuve cheni. Eno panongu ye akipichi shive keu likhi kumo no panongu ye kütami kümlà lo chhosu keu no mighì acheni eno akiqi küha keu tsa kügha ghi pisümo kepu thimeqo lo ghi pisüwuve cheni.

1 Tim. 5:4

Ikemu chimemi lakhi no anuli momu atilimiqo aghí aye, tipaqo pelo atüghishi panongu kibolomi tucho keu vechewo panongu chineye akümlà lono pephe nikeu shikalu moayesa ke eno tishi keu vechewo panongu pù-aza eno asǘ-apüza lochilelu anani, kughengu hiye Alhou pulou ke.

1 Tim. 6:5

eno tamo no akükümsü lhoküsami eno kuchou kühave keqo dolo kighe kilé keu süghi cheni. Eno Alhou sümsaluve aye kinikülü shive cheni ipi panongu no kümsü cheni.

2 Tim. 2:18

eno pama ye kuchou lau no povae. Panongu ye xülekuthu hu ye hechevae ipi cheni eno panongu no hami küpülü kütsave tsü cheni.

2 Tim. 3:6

Panongu toi kemi ye müqümgha shi püzü timi ki lo ilo no miqemilei kemi totimiqo züluve cheni. Totimi tipaqo ye axiné no qhasü pesü acheni eno küsakügha kümlà jeli kümtsü shinishi keu no müsü sawuve cheni.

Titus 1:7

Akukuho lo sakiphemi lakhi ye Alhou kibo jukütsü ani kehu, pa ye tukutiye küha kemi shi aghí moayesa, amlo-idekalo kemi shimoni, aji shokümzümi shimoni, mutomushu kemi shimoni momu amikucho kumo lono alá shive niye phu kemi shimoni.

Titus 1:9

Pükhükulu kükütsü tsa shikave keu hu pa ye tipau mutotoi pelu aghí moayesa, tishianguno pa pelo mütsümishei keu külü pesü timi kütamiqo shikumto tsü eno tipau lachile kemi ghasülu peniye ke.

Titus 3:10

Akikijé shive chekemi timi lau ghuthu lakhi pikichivelo, eno tisheno itaghi akiniù panongu pikichivelo. Tipau thiu ye, panongu sasü kiumu kütshükime akevilo.