Rommi 8:6 - Sümi Tiqhelimi Bible

⁶ Timi lhoaye no ghasüpe akeu kükümsü ye akithí süghi cheni, ikemu Aghungu no ghasüpe akeu kükümsü ye aküxü eno aloino keu süghi cheni.

BAIBEL (BSI)

⁶ Timi lhoaye puloulo amlo kumsupuku auve aye akithi ipeghive cheni, ikemu Aghungu puloulo amlokumsupuku aye akuxupu eno alokiqipue.

Sumi Naga CL (Re-edited) Bible (BSI)

⁶ Ashi küdau amlo tsükeu ye akithipue, ikemu Aghungu küdau amlo tsükeu no aküxüpu eno alokiqipu ke.

Rommi 8:6 Mawu Ofanana

John 14:27

Alokiqi I no nongu gholo qhitsü ani; I lokiqi I no nongu tsü ani. Ni ye ayeghiqha no nongu tsüke toi tsü amoe. Nongu mlo kütakihi pe kevilo eno msà kevilo.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 17:5

Ike itehi ye, Apùo, ayeghi lho mphi züu O gholo I juküvü achekeu pe O zülo no I juküvü shitsülo.

Rommi 13:14

Tishini ke züqhulo, Ampeu Jisü Khristo pesü nongu ghünanu shi pepuluvelo, eno kíshi no ashi-aji ghapiqi tsüní keno tipaqo ghili kümsü akevilo.

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

Rommi 5:1

Tighenguno, ningu ye aküpülü vechewo achipikaluvea ke ghenguno ningu ye ningu Mpeu Jisü Khristo vechewo Alhou sasü külashiluvae, eno

Rommi 5:10

Kughengu tsalá ningu no Alhou ghümi shi aphi lo thotsü pa Nu kithí vechewo pa sasü külashilu aye, ningu ye külashiluva ake tinguno alau pa küxü vechewo ningu süsholu nani.

Rommi 6:21

Thime khipaqo ghenguno itehi ye nongu nokujo ani keno tipaqo lau no kiu alá shilu kea? Thime tipaqo ye ashekha lo akithí ke.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

Rommi 7:11

Kughengu axiné no azakütsü vechewo adokivi süghi keu hu no I pishiqhive ke, eno azakütsü vechewo I pìthíve ke.

Rommi 7:5

Kughengu ningu no kughou ashi kükaqha qholo ache keno, ayeza vechewo minemighei keu xiné hakutho keu no ningu lolo mülà acheke, ikehu ningu ye akithipu xathi pithí acheke.

Rommi 8:13

Kughengu nongu no timi lhoaye ghola pape ghi xü aye, nongu ye thive nani; ikemu nongu no Aghungu vechewo aphimpi xiné lhoaye pìthíve aye, nongu ye xü nani.

Rommi 8:27

Eno Alhou khuu ningu mlo lheju cheni keno pa no Aghungu kükümsü ithi acheni, kughengu Aghungu no Alhou pulou kiqi lono Alhou’w timiqo ghenguno alakipiu shi inikhu tsü acheni ke.

Rommi 8:7

Timi lhoaye no ghasüpe akeu kükümsü ye Alhou ghümi ke; eno tiye Alhou yeza qhoqhü chemoe, momu qhoqhü müla nanie.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Galatiami 6:8

Khuno no axiné pulou shi niye xusü cheni keno tipau lono kütsakungo keu xolu nani; khuno no Aghungu pulou shi niye xusü cheni keno tipau lono lhokta küxü xolu nani.