Rommi 8:35 - Sümi Tiqhelimi Bible

³⁵ Khuu no Khristo kikimiye lono ningu küghüxalu nani kea? Tiye aküküpüna no keo aghime no keo pishi-puju keu no keo püqümiye no keo athokha no keo akümsapu no keo akithipu no kea?

BAIBEL (BSI)

³⁵ Tishiaye khuno Khristo wu kikimiye lono ningu kughuxalu nani kya? Shiluksa-kitikhino keo, akijikusano keo, shikimighi keuno keo, akhu-amzuno keo, aqu-aghano keo, akuyighupu kiualano keo, momu ghiqhi-pithikeuno kya?

Sumi Naga CL (Re-edited) Bible (BSI)

³⁵ Khuu no Khristo kikimiye lono ningu küghüxalu nani kea? Aghime kitikhi no keo, kijiküpsa no keo, shikimighi keu no keo, püqümiye no keo, aphikümsa no keo, akümsapu no keo, azütakikihi no kea?

Rommi 8:35 Mawu Ofanana

John 10:28

I no lhokta küxü panongu tsü, eno panongu ye khilemu pühavemo nani; khunomu I u lono panoqo süxa pewumo nani.

John 13:1

Hechekulu ghulhu Tiqhitini shi niye akeu zülo Jisü ye ayeghi hipau qhive no Apù lau wuve nikeu do ighivea kepi ithi ae. Pa ye ayeghi lo pa pülü chekemiqo kimiye ke eno ashekha kutólo panoqo kimiye ke.

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Rommi 2:9

Tilehi küsakügha shi chekemi timi jeli kümtsü ghenguno aküküpüna eno aghime kitikhi anani: atüghishi Jewmi ghenguno, eno tithiu no Jewkumomi ghenguno anani;

Rommi 8:17

Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

Rommi 8:37

Moe! hi kümtsü lo Khristo khuu ningu kimiye cheni keno pa vechewo ningu ye tokulumiqo nguno akiqheu ke.

Rommi 8:39

qhemghai keu na thonhei keu na, lhoqhipüa keu kümtsü dolo kiu-kiu shi aghí namu ningu Mpeu Khristo Jisü vechewo Alhou kikimiye akeu lono ningu küghüxa müla nani kepi I no pülübeluvae.

1 Kor. 4:11

Itehi kutólo ningu ye müzüthi eno tüghüthi cheni, ningu ye tiphimini küixü pepu cheni, shishe ningu heqhi-buqhi achephi, ningu ye kupo-kichemi ke.

1 Kor. 4:12

Ningu ye nilikhi ni-u pesü aghime shi mülà acheni. Kughou ningu ghushoni keno, ningu ye kümgha tsü cheni; kughou ningu pishi-pujuni keno ningu ye tipau lo kutuuve cheni;

2 Kor. 12:10

Tishikehu, Khristo ghenguno tomo-chhimo keqo, jukünatha keqo, ghichhe-ghime shikeqo, pishi-puju keqo eno kushokütsü jeli shikeqo lo ni ye I lokiqi shi acheni. Kughengu kughou I no tomo-chhimoni keno, ni ye mutotoilu cheni.

2 Kor. 4:17

Ningu no aküpüna kitila eno ikhonhei sholu akeqo hu ye ningu pelo lhokta juküvü ithulu pe ani eno lhokta juküvü hu ye kütau kümtsü nguno akiqheu ke.

2 Kor. 4:8

Alaghi kümtsü lono ningu tsadaqhi ke, ikemu ningu munuqhivemoe; avehuizüve, ikemu amlo hauvemoe;

2 Kor. 4:9

pishi-pujuqhi ke, ikemu nilikhi qhivemoe; hekuluqhi ke, ikemu kütsaqhivemoe.

Ephesiami 3:19

eno kikimiye hipau ye akighithi hekiye cheni kepi ithilu peniye ke—tishianguno Alhou’w kupukulu kümtsü pesü nongu pelo chhitoilu peniye ke.

2 Thes. 2:16

Ningu Mpeu Jisü Khristo ampi no eno ningu Papù Alhou khuu ningu kimiye eno paw küpükini vechewo lhokta shikumtokütsü eno lajupu kivi ningu tsü keno,

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.