Rommi 8:11 - Sümi Tiqhelimi Bible

¹¹ Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

BAIBEL (BSI)

¹¹ Akithi lono Jisu xuputhuvekeu Ghungu no nongu lolo acheni aye, khuno akithi lono Khristo xuputhuve keno, pa Ghungu nongu lolo achepe keu vechewo nongu thive nikuau phimpi loghi akuxupu tsu nani.

Sumi Naga CL (Re-edited) Bible (BSI)

¹¹ Tsala akithi lono Jisü xüputhu keu Ghungu no nongu lolo aghi aye, Khuu no akithi lono Khristo Jisü xüputhu keno, Pa Ghungu nongu lolo akeu vecheo Pa no nonguw thiveni keu phimpi lo ghi aküxüpu tsü nani.

Rommi 8:11 Mawu Ofanana

John 14:17

tiye kuchou Ghungu ke. Ayeghiqha ye pa ikhilumo nani, kughengu panongu ye pa ithulu chemo momu pa mtha ke. Ikemu nongu ye pa ithi ani, kughengu pa ye nongu gholo xüani eno nongu lolo ache nani.

John 5:21

Kughengu Apù no kithimi xüputhu no aküxü panongu tsü keu toi, Anu ghí pa no tsünishi kemiqo aküxü tsü chenie.

Apostolmi 2:24

Ikemu Alhou no akithí lono pa xüputhuve no akithí kushuküqha lono pa kuqhopheve ke, kughengu akithí ye pa küghape qhipüaveni keu kushokütsüpu shive ke.

Rommi 16:10

Apelles, khuu Khristo pülü akeu lo theqhikulu shi puthugholu keno, petha tsülo. Aristobulus kibolomiqo lau petha tsülo.

Rommi 16:3

Khristo Jisü lono I gholo mülà küqha chekeu Priscilla ngò Aquila pama vilo iw petha tsülo.

Rommi 16:7

Andronicus ngò Junia pama lau petha tsülo. Pama ye I küsàmi Jewmi eno I gholo kümtsa akughu lo acheke. Pama ye apostolmiqo dolo akiqheu shi ikhilu chekemi, eno pama ye I züu no Khristo pülüluve ke.

Rommi 16:9

Khristo lono mülà küqha akeu Urbanus eno I no kimiye chekeu aküsàu Stachys petha tsülo.

Rommi 6:12

Tighenguno axiné pelo O phimpi thiveniküau qhasü pesü O phimpi pelo küsakügha kümlà shinishi keu gholu pe kevilo.

Rommi 8:1

Tighenguno Khristo Jisü’w shiluve kemi shou ye küghathabemo nani,

Rommi 8:12

Tighenguno, athiküzümi ngò achelimiqo! ningu no shi moayesa keu ani eno tiye timi lhoaye ghola pape ghi xü nikeu kumoe.

Rommi 8:2

kughengu Khristo Jisü vechewo Aghungu yeza khikhi aküxü tsü cheni keno tipau vechewo axiné eno akithí yeza lono nongu kuqhophevae.

Rommi 8:9

Ikemu Alhou Ghungu no nongu lolo aghí aye, nongu ye timi lhoaye kükaqha lo kumo no Aghungu kükaqha lo anike. Eno timi khukhumu Khristo Ghungu küha aye, pa ye Khristo laumi kumoe.

1 Kor. 15:16

Kughengu kithimiqo xüputhu pe püaghimo ke aye Khristo ghí akithí lono xüputhumoni cheke.

1 Kor. 6:14

Alhou no pa küká vechewo akithí lono Ampeu xüputhu ke, eno pa no ningu ghí xüputhu nani.

2 Kor. 4:11

Kughengu ningu khunoqo aküxü ani keno alhokuthu lo Jisü je ghenguno akithipu lo ikhiphe pe tsüve acheni, tishi keu vechewo ningu thiveniküau phimpi lono pa küxü ghí pephe-piye lupe niye ke.

2 Kor. 4:14

kughengu ningu no ithi akeu no Alhou khuu akithí lono Ampeu Jisü xüputhu keno pa no Jisü gholo no ningu xüputhu nani eno nongu gholo no pa zülo ningu sasü ighi nani.

2 Kor. 5:4

Ningu no ningu phimpi phiki hipau lo akelo ningu ye amakho kimshi láu no aküsǜ ghügha igha acheni, ningu ye ayeghi küxü phimpi xaqhive nishi keu ghenguno kumo ikemu kungugha lo nikungoki lo auve nishi yé ke, tishianguno thiveniküau hu ye aküxüpu no munove peniye ke.

Galatiami 6:8

Khuno no axiné pulou shi niye xusü cheni keno tipau lono kütsakungo keu xolu nani; khuno no Aghungu pulou shi niye xusü cheni keno tipau lono lhokta küxü xolu nani.

Ephesiami 2:5

pa no ningu no hebideve keu lono thive no ake ghuloki lono Khristo gholo no ningu xüputhu ke—nongu ye küpükini vechewo xaluvae.

FILIPIAMI 3:21

khuu thowkha kümtsü paw ghaküsü qholo qhikulupu küká ani keno, pa no ningu phimpi kilive tsü nani eno tishi keu vechewo ningu phimpi ye pa juküvü phimpi toi pekilive tsü nani.

IBRIMI 13:20

Itehi ye alokughuno tsü chekeu Lhou, ambeqo Kheu akijeu, khuu lhokta puloshoqhi jì vechewo akithí lono Jisü xüchile saighi keno,

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

Piyeküsü 1:18

Ni ye xü akeu hu ke; Ni ye thive ke, ikemu itehi ye julo, ni ye alhokupuju lono alhokupuju kutólo xü anani! Eno I no akithí ngò Hades kümaw khayi pesü ani.

Piyeküsü 11:11

Ikemu atsala küthü tüxa thiu Alhou lau no ighi keu aküxü tuthu hu no pama lolo ilove, eno pama ye puthughove, eno pama ithulu kemiqo kümtsü no shishe msàve.