Rommi 8:1 - Sümi Tiqhelimi Bible

¹ Tighenguno Khristo Jisü’w shiluve kemi shou ye küghathabemo nani,

BAIBEL (BSI)

¹ Tighenguno khunoqono Jisu Khristo gholo xuani keno itehi panonguye Alhou no levemoe.

Sumi Naga CL (Re-edited) Bible (BSI)

¹ Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

Rommi 8:1 Mawu Ofanana

John 14:20

Tipau tsalà lo nongu no ni ye I pù lolo ani, eno nongu ye I lolo ani eno ni ye nongu lolo ani kepi vethalu nani.

John 15:4

I gholo kimepe achelo kughengu ni ghí nongu gholo kimepe anike. Aloka ye pa likhi pa kutoshi athi pithílu chemoe; tiye atsaibo gholo kimepe aghí moayesa ke. Titoi nongu ghí I gholo kimepemo ke thaqhülo ye athi pithí mülae.

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

Rommi 16:3

Khristo Jisü lono I gholo mülà küqha chekeu Priscilla ngò Aquila pama vilo iw petha tsülo.

Rommi 16:7

Andronicus ngò Junia pama lau petha tsülo. Pama ye I küsàmi Jewmi eno I gholo kümtsa akughu lo acheke. Pama ye apostolmiqo dolo akiqheu shi ikhilu chekemi, eno pama ye I züu no Khristo pülüluve ke.

Rommi 5:1

Tighenguno, ningu ye aküpülü vechewo achipikaluvea ke ghenguno ningu ye ningu Mpeu Jisü Khristo vechewo Alhou sasü külashiluvae, eno

Rommi 5:16

Momu Alhou’w kümsá ghò pesü timi lakhi no axiné shive keu sasü kimghi mülae: Timi lakhi xiné vechewo küghakütha eno kiléqhi keu saighike, ikemu Alhou no kümsá ghò tsü keu vechewo kutomo kipimí pevetsü no achipikalu pe ke.

Rommi 7:17

Tishiaye, tiye I likhi I no shi anike kumovae, ikemu I lolo axiné xü akeu hu no shi anike.

Rommi 7:20

Ikehu, tsalá I no kiu shinishi chemo keno tipau shi aye, tiye I no kumoe ikemu I lolo axiné xü akeu hu no tipau shi anike.

Rommi 8:11

Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

Rommi 8:14

Kughengu Alhou Ghungu no khunoqo sapheni keno panongu ye Alhou nuliqo ke.

Rommi 8:2

kughengu Khristo Jisü vechewo Aghungu yeza khikhi aküxü tsü cheni keno tipau vechewo axiné eno akithí yeza lono nongu kuqhophevae.

Rommi 8:34

Tishiaye khuu no ningu kiléqhive kulupu kea? Khuu nomu kumoe. Khristo Jisü khuu thive keno—eno tilikhi kumo no khuu akithí lono xüputhuve keno—pa ye Alhou u ajeu küdau iqa no ningu ghenguno alakipiu shi ghi inikhu tsü acheni.

Rommi 8:39

qhemghai keu na thonhei keu na, lhoqhipüa keu kümtsü dolo kiu-kiu shi aghí namu ningu Mpeu Khristo Jisü vechewo Alhou kikimiye akeu lono ningu küghüxa müla nani kepi I no pülübeluvae.

Rommi 8:4

tishi keu vechewo ashi kiqi lono kumo no Aghungu kiqi lono xüche kemiqo pelo ayeza lo achipiu kümlà ningu lau no avehupu shi akeu kümtsü shikupulu peniye ke.

Rommi 8:9

Ikemu Alhou Ghungu no nongu lolo aghí aye, nongu ye timi lhoaye kükaqha lo kumo no Aghungu kükaqha lo anike. Eno timi khukhumu Khristo Ghungu küha aye, pa ye Khristo laumi kumoe.

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

1 Kor. 15:22

Kughengu Adam vechewo timi kümtsü thive ketoi Khristo vechewo timi kümtsü püxüve nani.

2 Kor. 12:2

I no Khristo lono timi lakhi ithi ani; ike tiye Ampe chighibidi züu ni ye kunguu kungugha aküthüu lo saikuve ke. Tiye aphimpi lono keo aphimpi qhive no iku keno ni ye mthae. Alhou no ithi ani.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

Galatiami 3:13

Khristo no ningu züqhu shi angsü puluve keu vechewo pa no ayeza ngusü lono ningu xachilelu ke, kughengu ishi yèpüani: “Timi khuu no kros lono tshüqhi thiveni keno pa ye müsüinivae.”

Galatiami 3:26

Ike Khristo Jisü lono aküpülü vechewo nongu kümtsü Alhou nuliqo ke,

Galatiami 3:28

Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

Galatiami 5:16

Tighenguno I no piani, Alhou Ghungu ghaküsü qholo xülo, eno nongu ye timi lhoaye no shinishi keqo ghapiqi tsümo nani.

Galatiami 5:25

Ningu no Aghungu lono xü cheghi aye, ningu Aghungu ghaküsü qholo no xüni nolo.

Ephesiami 1:1

Ni Paul, Alhou pulou vechewo Khristo Jisü’w apostolmi lakhi no, Ephesus lo Alhou’w akimthe timiqo, eno Khristo Jisü lono küpülümiqo lau yèlu ani:

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.