Rommi 7:5 - Sümi Tiqhelimi Bible

⁵ Kughengu ningu no kughou ashi kükaqha qholo ache keno, ayeza vechewo minemighei keu xiné hakutho keu no ningu lolo mülà acheke, ikehu ningu ye akithipu xathi pithí acheke.

BAIBEL (BSI)

⁵ Ninguno ningu timi lhoayelo xuache kelo Ayezah no axine gho apulou haputhu puzu niphi-mpi pepimheno akithipu mlaphe cheke.

Sumi Naga CL (Re-edited) Bible (BSI)

⁵ Kughengu ningu no ashi lo xüche kelono Ayezah no ningu lolo axine lhoaye xukutho püzü akithipu xathi pithi peniye ningu phiau peitha cheke.

Rommi 7:5 Mawu Ofanana

MATTHEW 15:19

Kughengu amlo lono alhoküsa kükümsüqo—ghikiqhi, shupu keu, kipito xüküpsa, aküpüka, kichileu shepe eno pipütha keu ipeghi cheni.

John 3:6

Ashi no ashi punú cheni, eno Aghungu no aghungu punú cheni.

Rommi 1:26

Hi ghenguno, Alhou no panongu ikhiphe pe akukujopu kimineqo lo tsüve ke. Panonguw totimiqo ghí alhoaye lono kipitimi-totimi ashi-aji küqha keu ghola kumo no pano likhi pano dolo ashi-aji küqha keu shike.

Rommi 3:20

Tighenguno ayeza lo shikupulu keu vechewo timi khumu Alhou zülo achipiu kepi shuphelu chemoe; tike kumo no ningu ye ayeza vechewo ningu xiné kümsülu chenie.

Rommi 4:15

kughengu ayeza no Alhou loghu süghi cheni ke. Eno khilehi ayeza küha keno tilehi hekibide kühae.

Rommi 5:20

Hekibide kighishe penike ghenguno ayeza iloghi ke. Ikemu khile axiné kighishe keno tilehi küpükini alau shi kighishe ke,

Rommi 6:13

Nongu phi-au lakhimu pesü küsaküghaw küghaküsü shi ghi axiné lau ikhiphe tsü kevilo, ikemu tishini ke züqhulo akithí lono aküxü shive kemiqo toi O likhi O küxü pesü Alhou lau ikhiphe pe tsülo; eno O phi-au eno O mlo kükümsü kümtsü pesü achipiumikucho küghaküsü lakhi toi ikhiphe pe pa tsülo.

Rommi 6:19

Timi lhoaye lo tomo-chhimo keu achekeu nongu gholo akeu ghenguno ni ye tsalakipe küxüw kiche-kipiye peitha ani. Nongu no nongu likhi nongu pesü mithekumo ngò küsakügha qüaxe shi ikhiphe pe tsü cheke toi, itehi ye nongu likhi nongu pesü achipiumikucho qüaxemi shi ikhiphe pe tsülo eno tishi keu vechewo akimthe küxü lo xülo.

Rommi 6:21

Thime khipaqo ghenguno itehi ye nongu nokujo ani keno tipaqo lau no kiu alá shilu kea? Thime tipaqo ye ashekha lo akithí ke.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

Rommi 7:23

ikemu I lolo ayeza kütau ghí mülà akeu I no ithulu ani. Hipau no I lolo I kükümsü yeza sasü kichighi acheni eno hipau vechewo ni ye axiné yezaw akughumi lakhi shi acheni.

1 Kor. 15:56

Akithíw ghüzakulupu sahu ye axiné ke, eno axiné küká ye ayeza ke.

2 Kor. 10:3

Kughengu ningu ye ayeghi lo xü aghí namu, ayeghilomi no shi chekeu toi ningu ye aghüshi chemoe.

Galatiami 3:10

Kughengu ayeza lo shikupulu keu shou pükhü chekemi kümtsü ishi yèpüa keu toi ghusho nani: “Khunoqo no Ayeza Kaku lo yèpüa keu kümtsü papemo nike no angsü shive pelo.”

Galatiami 5:24

Khunoqo no Khristo Jisü’w shivea keno panongu ye timi lhoaye gholo ashi no minemighei chekeu eno shinishiqhiyi chekeu kümtsü kros lono yedapithivae.

Ephesiami 2:11

Tighenguno, nongu khunoqo no atüghi lo ajì lono Jewkumomi keno eno “aphighüyiko ghave kemi” (tiye timi u vechewo aphimpi lo ghave keu) ipi panongu likhi panongu ku chekemiqo no nongu vilo “aphighüyiko ghamo kemi” ipi ku cheni keno tipau kümsülulo—

Ephesiami 2:3

Ningu kümtsü ghuthu lakhi lo ye panongu gholo xüche ke, tiye ningu shi-aji no mine keu ghapiqi ghi eno tipau no shinishi keu ngò tipau kükümsü pape keu vechewo xüache ke.

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

Titus 3:3

Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.

James 1:15

Shinishiqhiyi keu mishiluve kethiu, tipau no axiné punuqhi cheni; eno kughou axiné no chhikhoi thuwuveni keno tipau no akithí punuqhi cheni.

James 4:1

Kiu ghenguno nongu dolo kiyi eno kütsala cheni kea? Tiye nongu lolo küsakügha kükümsü akeu tipau no aghüshi keu lono ighi cheni ke kumo keshea?

1 John 3:4

Axiné shi chekemi kümtsü ayeza hebide ani; kuchou lo ye, axiné ye ayeza küha ke.