Rommi 4:21 - Sümi Tiqhelimi Bible

²¹ eno Alhou ye pa no kiu piqhi keno tipau shikulupu küká ani kepi tsaqüi pükhübeluve.

BAIBEL (BSI)

²¹ Alhou ye pano kiu piqhive akeno shive nani kepi Abraham no kuchouno mtsuqhei shi.

Sumi Naga CL (Re-edited) Bible (BSI)

²¹ eno Alhou no kiu piqhi püa keno shilu nanie pi thebei ithive.

Rommi 4:21 Mawu Ofanana

MATTHEW 19:26

Jisü no panongu ju no ishi pi, “Timi ghenguno hiye kushokütsüpu ke, ikemu Alhou ghengu ye thowkha shikulupu anie.”

Luke 1:1

Timi kutomo no ningu gholo thime shikupuve keqo kihikülai yèpeqhi nikeu shiju ke.

Luke 1:37

Kughengu Alhou lau no ighi keu tsa ye khilemu tomla keu shimo nani.”

Luke 1:45

Totimi khuu no Alhou no paw tushokiqhiqo li lau shikupu tsüní ipikeu lo pülü keno li ye müghae!”

Rommi 14:4

No ye khuu keno kütami qemi shou küghathabeni kea? Aqemiqo ye amikucho keo amikucho kumo keno panongu mpeu likhi no xatha nani ke. Eno panongu ye amikucho shi nani, kughengu Ampeu no panoqo pelo amikuchou shilu pe nani.

Rommi 14:5

Timi khami ghengu ye atsala hami no atsala kütau nguno akimtheu kepi kümsü cheni; kütami ghengu ye atsala kümtsü aphiphi kepi kümsü cheni. Pütüta no alikhi akükümsü lo mutotoi shiluve kepue.

Rommi 8:38

Kughengu I no ithi akeu no akithí na aküxü na, kungumiqo na tüghaküsaqo na, itehi na ighi nikeu na, kiu-kiu küká na,

2 Kor. 9:8

Eno Alhou ye kupukuno shi nongu kümgha tsülu nani, tishianguno thowkha kümtsü lo eno ado aghuloki kümtsü lo nongu no avehupu shikeu kümtsü aghílu pe nani eno nongu ye akümlà kivipu kümtsü lo kupukuno shi küsajelu nani.

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

IBRIMI 11:13

Timi hipaqo kümtsü thiveni ke kutólo aküpülü vechewo xü ake. Panongu ye panongu lau piqhipüa keu thimeqo ithumla ke; panongu ye anhethi likhi no tipaqo ithulu no putou lono panongu sasülu ke, eno panongu ye ayeghi hipau lo inami eno tüsümiqo kepi ikhilu ghi hi shike.

IBRIMI 11:19

Alhou ye kithimi kutólo xüputhuluve nani kepi Abraham no kiqiluve, eno pìní aye Abraham ye akithí lono Isaac ithulu chilelu ke.