Rommi 3:4 - Sümi Tiqhelimi Bible

⁴ Khilemu tishimo thono! Timi jeli kümtsü no kimkimi shive namu Alhou ye kuchou shi anani. Kughengu ishi yèpüani: “Tishianguno kughou nono atsa pìní keno no ye achipi kepi kimchilu peniye ke eno kughou nono küghathabeni keno tokulu shilu peniye ke.”

BAIBEL (BSI)

⁴ Khilemu tishimo nani! Timi kumtsuno kimkimi shive namu Alhou ye kuchou shi ani putsae. Kuchoyesulo ishi pipuakeu toi: “Kughou nono atsa pini keno noye achipie pi piye masae, Kughou oshou kughathabeni keno noye tipaulo tolu masae.”

Sumi Naga CL (Re-edited) Bible (BSI)

⁴ Kiu gholau nomu kumoe! Ishi yepüake ketoi, kümtsü no kimkimi shivemu Alhou ye kuchou shi nani, “O shou küghathabe kelo nono tolu, eno o tsapi lono o pesü achipiu shilu peniye ke.”

Rommi 3:4 Mawu Ofanana

MATTHEW 11:19

Timi Nu no ighino chu eno sho kelo ye panongu no, ‘Timi hipau ye minhemüzai eno shokümzümi, zame küqhami ngò axinemiqo küsàmi,’ ipi ke. Ikemu alokütsü ye akümlà lono kimichive tsü cheni.”

Luke 20:16

Pa ye ighino mishichi akemiqo pìthíve nani eno atsailu pesü kütami tsüve nani.” Kughou timiqo no hipau chilu keno, panongu no pi, “Alhou no kimiye no tishi pemoniu!”

John 3:33

Tipau ikhilu kemiqo ye Alhou ye kuchou kepi akupulo shepe shive tsüae.

Rommi 11:1

Tipathiu I no ishi iniju: Alhou ye paw timiqo milive keshea? Khilemu tishimoe! Ni ampi ghí Israelmi lakhi ke. Ni ye Abraham tikughukomi eno Benjamin lagha lono ighi kemi ke.

Rommi 11:11

Itaghi I no iniju: Israelmiqo ye athoputho müla kepu shi veqhive keshea? Khilemu tishimoe! Ikemu panonguw hekibide ghenguno Israel pelo anheshu peniye xakulu ye Jewkumomiqo lau ighivae.

Rommi 3:31

Tishiaye ningu ye aküpülü hipau pesü ayeza shipühaveni keshea? Khilemu tishimo thono! Kuchou lo ningu ye aküpülü aghí anguno ayeza pekupulu chenie.

Rommi 6:15

Tishiaye ningu ye kiu pìní kea? Ningu ye ayeza qholo kumo no küpükini qholo anike ghenguno axiné shi aní keshea? Khilemu tishimoe!

Rommi 6:2

Khilemu tishimoe! Ningu ye axiné lo thive kemiqo ke; ningu ye kíshi no axiné lo xü aní kea?

Rommi 7:13

Imaye kiu no akivipu keno tipau ye kíshi püzü akithipu I lau süghive cheni kea? Tikumo thono! Tishiaghi namu, axiné ye axiné kepi kimchipheve nike ghenguno kiu no akivi keno tipau pesü axiné no akithí I lau süghi ke, tishianguno azakütsü vechewo axiné lhoaye ye kuchou no kiu keno pephe-piye peniye ke.

Rommi 7:7

Tishiaye ningu ye kiu pìní kea? Ayeza ye axiné keshea? Tiye kumo pütsa! Tishiaghi namu, ayeza ghenguno ke thono ni ye axiné ye kiu keno mtha no aghíni cheke. Kughengu ni ye ayeza no, “No ye jumine kevilo,” ipimo no aghí ke aye ni ye jumine keu ye kiu keno ithimoni cheke.

Rommi 9:14

Tishiaye, ningu ye kiu pìní kea? Alhou ye achipikumo keshea? Khilemu tishimoe!

1 Kor. 6:15

Nongu phimpi ye Khristo phi-au kepi nongu ye mtha keshea? Tishiaye ni ye Khristo phi-au ikhipesü kütüqhalimi lakhi gholo küqhave tsüní keshea? Khilemu tishimoe!

2 Kor. 1:18

Ikemu mütsüqhei no Alhou ye pükhübekulu ke ghenguno ningu kükütsü sütsa lo nongu vilo “Iye” eno “Moe” ipimoe.

Galatiami 2:17

“Ikemu Khristo vechewo achipikalu nike phu akeu lo ningu Jewmiqo no axinemiqo dolo ningu likhi ningu phulu aye Khristo ye axiné saphu ani keshea? Khilemu tishimoe!

Galatiami 2:21

Ni ye Alhou’w küpükini milive chemoe, kughengu ayeza vechewo achipiumikucho ithulu kepu shi aghí aye, Khristo ye adou lono thivae!”

Galatiami 6:14

Ningu Mpeu Jisü Khristo’w kros nguno alau ye I pelo kütau thime shou qheza pemo peniu, kughengu pa yeda pìthíve keu vechewo I no ayeghiqha lhoaye shinishi chekeu yedapithivae eno I lolo ayeghiqha lhoaye no shinishi chekeu yedapithivae.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

Titus 1:2

lhokta küxü lo lajupu akeu, khikhi mikí chemo keu Lhou no mulho ghuloki lono piqhipüa keno,

IBRIMI 6:18

Ikehu Alhou no pikiqhi eno tushokiqhi shike, eno thime hiküma ye kilivekümlapu eno hipau lo Alhou ye akimki shivemla nani ke. Ikehu ningu khunoqo no lajupu ningu zülo qhipüa keu mutotoi tsüqüluve nike ghenguno wuve keno tipaqo pelo shishe shikumtoluve peniye ke.

1 John 5:10

Khukhumu Alhou Nu shou pülü keu ye ashepe hipau ikhilu cheni. Khukhumu Alhou shou pülübemo keu ye Alhou pesü kimkimi lakhi shive tsü ani, kughengu panongu ye Alhou no pa Nu ghili ashepe tsü akeu pülübemo ke.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

Piyeküsü 3:7

“Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.