Rommi 3:30 - Sümi Tiqhelimi Bible

³⁰ kughengu Alhou lakhi likhi ani, pa no aküpülü vechewo aphighüyiko ghave kemi pelo achipikalu pe nani, eno aphighüyiko ghamo kemi pelo ghí tipau tho lono aküpülü vechewo achipikalu pe nani.

BAIBEL (BSI)

³⁰ Alhou ye lakhi kehu pano aphighu yiko ghave kemi pelo panongu kupulu qhemi lono pa lau achipikalupe nani, eno Judakumomi pelo ghi panongu kupulu vechewo shilupe nani.

Sumi Naga CL (Re-edited) Bible (BSI)

³⁰ kughengu Alhou ye lakhi likhi keke—Pa no aphighüyiko ghave kemi lau pano küpülü pesü achipiu shitsü nani, eno aphighüyiko ghamo kemi no aküpülü vecheo achipiu shitsü nani.

Rommi 3:30 Mawu Ofanana

Rommi 2:26

Tishiaye, aphighüyiko ghamo kemi no ayeza no avehupu shi akeu papelu aghí aye, panongu ye aphighüyiko ghave kemi toi ikhilumo nani keshea?

Rommi 2:27

Nongu no akiyé yeza aghí eno aphighüyiko ghave aghí namu ayeza hekibidemi lakhi ke ghenguno Jewkumomi aphighüyiko ghamo namu ayeza gholu chekemi no nongu kiléqhive nani.

Rommi 3:22

Alhou chipiumikucho hipau ye Jisü Khristo pülü kemi kümtsü lau aküpülü akeu vechewo tsüpüani ke. Tighenguno Jewmi ngò Jewkumomi dolo kiumu kütüqü keu küha,

Rommi 3:28

Kughengu ningu no ithi akeu no timi lakhi ye ayeza papelu keu lono kumo püzü aküpülü vechewo achipikalu cheni ke.

Rommi 4:16

Tighenguno, Alhou’w pikiqhi ye aküpülü vechewo ighi cheni, tishianguno pikiqhi ye küpükini vechewo Abraham nuli-kughukoqo kümtsü lau mütsümishei shilu peniye ke—tiye ayeza papelu chekemiqo lau likhi kumo, ikemu Abraham küpülü toi aküpülü aghí kemiqo lau ghí ke. Abraham ye ningu kümtsü papù ke.

Rommi 4:9

Kükümgha hipau ye aphighüyiko ghave kemi ghengu likhi keo aphighüyiko ghamo kemi ghenguno ghí kea? Ningu no Abraham ye pa küpülü ghenguno pa pesü amikuchomi kepi kihitsü ipi cheni.

Galatiami 3:20

Lakipiu lakhi ye amqo kini dolo puloküqhalu pe nikeu ghenguno avehupu shi cheni. Ikemu Alhou ye lakhi kehu, kughou pa no Abraham lau pikiqhi shi keno pa ye lakipiu avehupu shimo ke.

Galatiami 3:28

Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

Galatiami 3:8

Alhou no aküpülü vechewo Jewkumomiqo pelo achipikaluve pe nikeu azünatha ghi Kuchoyesü no ithuluve ke, eno Abraham vilo azüu no atsakiviu piputo tsüke: “Shiyeqo kümtsü O vechewo kümgha tsü kepu shi nani.”

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Galatiami 6:15

Aphighüyiko ghave keu momu aphighüyiko ghamo keu nomu akhoto kumoe; kiu no akhoto kepi aye, lhoxü kithé shiluve keu no ke.

FILIPIAMI 3:3

Kughengu ningu ye kuchou no aphighüyiko ghave kemiqo ke, Aghungu lono Alhou qe chekemi, Khristo Jisü lono agijivilei chekemi, eno timi lhoaye shou pülükibe qhichemo kemiqo ke,

1 Tim. 2:5

Kughengu Alhou lakhi likhi ani eno Alhou ngò timi dolo alakipiu lakhi ani, tiye Khristo Jisü timi hu ke.