Rommi 3:21 - Sümi Tiqhelimi Bible

²¹ Ikemu itehi ye ayeza nguno alau Alhou chipiumikucho pephe-piyevae, eno hipau lo Ayeza ngò tungkupumiqo no ashepe shipüani ke.

BAIBEL (BSI)

²¹ Ikemu itehiye Alhou no timi pelo pa lau achipikalupe keu pephepiyevae, eno tiye ayezah kumu suakepu shimoe. Ayezah ngo tungkupmino hipau shepe shipuani, ike tiye,

Sumi Naga CL (Re-edited) Bible (BSI)

²¹ Ikemu itehi ye Ayezah sümono Alhou lau achipikalu kepu pephe piyevae, ti ye Ayezah ngo Tungkupu kakuqo lo ghi ashepe shipüani—

Rommi 3:21 Mawu Ofanana

Luke 24:44

Pa no panoqo vilo pi, “I no nongu gholo aphi lono hipau nongu vilo pivae: Moses Yeza, Tungkupumi eno Lesheleqo lo I ghili yèpüa keu kümtsü shikupu moayesae.”

John 1:45

Philip no Nathanael ithulu püzü pa vilo ishi pi, “Ningu ye Moses no Ayeza lo timi lakhi ghili yèpüa keu eno khuu tungkupumiqo ghí pa ghili yèpüa keno pa ithuluvae—pa ye Nazareth nó ghami Joseph nopu Jisü ke.”

Apostolmi 10:43

Timi khuu no pa pülüni keno pa je vechewo axiné qhikütsü ithulu nani ipi Tungkupumi kümtsü no pa shepe shitsü.”

Apostolmi 15:11

Tishi kepu kumoe! Ampeu Jisü’w küpükini vechewo panongu xalu ketoi ningu ghí xalu kepu pülü cheni.”

Apostolmi 26:22

Ikemu Alhou no ishí tsalà kutólo I kuphutsü ke; tishikehu ni ye hilehi puthugho no kijemi ngò kitilami kümtsü lau I shepe tsülu ani. Ni ye tungkupumiqo ngò Moses no kiu shi nani keno pitsü keu nguno alau ye kiumu alá piamoe, tiye—

Apostolmi 28:23

Panongu no Paul sasü kusho nike atsala khami kughusüve, eno panongu kutomo hekütsü kithe püzü Paul no khile ngoa keno tipau-a lo ighi. Pa no inaqhe no avelau kutólo panongu vilo Alhou kükaphu ghili hepho-piye tsü, eno Moses no tsü keu Yeza ngo Tungkupumiqo no pikeu tsaqo pesü panongu vilo pi no Jisü ghili pesü panongu pütsaqhi niye shijue.

Rommi 1:17

Kughengu atsakiviu lono Alhou chipiumikucho pephe-piyevae. Achipiumikucho tiye atüghi lono ashekha kutólo aküpülü vechewo ke, tiye hitoi yèpüa keu toi ke: “Amikuchomi ye aküpülü vechewo xülu nani.”

Rommi 1:2

Atsakiviu ye Alhou no azüu no paw tungkupumiqo vechewo Akimthe Kuchoyesü lo piqhipüa keu ke.

Rommi 16:26

Ikemu itehi ye tungkuptsa lo yèpüa keqo eno lhokta Lhou no azah tsüve keu kiqi lono, akükütsü sütsa hipau ye Jewkumomi aqha kümtsü lo akemiqo lau pephe-piyevae, tishi keu vechewo panongu ghí pülülu eno aghokulu shilu peniye ke.

Rommi 3:28

Kughengu ningu no ithi akeu no timi lakhi ye ayeza papelu keu lono kumo püzü aküpülü vechewo achipikalu cheni ke.

Rommi 5:19

Timi lakhi ghokulu kumo vechewo timi kutomo pelo axinemi shive pe keu toi, timi lakhi ghokulu vechewo timi kutomo pelo achipiu mikuchomi shilu pe nani.

Rommi 5:21

tishianguno axiné no akithí vechewo ka keu toi, ningu Mpeu Jisü Khristo vechewo lhokta küxü süghi nike ghenguno Alhou’w küpükini pelo achipiumikucho vechewo kalu peniye ke.

Rommi 9:30

Tishiaye ningu ye kiu pìní kea? Jewkumomi khunoqo no achipiumikucho phumo keno panongu ye aküpülü vechewo achipiumikucho ithuluvae;

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

2 Kor. 3:9

Kiléqhive keu pichebekümlà no ajuküvü süghi aye, achipiumikucho süghi chekeu pichebekümlà ye tinguno alau kiutoi ajuküvü kea!

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Galatiami 3:8

Alhou no aküpülü vechewo Jewkumomiqo pelo achipikaluve pe nikeu azünatha ghi Kuchoyesü no ithuluve ke, eno Abraham vilo azüu no atsakiviu piputo tsüke: “Shiyeqo kümtsü O vechewo kümgha tsü kepu shi nani.”

Galatiami 5:5

Kughengu ningu ye Aghungu vechewo aküpülü lono ningu no laju achekeu achipiumikucho hu khekulhoshi anike.

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.

1 Peter 1:10

Xakulu hipau vehu lo tungkupumi khunoqo no nongu lau küpükini ighi niye akeu ghili pi keno panongu ye ighono amlotsüqhiyi shi phu eno shishe kutokughoi ke.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani: