Rommi 2:27 - Sümi Tiqhelimi Bible

²⁷ Nongu no akiyé yeza aghí eno aphighüyiko ghave aghí namu ayeza hekibidemi lakhi ke ghenguno Jewkumomi aphighüyiko ghamo namu ayeza gholu chekemi no nongu kiléqhive nani.

BAIBEL (BSI)

²⁷ Tishiaye, nonguno aphighu yiko ghave aghi namu Ayezah hephoveaye, khunoqono aphighu yiko ghamo namu Ayezah peluni keno tipaqono nongu kileqhivae.

Sumi Naga CL (Re-edited) Bible (BSI)

²⁷ Ikehu khukhumu aphighüyiko ghamo namu Ayezah pelu cheghi keu huno, no aye papelu no ayiko ghi ghave akemu Ayezah hexa chekeu kileve nani.

Rommi 2:27 Mawu Ofanana

MATTHEW 3:15

Jisü no khochile, “Itehi ghengu ye ishi aghivelo; achipiumikucho kümtsü shikupu nike ghenguno hipau shikeu no achipi ke.” Tile no John no pulove tsü.

Apostolmi 13:22

Saul ikhive kethiu, pa no David pesü panongu kükau shitsü. Alhou no David ghili hitoi ashepe shitsüe: ‘I no Jesse nu David phuluvae, pa ye I mlo kuchuu ke; I no shipe nishi akeu kümtsü pa no shi nanie.’

Rommi 13:10

Khuno no kimiye cheni keno akisüghümi lau alhoküsa kümlà shichemoe. Tighenguno kikimiye ye ayeza shikupulu cheni.

Rommi 2:15

Panongu ye panongu mlo lo ayeza no avehupu shi akeqo yèpe qhipüa keu pìye cheni, panongu lolo kighithiqo ghí thopi shi cheni, eno khani lo ye panongu kükümsü no akipimí panoqo tsü cheni eno ado kütau lo ye pano süsho keu ghí shi cheni.)

Rommi 2:25

Nongu Jewmiqo no ayeza papelu aye aphighüyiko-küghá lo ameküa ani, ikemu nongu no ayeza hebide aye, nongu ye aphighüyiko ghamo kemi Jewkumomi toivea ke.

Rommi 2:26

Tishiaye, aphighüyiko ghamo kemi no ayeza no avehupu shi akeu papelu aghí aye, panongu ye aphighüyiko ghave kemi toi ikhilumo nani keshea?

Rommi 2:29

Ikemu, timi khuu no alolo no Jewmi keno pa ye Jewmi ke; eno akiyé yeza lo yèpüa keu vechewo kumo no Alhou Ghungu vechewo amlo kililu keu hu no aphighüyiko-küghá kuchou ke. Titoi kemi lakhi ye timi kütami lau no kumo püzü Alhou lau no akishé ithulu cheni.

Rommi 3:30

kughengu Alhou lakhi likhi ani, pa no aküpülü vechewo aphighüyiko ghave kemi pelo achipikalu pe nani, eno aphighüyiko ghamo kemi pelo ghí tipau tho lono aküpülü vechewo achipikalu pe nani.

Rommi 8:4

tishi keu vechewo ashi kiqi lono kumo no Aghungu kiqi lono xüche kemiqo pelo ayeza lo achipiu kümlà ningu lau no avehupu shi akeu kümtsü shikupulu peniye ke.

1 Kor. 7:19

Aphighüyiko ghave keu na ghamo keu namu akhoto kumoe. Alhou zakütsüqo papelu keu hu no akhotou ke.

2 Kor. 3:6

Pa no puloshoqhi akitheu lo ningu pesü pichebekümlà shikulupumi shipeke—tiye yèsü lo yèpüa keu lono kumoe ikemu Aghungu lono ke; kughengu aqau puloshoqhi yèsü hu ye akithipu tsü cheni, ikemu akitheu puloshoqhi lo ye Aghungu no aküxüpu tsü cheni.

Galatiami 5:14

Kughengu azakütsü lakhi, “O likhi O toi O kisüghümi kimiye lo,” ipikeu hipau papelu keu vechewo ayeza kümtsü shikupuluve anie.

Ephesiami 2:11

Tighenguno, nongu khunoqo no atüghi lo ajì lono Jewkumomi keno eno “aphighüyiko ghave kemi” (tiye timi u vechewo aphimpi lo ghave keu) ipi panongu likhi panongu ku chekemiqo no nongu vilo “aphighüyiko ghamo kemi” ipi ku cheni keno tipau kümsülulo—

2 Tim. 3:15

eno no ye ití lono Kuchoyesü ithi anike eno tipau hu no O pelo Khristo Jisü shou pülü keu vechewo xakulu ithulu pe nikeu lokütsü O tsüke.

IBRIMI 11:3

Aküpülü vechewo lhokejeli ye Alhou’w azakütsü qholo no lhophe kepi vethalu cheni, eno kiu ithulu ani keno tiye kiumu küha keu lono lhophe püani ke.