Rommi 16:6 - Sümi Tiqhelimi Bible

⁶ Petha Mary tsülo. Li ye nongu ghenguno ichhe-ime mülà cheke.

BAIBEL (BSI)

⁶ Nongu gholo aka-aveshi mla achekeu Maria lau petha tsu ani.

Sumi Naga CL (Re-edited) Bible (BSI)

⁶ Nongu ghenguno aka-aveshi mlaitha tsükeu Mary ghi petha tsülo.

Rommi 16:6 Mawu Ofanana

MATTHEW 27:55

Tilehi totimi kutomo putosü lono chhejua. Panongu ye Jisü vehupuqo jukuto tsü niye Galilee lono pa papesü ighi kemiqo ke.

MATTHEW 5:47

Eno nongu no nolikhi now timi likhi sasü petha shi aye, nongu ye kütami nguno alau kiu shilu ani kea? Jewkumomiqo ghí tishi shichemo keshea?

Rommi 16:12

Tryphena ngò Tryphosa, khuu totimi dolo Ampeu kümlà lo ichhe-ime mülà acheni keno petha tsülo. I no kimiye chekeu aküsàu Persis, totimi kütami khuu Ampeu ghenguno ichhe-ime mülà ache keno petha tsülo.

Rommi 16:5

Pama ki lo kuho chekemiqo vilo ghí petha tsülo. I no kimiye chekeu I küsàu Epenetus petha tsülo. Asia bocho lo pa paghi no Khristo pülüluve ke.

Rommi 16:7

Andronicus ngò Junia pama lau petha tsülo. Pama ye I küsàmi Jewmi eno I gholo kümtsa akughu lo acheke. Pama ye apostolmiqo dolo akiqheu shi ikhilu chekemi, eno pama ye I züu no Khristo pülüluve ke.

1 Thes. 5:12

Athiküzümi eno achelimiqo, ningu no nongu qhüiniju akeu ye, nongu dolo khunoqo no ighono ime mülà acheni, khunoqo no Ampeu je lono nongu tucho acheni eno khunoqo no nongu shika tsü acheni keno panoqo qhoqhü lo.

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.