Rommi 16:26 - Sümi Tiqhelimi Bible

²⁶ Ikemu itehi ye tungkuptsa lo yèpüa keqo eno lhokta Lhou no azah tsüve keu kiqi lono, akükütsü sütsa hipau ye Jewkumomi aqha kümtsü lo akemiqo lau pephe-piyevae, tishi keu vechewo panongu ghí pülülu eno aghokulu shilu peniye ke.

BAIBEL (BSI)

²⁶ ikemu itehiye lhapheveake, eno Alhou launo tungkuptsa yepuakeqo vechewo ashiayeh kumtsu lau pithiveake, ti lhokta Lhou no ahzakutsu shikeu kiqi lono, akupulu shi aghokulushi ighi penikeu ghili,

Sumi Naga CL (Re-edited) Bible (BSI)

²⁶ ikemu itehi ye tipau lhapheve no tungkupmi kiyeqo vecheo Lhokta Lhou zakütsü kiqi lono shiye kümtsü lau kilethivae, tishikeu lono timi kümtsü pelo aküpülü lono aghokulu küxü lo ighilu peniye ke—

Rommi 16:26 Mawu Ofanana

Mark 16:15

Jisü no panongu vilo pi, “Ayeghiqha kümtsü lo wulo eno timi kümtsü lau atsakiviu kütsü lo.

Apostolmi 10:43

Timi khuu no pa pülüni keno pa je vechewo axiné qhikütsü ithulu nani ipi Tungkupumi kümtsü no pa shepe shitsü.”

Apostolmi 6:7

Ikehu Alhou tsa ye veküpha wove. Jerusalem lo paikhavi lono küpülümi kikihi alau shi iko wove, eno Jewmi achinemi kutomo no atsakiviu gholuve no küpülümi shiluve.

Rommi 1:2

Atsakiviu ye Alhou no azüu no paw tungkupumiqo vechewo Akimthe Kuchoyesü lo piqhipüa keu ke.

Rommi 1:20

Kughengu ayeghiqha pulhosü kelo nomu Alhou’w ithukümla meküaqo—tiye paw lhokta küká eno akimthe lhoaye—kinikujo mütsümishei ithuluvae, eno tiye kiu lhoqhi püani keno tipau lono vethaluvea, ikehu timiqo ye ajekukivi kiumu kühavae.

Rommi 1:5

Khristo züqhu shi aküpülü vechewo Jewkumomiqo kümtsü ku sasü aghokulu shilu penike ghenguno ningu ye Khristo vechewo küpükini ithulu eno apostolmi shilu pe ke.

Rommi 15:18

I no pi eno müla keu vechewo Khristo no Jewkumomiqo pelo Alhou ghokulu lo saighilu pe nikeu lo tokulu shilu keu nguno alau kütau kiumu pimoe.

Rommi 15:4

Thime hitoi keqo no ningu shika niye püzüu no Kuchoyesü lo yèpe qhivae. Eno Alhou’w pikiqhi shikupu niye ningu no kutuukulu shi khe akelo Kuchoyesü no lajupu ningu tsü eno shikumto cheni.

Rommi 3:21

Ikemu itehi ye ayeza nguno alau Alhou chipiumikucho pephe-piyevae, eno hipau lo Ayeza ngò tungkupumiqo no ashepe shipüani ke.

Galatiami 3:8

Alhou no aküpülü vechewo Jewkumomiqo pelo achipikaluve pe nikeu azünatha ghi Kuchoyesü no ithuluve ke, eno Abraham vilo azüu no atsakiviu piputo tsüke: “Shiyeqo kümtsü O vechewo kümgha tsü kepu shi nani.”

Ephesiami 1:9

eno pa lokivipu ghola kiqi lono pa no ningu lau Alhou pulou tuqhou khikhi Khristo lono kimiji püa keno tipau ningu lau pephe-piye ke.

Ephesiami 2:20

tiye Khristo Jisü ampi no aboqha-tu atou toi shi no apostolmi eno tungkupumiqo shou aboqha shipuku ke.

Kolosiami 1:26

Hiye ado kusho eno wove keu tiqheli lo timiqo lau no küsüpe püa chekeu Alhou’w tuqhou vehu ke, ikemu itehi ye Ampeu’w timiqo lau pephe-piyevae.

1 Tim. 1:17

Lhokta Kükau, thive chemo keu, ithulu chemo keu, pa likhi no Alhou ke, pa lau alhokupuju lono alhokupuju kutólo agigihu eno ajuküvü ache pelo! Amen.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

2 Tim. 1:10

ikemu itehi ye ninguw Xakuluu Khristo Jisü ipeghive keu vechewo pephe-piyevae. Ikehu Khristo Jisü no atsakiviu vechewo akithí kütsakungovae eno khilemu thivemo nikeu eno aküxü hu pesü aküvü lo süghivae.

IBRIMI 13:8

Jisü Khristo ye ighina, ishí eno alhokuthu lo aphiphi ke.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

Piyeküsü 1:17

Kughou I no pa ithulu keno ni ye thive kemi toi pa zülo ikiqive. Ikelo pa no pa u ajeu I shou be no ishi pi: “Msà kevilo. Ni ye Abothu eno Ashekha ke.

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”