Rommi 16:19 - Sümi Tiqhelimi Bible

¹⁹ Nongu no Alhou ghokulu shiluve keu ghili timi kümtsü no chiluvae eno hi ghenguno ni ye alovishe ani; ikemu ni ye nongu pelo kiu no akivi keno tipau lo alokütsü shi eno kiu no küsakügha keno tipau lo kumu mtha kemi shipe nishi ani.

BAIBEL (BSI)

¹⁹ Nonguno atsa kiviu gholukeu kumtsuno ithi ani, tishikehu nongu shou ilovi ani. Niye nongu pelo kiuno tiche-tighe kuhakeu akivi keno tipaulo alotsu penishi, ikemu kiuno alhoksa keno tipau kumomthakeu shipenishi.

Sumi Naga CL (Re-edited) Bible (BSI)

¹⁹ Nongu no aghokulu shiche keu ye kümtsü kighithi kehu ni ghi nongu shou amloqi cheni, ikemu ni ye nongu pelo kiu no akivi keno tipau lo alotsü kithelu eno alhoksa loye kiumu mthamithe keu shive penishie.

Rommi 16:19 Mawu Ofanana

MATTHEW 10:16

“Julo I no nongu pelo ambe no tüngtügha gholo ilolu ake toi puwu anie. Tighenguno nongu ye apighi toi tsükhutsüvai shilo eno amiqhiqo toi ivünhei shilo.

Luke 10:3

Wulo! Ambeti no tüngtügha gholo ilolu ake toi I no nongu puwu anie.

Rommi 1:8

Atüghishi I no nongu kümtsü ghenguno Jisü Khristo vechewo I Lhou shikimthi ani, kughengu ayeghiqha kuchopu lo nongu küpülü ghili kügha ani.

1 Kor. 14:20

Athiküzümi eno achelimiqo, itimi toi kümsü chekeu tavelo. Küsakügha shini keu lo ye itimi toivelo, ikemu nongu kükümsü lo ye asathevelo.

Ephesiami 5:17

Tighenguno nikhanigha shi kevilo, ikemu Ampeu pulou ye kiu keno vethalulo.

FILIPIAMI 1:9

Eno I kighini ye hipau ke: tiye nonguw kikimiye pelo akighithi eno juchhokulu kuthò lono alau shi kupukuno shilu peniye ke,

FILIPIAMI 2:15

tishianguno nongu pelo tukutiye küha no akimthe shi püzü, “tuchighi keu eno küsakügha tiqheli lo Alhou nuli akipimí küha keqo,” shilu pe nani. Tisheno nongu ye panongu gholo atsütsǘ lo ayepuqo toi vüipeghi nani.

Kolosiami 3:16

Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.