Rommi 15:31 - Sümi Tiqhelimi Bible

³¹ Judea lo pülümo kemiqo lau no I süsho tsü penike inikhu tsülo. Eno akukuphu pesü Jerusalem lo wuche keu lo tilehi Ampeu’w timiqo pelo no puloniqhiyi shi akümlagho ikhilu penike ghenguno inikhu tsülo.

BAIBEL (BSI)

³¹ Judia yeghilo kupulukumomiqo launo ixapheluve penike eno Jerusalem lo kupulumiqo pelo ino tilau kiu mlanikeno ikhikulupu shipenike inikhu tsulo,

Sumi Naga CL (Re-edited) Bible (BSI)

³¹ tishikeu lono Judea lo pülümokemi launo I xaphelu, eno Jerusalem lo I kümlapu ye küpülümi zülo ikhikulupu shi peni,

Rommi 15:31 Mawu Ofanana

Apostolmi 22:24

zatsüu no Paul sasü ghüshimi kungoki lo wuve penike azah tsüve. Akighí kipili pesü pa heqhi no timiqo ye kushiye hitoi pa lau ighamuku akeno kideküdai iniju no phupheluve penike zatsüu no kichevetsü.

Apostolmi 25:2

tilehi achinetou eno Jewmi sakiphemiqo no Paul shou ngukube akeu pesü pa lau ighi.

Apostolmi 25:24

Festus no pi: “Akükau Agrippa eno hilehi ningu gholo ighi akemiqo kümtsü timi hipau julo! Jerusalem ngò Caesarea lo Jewmi xüküami jeli kümtsü no pa ghili pesü I lau jemichi kiyé pesü ighi ani eno pa ye xü akepu aküzüpu kumoe ipi asheshu ani.

Apostolmi 9:13

Ananias no khochile, “Ampeu, ni ye timi hipau eno pa no Jerusalem lo ow akimthe timiqo ghimeqhi keu ghiliqo kutomo chiluvae.

Apostolmi 9:15

Ikemu Ampeu no Ananias vilo pi, “Wulo! Timi hipau ye iw küghaküsü shi Jewkumomi, kükami eno Israel timiqo lau I je pesü asheshu penike I no kisheluvae.

Rommi 15:25

Ikemu itehi ye, ni ye Ampeu’w timiqo kümlapù ghenguno Jerusalem lo wuchea.

1 Kor. 16:15

Nongu no ithi anike, Stephanas kibolomiqo ye Achaia lo küpülümi shitüghimiqo ke, eno panongu ye Ampeu’w timiqo kümlapù lo panongu likhi panongu ikhiphe pe tsüve ke. Athiküzümi eno achelimiqo, I no nongu qhüiniju akeu ye

2 Kor. 1:10

Pa no akümsa küyighüpu lono ningu xaphe ke, eno itaghi pa no xaphe tsü nani. Pa no ningu xaphe tsü anani kepi ningu ye pa shou ninguw lajupu qhivae,

2 Kor. 8:4

Ampeu’w timiqo lau akümlà hipau shini ke adokivi küsaje peniye ningu lau qhüiniju ke.

2 Kor. 9:1

Ampeu’w timiqo lau tsükini kümlà hipau shi moayesa keu vehu lo ni ye nongu lau yè akepu kühae.

2 Kor. 9:13

Kughengu nongu no akümlà hipau vechewo nongu likhi nongu kimchive tsü ake, eno nongu no Khristo tsakiviu ikhilu keu gholo aghokulu shikeu eno nongu no tsükini shikeu vechewo panongu sasü eno kütami kümtsü sasü küsaje keu ghenguno kütamiqo no Alhou sheqhe tsü nani.

1 Thes. 2:15

Jewmiqo no Ampeu Jisü ngò tungkupumiqo pìthíve ke eno tisheno ningu ghí hapheve ke. Panongu ye Alhou loshipüsü cheni eno timi kümtsü ghümi shi cheni.

2 Thes. 3:2

Eno küsakügha ngò küsaküghamiqo lau no ningu xaphelu penike inikhu tsülo, kughengu timi kümtsü küpülümi kumo ke.

2 Tim. 3:11

I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.

2 Tim. 4:17

Ikemu Ampeu no I küdau puthugho eno aküka I tsüke, tishianguno I vechewo akükütsü sütsa kümtsü asheshulu peniye eno Jewkumomiqo kümtsü pelo chilu peniye ke. Eno abongushuu baxa lono I xapheluve ke.