Rommi 15:19 - Sümi Tiqhelimi Bible

¹⁹ Panongu ye amichipu ngo akümzapu küká eno Alhou Ghungu küká vechewo pütsaqhilu ke. Ike Jerusalem lono homüxa süsü Illyricum kutólo ni ye Khristo tsakiviu kümtsü pe asheshuvae.

BAIBEL (BSI)

¹⁹ Tishikehu Jerusalem lono homuxa susu Ilurikiam qha hokumxa kutolo, niye Khristo tsakiviu pesu hipaqha kuchopulo kutughuvae.

Sumi Naga CL (Re-edited) Bible (BSI)

¹⁹ amchipu eno akümzapu küka, eno Alhou Ghungu küka lono ke—tishi kehu ni ye Jerusalem lono Illyricum qha kutolo homxasü Khristo tsakiviu kümla shikupu luvae,

Rommi 15:19 Mawu Ofanana

MATTHEW 12:28

Ikemu I no Alhou Ghungu küká vechewo tüghaküsaqo haphe aye, tiye Alhou kükaphu nongu shou ikughi anike.

John 4:48

Jisü no pa vilo pi, “Nongu ye amichipu ngò akümzapuqo ithulumo kelo ye khilemu pülümo nani ke.”

Apostolmi 1:8

Ikemu kughou Aghungu Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”

Apostolmi 13:14

Pama ye Perga lono Pisidian Antioch lo ighi. Pama no Sabbath tsalà lo synagog lo ilo eno iqae.

Apostolmi 13:51

Ikehu pama no panongu lachile keu michi shi pama pukhu lo ayeghimukhu kukhuqhive no Iconium lo wuve.

Apostolmi 14:10

kehu asütsa qhemghai shi no pi, “Puthugho lo!” Ikelo ye, timi hu no ilheithughi no alà che thuve.

Apostolmi 14:20

Ikemu kughou küpülümiqo no pa veho pesü kumqo akeno pa ye ithughive no mishighüna lo chesü idewove. Tishiwo thoghiu Barnabas ngò Paul pama ye Derbe lo wuve.

Apostolmi 14:25

eno kughou pama no Perga lo atsakiviu kütsüve keno pama ye Attalia lo iqive.

Apostolmi 14:6

Ikemu pama no ti ithive no Lycaoniamiw mishighünaqo, Lystra ngò Derbe eno tipaqo sükümxa lo pove,

Apostolmi 15:12

Tile kuho akemi kümtsü no Barnabas ngò Paul pama Alhou no pama vechewo Jewkumomiqo lau amichipu eno akümzapu mülà akeu pikeu chilu püzü iqünheive.

Apostolmi 16:18

Li no ghulo atsütsǜ hitoi shiauve. Ikehu Paul ye azüzüve no tsüghüwo aghawu vilo pi, “Jisü Khristo je lono O pelo li qhive no ipeve penike I no azah O tsü anie!” Tipa mtsa aghawu no li qhive no wuve.

Apostolmi 17:10

Putho shive kemtsa küpülümiqo no Berea lo Paul ngò Silas pama puwuve. Pama no ti tolu kelo Jewmi’w synagog lo iloe.

Apostolmi 17:15

Paul sawo phewu kemi no Athens kutólo wu eno panongu ye Paul no Silas ngò Timothy pama vilo tolukivi thaqhü kighithe pa gholo ighilo pikeu kichekütsü tsa pesü cheve.

Apostolmi 18:1

Hipathiu Paul ye Athens qhive no Korinth lo wuve.

Apostolmi 18:19

Panongu no Ephesus lo ighi eno Paul ye Priscilla ngò Aquila pama tile qhive no wuve. Paul ampi ye synagog lo ilo no Jewmiqo sasü küptsa-kiqiju ae.

Apostolmi 19:1

Kughou Apollos no Korinth lo akeno Paul ye alaghi akushuu küdau lono Ephesus lo ighi. Tile pa no küpülümiqo khami kusholu

Apostolmi 20:20

Nongu no ithi anike ni ye nongu kuphukulupu ghenguno kütsü nikeu lo kiumu süchilevemo ke ikemu mìshí zülo eno aki-aki lo ilo no nongu shika ke.

Apostolmi 20:6

Ikemu Kholaqhi sümo keu Sho Tiqhitini tsalà tove kethiu ningu ye zükilu lono Philippi lo wuve eno atsala pungu thiu no Troas lo panoqo gholo sülu, eno tilehi ningu atsala tsünì ngove.

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Rommi 15:24

ni ye Spain lo wuche kikije nongu xuju niye kughu ani. Ni ye kathasü wu kikije lono nongu sasü kusholu no atüqhüdo kitila nongu gholo aloinoluve kethiu nongu pelo I kuphu tsüpe no I ghüzüla lo wuni ke lakuju shi anie.

1 Kor. 2:4

I tsapi ngò I kükütsü ye alokütsü gholo zükulupu tsaqo pesü pimo ke, ikemu Aghungu küká shikipiye vechewo ke,

2 Kor. 12:12

Ni ye tsükhoi shi no nongu lau apostolmiw kuchou michiqo gholo amchipu, akichiqhipu eno akümzapu kümlàqo pephe-piye ke.

Galatiami 3:5

I no itaghi iniju ani, Alhou no pa Ghungu nongu tsü no akichiqhipu kümlàqo shi chekeu ye ayeza lo shikupulu keu vechewo no keo nongu no kiu chilu keno tipau pülü keu vechewo no kea?

Kolosiami 1:25

Alhou no I pelo nongu lau Alhou tsa kuchopu küsaje penike I pichetsü keu vechewo ni ye akukuhou qeu lakhi shivae.

1 Thes. 1:5

kughengu ningu tsakiviu ye nongu lau atsa vechewo likhi no ighimo ke ikemu aküka, Aghungu Kimthe eno thonhei keu küpülü ghí pesü ighike. Nongu ghenguno ningu ye kíshi nongu gholo xüache keno nongu no ithi ani.

2 Tim. 4:17

Ikemu Ampeu no I küdau puthugho eno aküka I tsüke, tishianguno I vechewo akükütsü sütsa kümtsü asheshulu peniye eno Jewkumomiqo kümtsü pelo chilu peniye ke. Eno abongushuu baxa lono I xapheluve ke.

IBRIMI 2:4

Alhou ghí xakulu hu ye amichipu, akichiqhipu, eno akümzapu kümlà jeliqo eno pa pulou kiqi lono kijé tsü keu Aghungu Kimthe ghòqo vechewo thopi shitsü ke.

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.