Rommi 15:18 - Sümi Tiqhelimi Bible

¹⁸ I no pi eno müla keu vechewo Khristo no Jewkumomiqo pelo Alhou ghokulu lo saighilu pe nikeu lo tokulu shilu keu nguno alau kütau kiumu pimoe.

BAIBEL (BSI)

¹⁸ Niye kutau kiumu piakepu kuhake, ikemu imlo kumtoshi pikulupu akeuye Khristo no ipeitha puzu, atsapilo, akughuthalo, amchipu, akumzapu shikeulo eno Aghungu Kimthe kuka ishi lono Judakumomi Alhou ghokululo saphe piyelupeke.

Sumi Naga CL (Re-edited) Bible (BSI)

¹⁸ Kughengu ni ye hipa tsa nguno alau kütau ye pimoae: Jewkumomi pelo aghokulu lo ighilu peniye Khristo no I vecheo mlae, ti ye—atsapi eno akümla,

Rommi 15:18 Mawu Ofanana

MATTHEW 25:16

Timi khuu ameshoyi jolabo pungu ithulupüa keno pa ye paikhavi wu püzü pesü pisa kimje keu vechewo ameshoyi jolabo pungu alá shiluve.

Mark 16:20

Tisheno akhopemiqo no chewu püzü aqha kümtsü lo kütsüe, eno Ampeu no panoqo gholo mülà eno pa tsa shikupu akeu shi amichipu kümlàqo mülàe.

Apostolmi 14:27

Tilehi ighi kelo pama no akukuhomiqo aqoshi kukütsü püzü Alhou no pama vechewo kiu mülà tsü eno pa no kíshi Jewkumomiqo lau aküpülü hukikha khaqhive tsü keno ti kümtsü pesü pìthitsü.

Apostolmi 15:12

Tile kuho akemi kümtsü no Barnabas ngò Paul pama Alhou no pama vechewo Jewkumomiqo lau amichipu eno akümzapu mülà akeu pikeu chilu püzü iqünheive.

Apostolmi 15:4

Kughou panongu no Jerusalem lo ighi keno akukuhomi, apostolmiqo eno kichimiqo no alokivishi panongu sasü, eno Alhou no panongu vechewo kiu müla tsü keno tipaqo kümtsü panoqo vilo lhepiye.

Apostolmi 21:19

Paul no panoqo sasü petha shi eno pa kümlà vechewo Alhou no Jewkumomiqo gholo kiu mülave tsü akeno chixechilei pìthitsü.

Apostolmi 26:20

Ikehu I no kütsü chekeu ye atüghishi Damascus lo akemiqo, tithiu no Jerusalem lo eno Judea qha kümtsü lo akemi eno tithiu no Jewkumomiqo pelo amlo pebideve no Alhou lau xaideghive püzü panongu no xaideghive keu hu akümlàqo lono pephe-piye peniye ke.

Rommi 1:5

Khristo züqhu shi aküpülü vechewo Jewkumomiqo kümtsü ku sasü aghokulu shilu penike ghenguno ningu ye Khristo vechewo küpükini ithulu eno apostolmi shilu pe ke.

Rommi 16:26

Ikemu itehi ye tungkuptsa lo yèpüa keqo eno lhokta Lhou no azah tsüve keu kiqi lono, akükütsü sütsa hipau ye Jewkumomi aqha kümtsü lo akemiqo lau pephe-piyevae, tishi keu vechewo panongu ghí pülülu eno aghokulu shilu peniye ke.

Rommi 6:17

Ikemu Alhou shikimthi ani, kughengu nongu no axiné qüaxemiqo shi ache namu nongu ye nongu mlo lono ipeghino akükütsü jeli apasü shi nongu tsü keqo ikhilu no tipau ghokulu shiluvea ke.

2 Kor. 11:31

Alhokupuju lo sheqhe küzüpu Ampeu Jisü Lhou eno Papù no ithi anike, ni ye mikí amoe.

2 Kor. 12:6

Tsalá I no qheza nishi anamu, ni ye nikhanighami lakhi shimo nani, kughengu ni ye kuchou tsa pi kepu shi nani. Ikemu ni ye qheza nikeu lono süchileve ani, tishianguno timi khuu pelomu I no kiu mülà cheni momu pi cheni keno ithi akeu nguno alau ye I ghili kümsü pemo niye ke.

2 Kor. 3:5

Nilikhi ni sala kiu-kiumu pükhalu nike ghenguno nilo lo shikulupu anike kumoe, ikemu niw shikulupu ye Alhou lau no ighike.

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

Galatiami 2:8

Kughengu Alhou khuu Peter no Jewmiqo lau apostolmi lakhi shi akelo pa gholo mülà akeno, pa ye I no Jewkumomiqo lau apostolmi lakhi shi akeu lo ghí mülà anike.

Kolosiami 3:17

Eno nongu no kiu-kiu shimu, atsa lo na akümlà lo namu, Ampeu Jisü je vechewo Apù Alhou lau shikimthi tsü ghi thowkha kümtsü shilo.

2 Thes. 2:17

pa pelo nongu kümlà kivi eno atsa kivi pikeu kümtsü lo nongu mlo shikumto eno nongu iqhikithe tsü peniu.

IBRIMI 11:8

Abraham ye kughou pa vilo kutou pa mheghi shi niye akeu a-a lakhi lo wulo pi ku keno pa ye khila wucheni keno mtha kemu aküpülü vechewo aghokulu shi wuke.

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

James 1:22

Alhou tsa ini keu likhi ini no O likhi O pishiqhi kevilo. Atsa no kiu piani keno tipau shilo.

1 John 3:18

Kimiye chekemi anuliqo, ningu atsa momu atsapi lo likhi no kimiyemoni ikemu akümlà eno kuchou lono kikimiye pepheni nolo.

Jude 1:9

Ikemu kungumi gholo atou Michael kutólo kughou pa no Moses sükumo ghenguno tüghami sasü kütsala akeno, pa ye tüghami no pipütha ke ghenguno pa likhi pa kiléqhi nikeu akumto shimoe ikemu, “Ampeu no O lomipi nani!” ipi ke.