Rommi 15:16 - Sümi Tiqhelimi Bible

¹⁶ ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

BAIBEL (BSI)

¹⁶ Judakumomi kudau Jisu Khristo qeu shipenike Alhou launo ighikeu tsakiviu pikulhakeu lono niye achinemi kumlho shi ani, tishianguno Judakumomi pelo Alhou no ikhikulupu akumllagho lakhi shilupe, eno Alhou lau Aghungu Kimthe no shikimthe pesu tsukeu shilupeniye ke.

Sumi Naga CL (Re-edited) Bible (BSI)

¹⁶ Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

Rommi 15:16 Mawu Ofanana

Apostolmi 13:2

Panongu no Ampeu sheqhe mülá eno kümvü akelo Aghungu Kimthe no pi, “Barnabas ngò Saul pama ye I no ku pe püakeu kümlà shipe nike ghenguno pama kütashi qhilo.”

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Apostolmi 20:32

“Itehi I no nongu pesü Alhou eno paw küpükini tsa lau kulhuqhive tsü ani, tino nongu xaqhelu nani eno shikimtheve kemiqo kümtsü gholo nongu mheghi ighílu pe nani.

Apostolmi 22:21

“Tishi no Ampeu no I vilo, ‘Chevelo; I no aghache lo Jewkumomiqo lau O puwu nani ke,’ ipi.”

Apostolmi 9:15

Ikemu Ampeu no Ananias vilo pi, “Wulo! Timi hipau ye iw küghaküsü shi Jewkumomi, kükami eno Israel timiqo lau I je pesü asheshu penike I no kisheluvae.

Rommi 1:1

Paul, Khristo Jisü qeu lakhi, apostol lakhi shipe niye kulùve keu eno Alhou tsakiviu ghenguno pakütashi qhive keu.

Rommi 11:13

I no nongu Jewkumomiqo vilo piani. I no Jewkumomiqo lau apostol shi akeu toi ni ye I likhi iw timiqo pelo nongu ju pesü anheshu keu vechewo hakutholu no panongu hami likhimu xalu pe nikeu lajupu qhi no I kümlà lo agijivilei acheni.

Rommi 15:18

I no pi eno müla keu vechewo Khristo no Jewkumomiqo pelo Alhou ghokulu lo saighilu pe nikeu lo tokulu shilu keu nguno alau kütau kiumu pimoe.

Rommi 15:19

Panongu ye amichipu ngo akümzapu küká eno Alhou Ghungu küká vechewo pütsaqhilu ke. Ike Jerusalem lono homüxa süsü Illyricum kutólo ni ye Khristo tsakiviu kümtsü pe asheshuvae.

Rommi 15:20

Ni ye a-a khilehi no Khristo je chimla aphi keno tilehi atsakiviu pe kütsü nikeu no pülhapuju I kimiji shi acheni. Ni ye kütami khuala no aboqha qhave aghí keu shou shipukuni shichemo ke.

Rommi 15:29

Kughou I no nongu lau ighini keno, ni ye Khristo lau no ighi keu kükümgha kinikulu shi pesü ighino nongu sasü küsaje nani kepi mütsümishei ani.

Rommi 5:5

Eno lajupu hipau ye ningu pelo kujove pe chemo, kughengu Aghungu Kimthe ningu tsüpüa keu vechewo Alhou’w kikimiye ningu mlo lo lesüve tsüae.

1 Kor. 3:5

Tishiaye Apollos ye kiu shi chekemi kea? Eno Paul ye kiu shi chekemi kea? Panongu ye aqemiqo ke, eno Ampeu no pama lakhi-khi lau akümlà tsüpüa keu kiqi lono panongu vechewo nongu ye pülülu ke.

1 Kor. 4:1

Tishiaye, nongu ye hitoi ningu ikhilu kepue: tiye Khristo qemiqo toi eno Alhou no paw tuqhou pephe-piyeve keu pichebeve kemiqo toi ikhilu kepu ke.

1 Kor. 6:19

Nongu phimpi ye Aghungu Kimthe chineki ke, pa ye nongu lolo akeu eno Alhou no nongu tsü keu kepi nongu ye mtha keshea? Nongu ye nolikhi nonguw kumovae;

2 Kor. 11:23

Panongu ye Khristo qemiqo keshea? (Ni ye küghüzümi lakhi toi ishi piani.) Ni ye panongu nguno aqeu akiviu ke. Ni ye panongu nguno shishe mülà püani, akughuki lo ghuthu kutomo ilo püani, aloqhi I heqhi pe püani, eno ghuthu kutomo thive ke kumlho shipüani.

2 Kor. 5:20

Tighenguno ningu ye Khristo’w lashikamiqo ke. Alhou no ningu vechewo pa ampi no nongu qhüiniju akeu kumlho ke. Ningu no Khristo züqhu shi nongu qhüiniju ani: Alhou lau külashiluve lo.

2 Kor. 8:5

Eno panongu ye ningu no laju akeu vekiye ghi tsüke: Panongu no atüghishi Ampeu lau pano likhi panongu ikhiphe pe tsüke, tisheno Alhou pulou lono ningu lau ghí pano likhi panongu ikhiphe pe tsüke.

Galatiami 3:5

I no itaghi iniju ani, Alhou no pa Ghungu nongu tsü no akichiqhipu kümlàqo shi chekeu ye ayeza lo shikupulu keu vechewo no keo nongu no kiu chilu keno tipau pülü keu vechewo no kea?

Ephesiami 2:18

Kughengu pa vechewo nongu ghí eno ni ghí Aghungu lakhi vechewo Apù lau wu kulupu shi cheni ke.

Ephesiami 2:22

Khristo gholo kimepe akeu lono nongu ghí Alhou no pa Ghungu vechewo ngo chekeu-a tipau aqó shi shiqhepukulu anike.

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

FILIPIAMI 2:17

Ikemu tsalá nongu kümlagho eno akümlà lono nongu küpülü vechewo ni ye atsaiji leqhipe mülá nikeu lakhi toi akipti-a lo ikhiphe pe tsüve kepu shi namu, ni ye alokivishi nani eno nongu kümtsü gholo alovi küqha nani.

FILIPIAMI 4:18

Ni ye I jume kuchopu ithuluvea eno lukümkhapu shi ani. Nongu no Epaphroditus lau no aghò I tsüpuwu keu hu ithulu no ni ye kupukuno shi anie. Tipaqo ye axokütsüngü kümlagho, Alhou mlokiqipu eno pa lau ikhikulupu aghakishi lakhi ke.

1 Thes. 2:2

Nongu no ithi akeu toi ningu ye püzüu Philippi lo imeve eno ighono ningu peithapüsa ke, ikemu ningu Lhou kukuphu vechewo ghokichile kumto sholu anamu nongu vilo Alhou tsakiviu pini keu lo amlo kumto shilu ke.

1 Thes. 2:9

Athiküzümi eno achelimiqo, ningu no ghichhe-ghime shi mülà keu nongu ye mütsümishei ithi anie; ningu ye Alhou tsakiviu pesü nongu lau pikülha ake ghuloki lo khiumu pünanishimo keu ghenguno ningu ye putho-pucho mülà acheke.

1 Thes. 5:23

Alokughuno tsü chekeu Lhou ampi no thowkha kümtsü lo akivishi nongu shikimthe tsü peniu. Ningu Mpeu Jisü Khristo ighi kelo nongu ghungu, angulho eno aphimpi kümtsü tukutiye küha no kupukülai shi qhilu peniu.

1 Tim. 1:11

Kuchou külü ye kükümgha Lhou juküvü vehu tsakiviu gholo pulolu chekeu ke. Eno tipau ye Alhou no I pichetsü keu kümlà ke.

1 Tim. 2:7

Ni ye Jewkumomiqo lau kuchou eno pükhübekulu kütsü pe nikeu kimiji ghenguno kütüghükütsüu eno apostol lakhi shi süküsü shike—ni ye kuchou tsa pi anike thono mikí amoe—eno ni ye Jewkumomiqow kuchou eno pükhübekulu kükütsüu lakhi ke.

2 Tim. 1:11

Eno atsakiviu hipau ghenguno ni ye kütüghükütsüu lakhi eno apostol lakhi eno akükütsüu lakhi shi süküsü shike.

IBRIMI 13:16

Eno akümlà kivi shini keu ngò kütami gholo küsaje nikeu kümsüma kevilo, kughengu Alhou ye hitoi keu kümlaghoqo ju pesü amloqi cheni ke.

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.

1 Peter 2:5

Nongu ghí aküxüpu tuquqo toi akimthe chine kümlamì lakhi shi no aghungu xülo aghakishi kümlagho pe Jisü Khristo vechewo Alhou no ikhilu küzüpu shi mülá peniye aghungu lo ki lakhi gholo no nongu shiqhepuku anike.