Rommi 14:15 - Sümi Tiqhelimi Bible

¹⁵ Tsalá nono kiuala chu keu ghenguno O thiküzümi momu O chelimi pukhu küpüsüpu shive aye, no ye kikimiye lono xü anike kumovae. O chuqu pelo timi khuu ghenguno Khristo thive keno tipau shipüsave pe kevilo!

BAIBEL (BSI)

¹⁵ Nono kiuala chukeu huno othikuzuu pelo kutusuvepe aye noye kimiyekeu lono chechemovae. Nono kiu chu cheni keno tipau pelo timi khuu ghenguno Khristo thivekeno tipau shipusavepe kevilo!

Sumi Naga CL (Re-edited) Bible (BSI)

¹⁵ Kughengu nono kiuala chukeu lono o thiküzümi mlo kütakihive tsü aye, no ye kikimiye lono cheche movae. Nono chuche keu huno khumu kütsave kevilo, kughengu Khristo ye pa ghenguno thive ke.

Rommi 14:15 Mawu Ofanana

Rommi 13:10

Khuno no kimiye cheni keno akisüghümi lau alhoküsa kümlà shichemoe. Tighenguno kikimiye ye ayeza shikupulu cheni.

Rommi 14:20

Alhou no kiu mülà pe püani keno achuqupu ghenguno tipau kütsave pe kevilo. Achuqupu kümtsü akimthe ke, ikemu timi lakhi no kütami pelo püsükukhove pe kepu chuqu kiu-kiumu chu keu ye achipi kumoe.

Rommi 15:2

Ningu kümtsü no ningu kisüghümiqo kivipu eno panoqo shiqhepuku nikeu ghenguno panongu pulou shitsü moayesa ke.

1 Kor. 13:1

Ni ye timi mili momu kungumi mili lono atsa pi aghiluvi, ikemu kikimiye küha aye ni ye ayì kihe ghügha lakhi paphi ke momu küghapayi pesü kügha keu ghügha lakhi paphi ke.

1 Kor. 8:1

Itehi ye achuqu pesü ajulho lhouqo lau aghakishi shive keu vehu lo juni: Ningu no ithi akeu toi “Ningu kümtsü akighithi anike.” Ikemu akighithi no aqheküza shi cheni pe eno kikimiye no shiqhepuku acheni.

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

2 Peter 2:1

Ikemu timiqo gholo ghí kichileu tungkupumiqo acheke, tihutoi nongu gholo ghí kichileu kükütsümiqo anani ke. Panongu no tuqhou no achineye hekibide kütsakungo keu kilethi nani, panongu ye panongu xachilelu keu Akughushu Mpeu kutólo milive nani—eno tipau no panongu likhi panongu shou paikhavi kütsakungo keu süghive cheni.

1 John 2:2

Pa ye ningu xinéqo ghenguno aghakishiu ke, eno ningu ghengu likhi no kumoe ikemu ayeghiqha kümtsü xinéqo ghenguno ghí ke.