Rommi 13:7 - Sümi Tiqhelimi Bible

⁷ Nono api pù akemi kümtsü lau kiu tsü kepu ani keno tsülo: Zame tsü kepu shi aghí aye, zame tsülo; yepeka lau asüqha jeli tsü moayesa kepu shi aghí aye, tsülo; qhoqhü moayesa kepu shi aghí aye, qhoqhü lo; gihu moayesa kepu aghí aye, agigihu tsülo.

BAIBEL (BSI)

⁷ Ike panoqo lau apih puaghikeu tsulo; nonguno timi lhoxu ngo tinhemgha shou ayehkipe zahme tsulo eno qhoqhu kuzupu lau qhoqhukeu tsulo eno gihu kuzupu lau gihukeu tsulo.

Sumi Naga CL (Re-edited) Bible (BSI)

⁷ Panoqo lau kiu tsü kepushi ani keno kümtsü tsülo: khuno lau zame, momu süqhasüli tsü kepushi ani keno tsülo, sükümsa eno agigihu pesü khuno tsüküzü keno tsü ishilo.

Rommi 13:7 Mawu Ofanana

MATTHEW 17:25

“Iyei, pa ye tsü chenie,” ipi Peter no khochile. Kughou Peter no aki lo iloghi keno, Jisü paghi no pa vilo ishi iniju. “Simon, no ye kíshi kümsü ani kea? Ayeghiqha lo kükamiqo ye khunoqo lau no zame lu cheni kea; pano likhi pano tianuliqo lau no keo kütami tianuliqo lau no kea?”

MATTHEW 22:21

“Rommi kükau ke,” ipi panongu no khochile. Tisheno pa no panongu vilo pi, “Imaye Caesar’w kiu keno pa tsüchilelo eno Alhou’w kiu keno Alhou tsüchilelo.”

Mark 12:17

Ikelo Jisü no panongu vilo pi, “Kiu no Caesar’w keno Caesar tsüchilelo eno kiu no Alhou’w keno Alhou tsülo.” Ikelo panongu ye pa ju pesü akümzave.

Luke 20:22

Imaye ningu no zame Caesar tsü keu ye achipi keo mokea?”

Luke 20:25

Ikehu pa no panongu vilo pi, “Tishiaye kiu no Caesar’w keno Caesar tsüchilelo eno kiu no Alhou’w keno Alhou tsülo.”

Luke 23:2

Eno panongu no akipimí pa tsü thuve püzü ishi pi, “Timi hipau no ni shiye ikhiqhive niye kidi aghí keu ningu no phulue. Asüqha jeli Caesar tsü akeu pa no mjochile ani eno pa likhi pa pesü Messiah akükau lakhi ke ipi cheni.”

Rommi 12:10

Athiküzümi kimiyekilé ketoi nongu lakhi no lakhi kimiyekilé lo. O nguno akiqheu shi lakhi no lakhi gihu kilé lo.

Rommi 13:6

Hipau ghenguno nongu ye zame tsü cheni ke, kughengu ayekipemiqo ye Alhou qemiqo ke, eno panongu ye ado kümtsü pesü ayekipe ghenguno tsü cheni ke.

Ephesiami 5:33

Tishi namu, nongu lakhi-khi no nongu likhi nongu kimiye ketoi nongu nipu kimiye moayesae, eno anipu ghí li kimi gihu moayesa ke.

Ephesiami 6:5

Aqüaxemiqo, nongu no Khristo gholu chekeu toi agigihu eno sükümsa gholo amikucho mlo xapusü ayeghi lo nongu mpemiqo ghokulu shilo.

1 Tim. 5:13

Tinguno alau no panongu ye akipichi shive no aki lakhi lono lakhi lo ilo keu lhoaye shiuve cheni. Eno panongu ye akipichi shive keu likhi kumo no panongu ye kütami kümlà lo chhosu keu no mighì acheni eno akiqi küha keu tsa kügha ghi pisümo kepu thimeqo lo ghi pisüwuve cheni.

1 Tim. 5:17

Kichimiqo eno akhotoshi akükütsü eno shiküka kümlà shi ache kemi khunoqo no akukuhou kümlapù lo akivishi kichetsü acheni keno panongu ye atha ajume veqabe ghí ithulu küzüpue.

1 Tim. 6:1

Aqüaxemi kuokhasü qholo akemi kümtsü no panongu mpeu ye gihu küzüpu kepi ikhilu moayesae, tishianguno Alhou je eno ningu kükütsü pipüsa keu shipemo nike.

1 Peter 3:7

Akiminoqo, tipau tho lono nongu no nongu nipùnoqo sasü akelo akümtsha shi xülo, eno panongu ye miqemilei keu tüna kehu panongu gihu ghi tucho-mjo eno panongu ghí nongu gholo küpükini küxü ghò mheghi ighílu keu toi sasü xülo, tishi keu vechewo kiunomu nongu kighiniqo lakhamo nani ke.