Rommi 12:19 - Sümi Tiqhelimi Bible

¹⁹ I no kimiye chekemi aküsàmiqo, amkhü lukevilo, ikemu Alhou loghukighide shou picheve tsülo, kughengu Kuchoyesü lo ishi yèpüani: “Amkhü ye I no lunani; I no lochile nani,” ipi Ampeu no pie.

BAIBEL (BSI)

¹⁹ Ino kimiyechekeqo, khilemu olikhi omukhu lukevilo, ikemu tiye Alhou loghulo pichevetsulo. Kughengu kuchoyesulo ishi yepuani: “Ino amukhulu nani, ino lochile nani, ipi Ampeu no pie.”

Sumi Naga CL (Re-edited) Bible (BSI)

¹⁹ Kimiye chekemiqo, khilemu nonguu no amkhü luve kevilo, ikemu ti ye Alhou loghu lau picheve tsülo, kughengu hitoi yepüani, “Amkhükulu ye Iw ke, I no tsüchile nani ipi Ampeu no pi.”

Rommi 12:19 Mawu Ofanana

MATTHEW 5:39

Ikemu I no nongu vilo pìní, küsaküghami mjochile kevilo. Tsalá khuala no O gimuchu ajeu ghatsü aye, O gimuchu tüxau ghí pa lau kughopuwo tsülo.

Rommi 12:14

Nongu pishi-puju chekemiqo kümgha tsülo; panongu kümgha tsü penike inikhuni thono ghusho kevilo.

Rommi 12:17

Timi khuu laumu küsakügha pesü küsakügha lochile kevilo. Timi kümtsü nhekithe lo achipiu shini keu pükapütsalo.

Rommi 13:4

Kughengu ayekipe lo akemi ye Alhou qemi ke eno O kivipu ghenguno anike. Ikemu nono achipikumo shi aye msà alo, kughengu ayekipemiqo ye aghime O tsülu kepu küká anike. Panongu ye Alhou qemiqo ke, eno achipi shimo kemiqo shou Alhou loghukighide süghi peniye puwu püani ke.

Ephesiami 4:27

Eno adokivi pesü tüghami tsü kevilo.

1 Thes. 4:6

Eno hipau vehu lo khumu athiküzümi momu achelimi lakhi shou alhoküsa shikepu kumo momu alikhi alá ghenguno adokivi lu kepu kumoe. Ningu no azüu no nongu vilo pive eno pikichive keu toi, hitoi keu xiné shikemi kümtsü Ampeu no ghimeqhi nani.

2 Tim. 4:14

Ayì kümlàu Alexander no ighono I ghimeqhi ke. Pa no kiu shivea keno Ampeu no pa lochile nani.

IBRIMI 10:30

Kughengu ningu ye khuu no, “Amkhü ye I no lunani; I no lochile nani,” eno itaghi, “Ampeu no paw timiqo shou küghathabe nani,” ipi keno pa ithi ani.