Rommi 11:1 - Sümi Tiqhelimi Bible

¹ Tipathiu I no ishi iniju: Alhou ye paw timiqo milive keshea? Khilemu tishimoe! Ni ampi ghí Israelmi lakhi ke. Ni ye Abraham tikughukomi eno Benjamin lagha lono ighi kemi ke.

BAIBEL (BSI)

¹ Tishiaye ino hi inijuni, Alhou ye pawu timiqo peve akesha? Khilemu tishimoe! Ni ampino Israilmi lakhi ke, Abraham polo kughukomi eno Benjamin laghami lakhie.

Sumi Naga CL (Re-edited) Bible (BSI)

¹ Tishi aye, I no hi ighiju ani, Alhou ye Paw timi kileqhive akea? Kiu gholau nomu kumoe! Kughengu ni ampi ghi Israelmi, Abraham polo kughuko, Benjamin laghami ke.

Rommi 11:1 Mawu Ofanana

Luke 20:16

Pa ye ighino mishichi akemiqo pìthíve nani eno atsailu pesü kütami tsüve nani.” Kughou timiqo no hipau chilu keno, panongu no pi, “Alhou no kimiye no tishi pemoniu!”

Apostolmi 22:3

“Ni ye Jewmi ke, Cilicia lo Tarsus phughi lono punú kemi, ikemu aphughi hipau lono saputhu ke. Ni ye Gamaliel qholo no phi kemi eno tsaqütsalei ni pù-asüqo yeza lo qokipheluve kemi. Ishí nongu no shi akeu toi ni ghí Alhou ghenguno ighono minemighei chekemi ke.

Apostolmi 26:4

“Jewmiqo kümtsü no I no itimi lakhi shi aphi lono, I küxü huthu keu lono, I likhi I ghakhu lo eno Jerusalem kutólo ghí kíshi xü ighi keno ithi ani.

Rommi 11:11

Itaghi I no iniju: Israelmiqo ye athoputho müla kepu shi veqhive keshea? Khilemu tishimoe! Ikemu panonguw hekibide ghenguno Israel pelo anheshu peniye xakulu ye Jewkumomiqo lau ighivae.

Rommi 3:4

Khilemu tishimo thono! Timi jeli kümtsü no kimkimi shive namu Alhou ye kuchou shi anani. Kughengu ishi yèpüani: “Tishianguno kughou nono atsa pìní keno no ye achipi kepi kimchilu peniye ke eno kughou nono küghathabeni keno tokulu shilu peniye ke.”

Rommi 9:3

Shikulupu shi aghí ke aye I likhi niu no ni shiaye eno niw timi Israelmiqo ghenguno Alhou ngusü shive no Khristo lau no küghüxave nishi cheni.

2 Kor. 11:22

Panongu ye Hebrewmi keshea? Ni ghí thono. Panongu ye Israelmi keshea? Ni ghí thono. Panongu ye Abraham tikughukomi keshea? Ni ghí thono.

FILIPIAMI 3:5

ni ye atsala akütacheu lono aphighüyiko ghave, Israelmi lakhi shi punú kemi, Benjamin laghami, ajì lono Hebrewmi shi ighi kemi lakhi; ayeza pape chekeu lono pìní aye Phariseemi lakhi;