Rommi 10:9 - Sümi Tiqhelimi Bible

⁹ Nono O kichí lono, “Jisü ye Ampeu,” ipi shupheve eno Alhou no akithí lono pa xüputhuve kepi O mlo lono pülüluve aye, no ye xaluve nani.

BAIBEL (BSI)

⁹ Kughengu Jisu ye Ampeu ke ipi okichino piphevelu aye, eno Alhou no akithi lono pa xaputhuve kepi omlolo puluaye, oxalu nani.

Sumi Naga CL (Re-edited) Bible (BSI)

⁹ kughengu nono Jisü ye Ampeu kepi o kichi lono piphelu eno Alhou no akithi lono Pa xüputhu kepi o mlo lono pülülu aye, no ye xaluve nani.

Rommi 10:9 Mawu Ofanana

Luke 12:8

“I no nongu vilo pìní, khunoqo no kütami zülo I je piphe tsüní keno, Timi Nu ghí Alhou’w kungumi zülo pa je piphe tsü nani.

John 9:22

Anhethi kighicheu pù-aza ye Jewmi sakiphemiqo kümsà lau no hi pike, kughengu Jewmi sakiphemiqo ye azüu no khukhumu Jisü ye Messiah kepi ikhilu kemi ye synagog lono hapheve nikeu shi xakütha shipepüa ke.

Apostolmi 16:31

Pama no khochile, “Ampeu Jisü shou pülübe lo, tishiaye no eno O kibolomi kümtsü xaluve nanie.”

Apostolmi 2:24

Ikemu Alhou no akithí lono pa xüputhuve no akithí kushuküqha lono pa kuqhopheve ke, kughengu akithí ye pa küghape qhipüaveni keu kushokütsüpu shive ke.

Apostolmi 2:32

Alhou no Jisü hipau pe xüputhuvae eno ningu kümtsü tipauw thopimiqo ke.

Apostolmi 8:36

Pama no alà lo kicheghüzü shiche kelo, azü akeu-a lo ighi eno shokou no ishi pi, “Julo, hile azü ani. I no baptiz shini keu lo kiu no lakha kepu ani kea?”

Rommi 10:10

Kughengu O mlo lono pülüluve keu hu no Alhou lau achipikalu pe cheni, eno O kichí lono O küpülü shupheve keu hu no xaluve cheni pe ke.

Rommi 14:11

Kuchoyesü lo ishi yèpüani: “Ampeu no pi, ‘Ni ye xüani keke timi kümtsü no I zülo qhoqhünhe nani; eno timi kümtsü no ni ye Alhou kepi shuphe nani.’ ”

Rommi 14:9

Hipau kimiji ghenguno Khristo ye kithimi eno küxümi kinikujo shou Ampeu shilu penike ghenguno thive no xüchilethuve ke.

Rommi 4:24

ikemu ningu ghenguno ghí ke. Tiye ningu khunoqo no ningu Mpeu Jisü akithí lono xüputhuve tsü keu Lhou shou pülübeni keno pa no ningu ghí achipiu mikuchomi kepi kihitsü nani.

Rommi 8:34

Tishiaye khuu no ningu kiléqhive kulupu kea? Khuu nomu kumoe. Khristo Jisü khuu thive keno—eno tilikhi kumo no khuu akithí lono xüputhuve keno—pa ye Alhou u ajeu küdau iqa no ningu ghenguno alakipiu shi ghi inikhu tsü acheni.

1 Kor. 12:3

Tighenguno I no nongu pelo ithi penishi akeu ye khukhumu Alhou Ghungu vechewo piche kemi ye, “Jisü ye müsüinivea,” kepi pimo nani, eno Aghungu Kimthe vechewo likhi no kumo aye khunomu, “Jisü ye Ampeu,” kepi pimla nani.

FILIPIAMI 2:11

eno Apù Alhou juküvü shi ghi timi kümtsü no Jisü Khristo ye Ampeu kepi ikhilu no asheshu nani.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 John 4:15

Tsalá khukhumu Jisü ye Alhou Nu kepi ikhilu aye, Alhou no panongu lolo xü cheni eno panongu no Alhou lolo xü acheni.

2 John 1:7

Pishikiqhimi kutomo khunoqo no Jisü Khristo ye ashi shi no ighike ipi ikhilu chemo keno panongu ye ayeghiqha lo ipeghiva ke ghenguno ni ye hipau pi anike. Hitoi kemi timi ye pishikiqhimi eno Khristo lakichilemi ke.