Rommi 1:7 - Sümi Tiqhelimi Bible

⁷ I no Rome lo Alhou no kimiye chekemiqo eno paw akimthe timi shipe nike kulùve kemiqo kümtsü lau yèlu ani: Ningu Papù Alhou eno Ampeu Jisü Khristo lau no ighi keu küpükini eno aloino keu nongu gholo apeniu.

BAIBEL (BSI)

⁷ Ike Rom lo Alhou no kimiyechekeqo eno pawu timi shi kuluvekeqo kumtsu lau, ningu papuh Alhou eno Ampeu Jisu Khristo wu kupukini eno aloino lukeu nongu lau alu peniu.

Sumi Naga CL (Re-edited) Bible (BSI)

⁷ Rome lo khunoqo Alhou no qhuivü keu lono akimtheshi xü peniye kulu keno: ni Pu Alhou eno Ampeu Jisü Khristo launo ighi keu küpükini eno aloinokütsü nongu gholo alo.

Rommi 1:7 Mawu Ofanana

MATTHEW 5:16

Tihutoi, nongu küvü kütami zülo yepüvü lo, tishianguno panongu no O kümlà kiviqo ithulu no O pù kungugha lo akeu je süqhe tsü nani ke.

John 20:17

Jisü no pi, “I pheshelho kevilo, kughengu ni ye Apù lau iku mphi ke. Tishini ke züqhu I thiküzümiqo lau wulo eno panongu vilo ishi pilo, ‘Ni ye I pù eno nongu Papù, I Lhou eno nongu Lhou lau ikuve niye cheae.’ ”

Apostolmi 15:23

Panongu gholo ishi yèpe tsüpuwu: Apostolmi eno kichimi, nongu thiküzümiqo, Antioch, Syria eno Cilicia lo Jewkumomi küpülümi akemiqo lau: Petha tsü ani.

Apostolmi 9:13

Ananias no khochile, “Ampeu, ni ye timi hipau eno pa no Jerusalem lo ow akimthe timiqo ghimeqhi keu ghiliqo kutomo chiluvae.

Rommi 1:6

Eno Jisü Khristo laumi shipe nike Jewkumomi kulùve kemiqo gholo nongu ghí lakhi ke.

Rommi 5:1

Tighenguno, ningu ye aküpülü vechewo achipikaluvea ke ghenguno ningu ye ningu Mpeu Jisü Khristo vechewo Alhou sasü külashiluvae, eno

Rommi 5:5

Eno lajupu hipau ye ningu pelo kujove pe chemo, kughengu Aghungu Kimthe ningu tsüpüa keu vechewo Alhou’w kikimiye ningu mlo lo lesüve tsüae.

Rommi 8:28

Eno ningu no ithi akeu no Alhou ye thowkha kümtsü lo pa kimiye chekemiqo kivipu ghenguno mülà tsü cheni. Panongu ye pa kimiji kiqi lono kulùve kemiqo ke.

Rommi 8:39

qhemghai keu na thonhei keu na, lhoqhipüa keu kümtsü dolo kiu-kiu shi aghí namu ningu Mpeu Khristo Jisü vechewo Alhou kikimiye akeu lono ningu küghüxa müla nani kepi I no pülübeluvae.

Rommi 9:25

Alhou no Hosea kaku lo ishi pipüani: “Iw timi kumo kemiqo vilo I no ‘iw timi’ ipi ku nani; eno I no kimiye chemo kemiqo vilo, ‘I no kimiye chekemi,’ ipi ku nani,”

1 Kor. 1:24

Ikemu Alhou no Jewmi eno Greekmi khunoqo kulùvea keno panongu ghenguno Khristo ye Alhou küká eno Alhou lokütsü ke.

1 Kor. 16:23

Ampeu Jisü’w küpükini nongu gholo apeniu.

2 Kor. 13:14

Ampeu Jisü Khristo’w küpükini, Alhou’w kikimiye, eno Aghungu Kimthe kuposhukulu nongu kümtsü gholo apeniu.

Galatiami 6:18

Athiküzümi eno achelimiqo, ningu Mpeu Jisü Khristo’w küpükini no nongu nguagha gholo apeniu. Amen.

Ephesiami 1:2

Ningu Papù Alhou eno Ampeu Jisü Khristo vechewo küpükini eno aloino keu nongu gholo apeniu.

Ephesiami 6:23

Athiküzümi eno achelimiqo kümtsü lau aloino keu gholo Apù Alhou eno Ampeu Jisü Khristo lau no ighi keu küpülü eno kikimiye apeniu.

FILIPIAMI 1:2

Ningu Papù Alhou eno Ampeu Jisü Khristo vechewo küpükini eno alokiqi nongu gholo apeniu.

FILIPIAMI 4:13

Khristo no I shikumto tsü keu vechewo ni ye thowkha shikulupu küká anie.

FILIPIAMI 4:20

Ningu Papù Alhou lau alhokupuju lono alhokupuju kutólo ajuküvü ache pelo. Amen.

FILIPIAMI 4:23

Ampeu Jisü Khristo’w küpükini no nongu nguagha gholo apeniu. Amen.

Kolosiami 1:2

Kolosia lo Alhou’w akimthe timiqo, Khristo lono pükhübekulumi athiküzümi eno achelimiqo lau yèlu ani: Ningu Papù Alhou lau no ighi keu küpükini eno aloino keu nongu gholo apeniu.

Kolosiami 3:12

Tighenguno, Alhou no kimiye no akimthe shi xüpe niye kisheluve kemi akehu, kimiyeqhiyi keu, küpüqhiyi keu, akuchunu shikeu, akümtsha eno kutuukulu shikeu pesü nongu likhi nongu nanu shi pepulo.

Kolosiami 3:15

Khristo’w aloino keu pelo nongu mlo lo ayè pelu pelo, kughengu aphimpi lakhi lo kihiküsümi toi aloino keu lo nongu kulùvea ke. Eno Alhou shikimthiqhiyi achelo.

1 Thes. 1:1

Yesǜ hipau ye Paul, Silas eno Timothy lau no, Apù Alhou eno Ampeu Jisü Khristo vechewo Thessaloniami kukuhou lau yèlu ani: Küpükini eno aloino keu nongu gholo apeniu.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

1 Thes. 1:4

Alhou no kimiye chekemi athiküzümi eno achelimiqo, Alhou no nongu kisheluvea kepi ningu no ithi anie,

1 Thes. 4:7

Kughengu Alhou no ningu kulù keu ye ningu pelo mithekumo lo xüpe niye ke kumoe, ikemu akimthe shi xüpe niye ke.

1 Thes. 5:28

Ningu Mpeu Jisü Khristo’w küpükini no nongu gholo apeniu.

2 Thes. 1:2

Apù Alhou eno Ampeu Jisü Khristo lau no küpükini eno aloino keu nongu tsü peniu.

2 Thes. 3:16

Itehi ye alokughuno-kütsüu Ampeu pelo pa ampi no ado aghuloki kümtsü lo eno alaghi kümtsü lo aloino keu nongu tsü peniu. Ampeu no nongu kümtsü gholo apeniu.

2 Thes. 3:18

Ningu Mpeu Jisü Khristo’w küpükini no nongu kümtsü gholo apeniu.

1 Tim. 1:2

Timothy khuu aküpülü lono I nu kuchou keno pa lau yèlu ani: Apù Alhou eno ningu Mpeu Khristo Jisü lau no küpükini, kimiyekini eno aloino keu nongu tsü ani.

1 Tim. 6:2

Aqüaxemi khunoqo no pano mpeuqo ghí küpülümi keno, aküpülü lakhi shivea ke ghenguno panongu mpeuqo gihumove kepu kumoe. Tishini ke züqhulo, panongu ye alau akivishi panongu mpemiqo qe moayesae kughengu aqüaxemi mpeuqo ye aküpülü lakhi shive keu vechewo aqüaxemiqo kimiye eno panongu kivipu lo amlo tsü cheni ke. No ye thime hipaqo pesü tamo no kütsü eno shikumto moayesa ke.

2 Tim. 1:2

I no Kimiye chekeu nu Timothy lau yè ani: Apù Alhou eno ningu Mpeu Khristo Jisü’w küpükini, kimiyekini eno aloino keu O tsü peniu.

2 Tim. 4:22

Alhou no O gholo ache peniu. Alhou’w küpükini nongu kümtsü gholo apeniu.

Titus 1:4

Titus lau yè ani, nikujo aküpülü lono lakhi shi akeu vechewo no ye I nu kuchou ke: Apù Alhou eno Khristo Jisü, ni Xakuluu lau no ighi keu küpükini eno aloino keu ow shilu peniu.

Philemon 1:25

Ampeu Jisü Khristo’w küpükini no nongu nguagha gholo apeniu.

Philemon 1:3

Ningu Papù Alhou eno Ampeu Jisü Khristo lau no ighi keu kikimiye eno aloino keu nongu tsü ani.

James 1:1

James, Alhou eno Ampeu Jisü Khristo qeu lakhi, Shiyeqo dolo apanagha pe akemi ashiaye chighí kini lau: Petha tsü ani.

1 Peter 1:15

Ikemu khuu nongu kulù keno pa ye akimthe ke, tighenguno nonguw süqesüli kümtsü lo akimthe shilo;

1 John 3:1

Ningu pelo Alhou nuliqo ipi kulù pe moayesa keu ghenguno Apù no kiutoi kikimiye kijè eno kupukuno shi ningu shou tsü keno julo! Eno kuchou no ningu ye tike! Ayeghiqha no ningu mtha keu kiqi ye panongu no pa mtha keu ghenguno ke.

2 John 1:3

Apù Alhou eno Alhou Nu Jisü Khristo lau no ighi keu küpükini, kimiyekini eno aloino keu ye ningu gholo kuchou eno kikimiye lono anani.

Piyeküsü 2:1

“Ephesus lo akukuhouw kungumi lau yèlu ani: Atsa hipaqo ye au ajeu ayepu tsünì pesü akeu eno ameshoyi no mülà keu akulu ghopeqhi püakeqo dolo alà che akeu tsa ke.

Piyeküsü 2:12

“Pergamum lo akukuhouw kungumi lau yèlu ani: Atsa hipaqo ye tsüghaminhei keu puto-puto kihizüta pesü akeuw ke.

Piyeküsü 2:18

“Thyatira lo akukuhouw kungumi lau yèlu ani: Atsa hipaqo ye Alhou Nu tsa ke. Pa nhethi ye vüqalei keu ami toi ke eno pa pukhu ye alazayi piti kütsüghǘ pesü mülapuyi akeu toi ke.

Piyeküsü 2:29

Aghungu no akukuhouqo vilo kiu piani keno chilu nishi kemiqo pelo chilu pelo.

Piyeküsü 2:8

“Smyrna lo akukuhouw kungumi lau yèlu ani: Atsa hipaqo ye khuu no Atüghiu eno Ashekhau, khuu no thive no aküxü shiluve keno tipau tsa ke.

Piyeküsü 22:21

Ampeu Jisü’w küpükini Alhou’w timiqo kümtsü gholo apeniu. Amen.

Piyeküsü 3:14

“Laodicea lo akukuhouw kungumi lau yè ani: Atsa hipaqo ye Amen’w ke, pükhübekulu eno thopi kuchou, Alhou no lhoqhipüa keu shou ayekipeu tsa ke.

Piyeküsü 3:22

Aghungu no akukuhouqo vilo kiu piani keno chilu nishi kemiqo pelo chilu pelo.”

Piyeküsü 3:7

“Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.