Rommi 1:6 - Sümi Tiqhelimi Bible

⁶ Eno Jisü Khristo laumi shipe nike Jewkumomi kulùve kemiqo gholo nongu ghí lakhi ke.

BAIBEL (BSI)

⁶ Tiye Jisu Khristo wu shipeniye Alhou no kuluvekeqo gholo nongu Rom lo akeqo ghi kihikuqha ani.

Sumi Naga CL (Re-edited) Bible (BSI)

⁶ ti ye nongu khunoqo Jisü Khristo laumi shi peniye kuluve akeno kümtsü kihi küqha anie.

Rommi 1:6 Mawu Ofanana

Rommi 9:24

Eno ningu ye Alhou no kulùve kemiqo ke. Ningu kümtsü Jewmi kumo ke ikemu ningu kutomo no Jewkumomi ke.

1 Kor. 1:9

Alhou ye pükhübekuluu ke. Pa no pa Nu eno ningu Mpeu Jisü Khristo gholo kuposhu peniye nongu kulù ke.

Galatiami 1:6

Ni ye nongu pelo Khristo’w küpükini gholo xü penike kulù keu paikhavi lono qhive no atsakiviu ke ipi akeu kütau lakhi küdau tsüghüsü wuve akeu ithulu no akümzavae—

Ephesiami 1:11

Pa vechewo ningu ghí kisheluvae, tiye Alhou khuu no pa pulou kimiji gholo puloküqhalu ghi thime kümtsü müla phe acheni keno ningu ye pa kukughu kiqi lono azüu no kughuchho pe qhivae.

Kolosiami 1:21

Ghuthu lakhi lo nongu ye Alhou lau no putosü pe acheke eno nonguw küsakügha ghiliaye ghenguno nongu mlo lono Alhou ghümi shi acheke.

Kolosiami 1:6

lajupu hipau ghili chiluvea ke. Tihutoi, nongu no atsakiviu ghili chilu no kuchou no Alhou’w küpükini vethalu keu tsalà lono nongu gholo mülà ake toi, atsakiviu ye ayeghiqha kuchopu lo axathi pithí eno thuwu anie.

1 Thes. 2:12

Ningu ye nongu shikumto tsü, lokughuno tsü eno Alhou khuu no pa kükaphu eno ajuküvü lo nongu kulù keno pa pulou küxü xülo pi nongu kite acheke.

2 Thes. 2:14

Ningu no atsakiviu küsaje keu hipau lo pa no nongu kulù ke, tishi keu lono nongu ghí ningu Mpeu Jisü Khristo juküvü gholo küsajelu peniye ke.

2 Tim. 1:9

Pa no ningu xaluvae eno akimthe küxü lo xü penike ningu kulù ke—ningu no kiuala shilu keu ghenguno kumoe ikemu pa kimiji eno küpükini vechewo no ke. Küpükini hipau ye inahuu no Khristo Jisü vechewo ningu tsüvae,

IBRIMI 3:1

Tighenguno akimthemi athiküzümi eno achelimi khunoqo no kungugha no ku akeu lo küsaje ani keno, eno Jisü khuu ningu no ninguw apostol eno achinetomiqo shou atou kepi ikhilu cheni keno pa shou nongu kükümsü bepe qhilo.

1 Peter 2:21

Hipau ghenguno nongu kulùvea ke, kughengu Khristo ye nongu ghenguno ime keu vechewo nongu ghenguno kiche-kipiye lakhi qhivetsüae, eno nongu ye pa nepa lo pape moayesae.

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

2 Peter 1:10

Tighenguno, I thiküzümi eno I chelimiqo, thowkha lo pükapütsa no nonguw kukulu eno kishekulu shikumto nike azükini shi alo. Kughengu nongu no hipaqo shi aye, nongu ye khilemu küpüxalumo nani,

Jude 1:1

Jude, Jisü Khristo qeu eno James thiküzüu lakhi, Khunoqo kulùvea, khunoqo no Apù Alhou vechewo kimiye cheni eno Jisü Khristo ghenguno ghüpe qhivea keno tipaqo lau yèlu ani:

Piyeküsü 17:14

Panongu no Ambeti sasü aghüshi nani, ikemu Ambeti no panongu shou toluve nani kughengu Ambeti ye ampeuqo shou Ampeu eno kükamiqo shou Akükau ke, eno pa gholo pa no kulùve kemi, kisheluve kemi eno pükhübekulumi pa pape chekemiqo anani ke.”