Rommi 1:20 - Sümi Tiqhelimi Bible

²⁰ Kughengu ayeghiqha pulhosü kelo nomu Alhou’w ithukümla meküaqo—tiye paw lhokta küká eno akimthe lhoaye—kinikujo mütsümishei ithuluvae, eno tiye kiu lhoqhi püani keno tipau lono vethaluvea, ikehu timiqo ye ajekukivi kiumu kühavae.

BAIBEL (BSI)

²⁰ Alhou no ayeghiqha lhoke lono itehi kutolo pa alhoayeh ithumlano akeu, lhokta kuka eno pa alhoayeh kinikujo mutsumishei ithulu acheni. Alhou no mlape puakeu thime lono timino tipaqo juchholu acheni. Ike panonguye kiu jeku kivimu kuhavae.

Sumi Naga CL (Re-edited) Bible (BSI)

²⁰ Kughengu ayeghiqha lhoke lono Alhouw ithukümla lho, ti ye Paw lhokta küka eno akimthe lhoaye, huye pulhosü keu thimeqo lono mtsümishei ithikuthulu ighivae. Ikehu panongu ye ajeku kiumu kühavae.

Rommi 1:20 Mawu Ofanana

MATTHEW 5:45

tishianguno nongu ye Apù kungugha lo akeu nuli shilu nani ke. Pa no paw khetsünhe pelo küsaküghami ngò akivimi shou yèpuku pe cheni, eno tsütsüghu pesü amikuchomi ngò amikucho kumomi lau puwu tsü cheni.

Mark 10:6

Ikemu inahuu pulhosü ke lono Alhou no ‘pama pesü kipitimi eno totimi shi lhotsüe.’

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

John 15:22

I no ighino panongu vilo pimo ke aye panongu ye panongu xiné phumlani cheke; ikemu itehi ye panongu ye panongu xiné ghenguno ajeku kühavae.

Apostolmi 17:29

“Ningu ye Alhou nuli-kughukomi ke ghenguno ningu ye ithukümlau Lhou ye ameshoyi momu ghükayi momu atu pesü timi süqekithi no shitsa shi mülà keu julho toi küghashi kümsü kepu kumoe.

Apostolmi 22:1

“Athiküzümiqo eno apùnoqo, itehi ye iw sükusho tsa iniju lo.”

Rommi 1:19

Alhou no panongu lau mütsümishei shive tsüke ghenguno Alhou ghili kiu ithi kepu ani keno panongu ghengu ye mütsümishei ke.

Rommi 16:26

Ikemu itehi ye tungkuptsa lo yèpüa keqo eno lhokta Lhou no azah tsüve keu kiqi lono, akükütsü sütsa hipau ye Jewkumomi aqha kümtsü lo akemiqo lau pephe-piyevae, tishi keu vechewo panongu ghí pülülu eno aghokulu shilu peniye ke.

Rommi 2:1

Tighenguno nongu khunoqo no kütami shou küghathabe cheni keno nongu ye ajekukivi kiumu kühae, kughengu nongu no kiu-kiu kiqi ghenguno kütami shou küghathabe aghí namu, tiye nongu likhi nongu kiléqhive ani, kughengu khuno no kütami shou küghathabe cheni keno pano ghí kütami toi küsakügha kümlà shi cheni ke.

Rommi 2:15

Panongu ye panongu mlo lo ayeza no avehupu shi akeqo yèpe qhipüa keu pìye cheni, panongu lolo kighithiqo ghí thopi shi cheni, eno khani lo ye panongu kükümsü no akipimí panoqo tsü cheni eno ado kütau lo ye pano süsho keu ghí shi cheni.)

1 Kor. 1:20

Alokütsüu ye khile ani kea? Ayeza kükütsüu ye khile ani kea? Hipau tiqheliw phukuthomiqo ye khile ani kea? Alhou no ayeghilomi lokütsü pesü nikhanigha shive tsüke kumo keshea?

Kolosiami 1:15

Anu ye ithukümlau Lhou jukimihi ke, pa ye lhoqhipüa keu kümtsü nguno akiqheu ke.

Kolosiami 2:9

Kughengu Alhou lhoaye kuchopu kupukülai shi Khristo phimpi lo anike,

1 Tim. 1:17

Lhokta Kükau, thive chemo keu, ithulu chemo keu, pa likhi no Alhou ke, pa lau alhokupuju lono alhokupuju kutólo agigihu eno ajuküvü ache pelo! Amen.

1 Tim. 6:16

Pa likhi no thichemo keu Lhou eno pa phivilo wumla keu küvü lo xü acheni, khuu nomu pa ithulu püamo eno khuu nomu pa shou jupuku müla nani. Agigihu eno lhokta küká alhokupuju pa lau apelo! Amen.

IBRIMI 11:27

Pa ye aküpülü vechewo akükau loghu msàmo no Egypt qhive ke; pa ye tsükhoi shike kughengu pa ye khuu ithulu chemo keno pa ithulu ke.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!