Rommi 1:17 - Sümi Tiqhelimi Bible

¹⁷ Kughengu atsakiviu lono Alhou chipiumikucho pephe-piyevae. Achipiumikucho tiye atüghi lono ashekha kutólo aküpülü vechewo ke, tiye hitoi yèpüa keu toi ke: “Amikuchomi ye aküpülü vechewo xülu nani.”

BAIBEL (BSI)

¹⁷ Kughengu Alhou no kishi timi pesu pa lau achipiulo qhicheni keno tiye atsakiviu vechewo pephepiye puani: hiye abothu lono ashekha kutolo akupulu likhi vechewonoke. Kuchoyesulo ishi yepuani, “Amikuchomiye akupulu lono xulu nani.”

Sumi Naga CL (Re-edited) Bible (BSI)

¹⁷ Kughengu ishi yepüake toi, “Amikuchomi ye aküpülü lono xülu nani,” atsakiviu lo ghi Alhou mikucho ye aküpülü lono huthu eno aküpülü lono kishekha keu pephe piye ani.

Rommi 1:17 Mawu Ofanana

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

Rommi 10:3

Panongu no Alhou chipiumikucho mtha no pano likhi pano ghola lono achipiu shini keu phu ke ghenguno panongu ye Alhou chipiumikucho lau ikhiphe pesü tsümo ke.

Rommi 3:21

Ikemu itehi ye ayeza nguno alau Alhou chipiumikucho pephe-piyevae, eno hipau lo Ayeza ngò tungkupumiqo no ashepe shipüani ke.

Rommi 3:22

Alhou chipiumikucho hipau ye Jisü Khristo pülü kemi kümtsü lau aküpülü akeu vechewo tsüpüani ke. Tighenguno Jewmi ngò Jewkumomi dolo kiumu kütüqü keu küha,

Rommi 3:3

Ike panongu khami no pükhübe müla kepu shive aye kishini kea? Panongu pükhübe kümla no Alhou’w pükhübekulu shipühaluve nani keshea?

Rommi 9:30

Tishiaye ningu ye kiu pìní kea? Jewkumomi khunoqo no achipiumikucho phumo keno panongu ye aküpülü vechewo achipiumikucho ithuluvae;

2 Kor. 3:9

Kiléqhive keu pichebekümlà no ajuküvü süghi aye, achipiumikucho süghi chekeu pichebekümlà ye tinguno alau kiutoi ajuküvü kea!

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Galatiami 3:11

Mütsüqhei no ayeza shou pükhü chekemi khumu Alhou zülo achipikamla nani, kughengu “amikuchomi ye aküpülü vechewo xülu nani.”

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.

IBRIMI 10:38

Ikemu, “Iw amikuchou timi hu ye aküpülü vechewo xülu nani. Eno ni ye khuu no athiu idewove cheni keno tipau jupe amloqilumo nani.”