Biblia Todo Logo
Baibulo la pa intaneti

- Zotsatsa -




Piyeküsü 9:17 - Sümi Tiqhelimi Bible

17 I no kungunhetsü lono khurshi eno tipau küsámiqo ithulu keu ye hitoi ke: Panongu mülaküküzüpu ye ami toi huchuhuyi, tsülabei eno amichu toi awune ke. Khurshi kütsüqo ye abongushuu kütsü mihi ke, eno panongu kichí lono ami ngò amichhi eno amichu ipeghi ke.

Onani mutuwo Koperani

BAIBEL (BSI)

17 Ino kungulonhetsulo khurshiqo ye hitoi ithulue: khurshi shou chekemiye ayikutuqhokeu mla-kuxa pepu ae, tiye ami toi huchui, safir toi tsulabeyi eno amichu toi awunye. Khurshiqo kutsuye abongushu toi eno ami, amichhi eno amichuno panoqo kichi lono ipeghi.

Onani mutuwo Koperani

Sumi Naga CL (Re-edited) Bible (BSI)

17 Iw kungunhetsü lono I no khurshi eno tipau sakichemiqo hitoi ithulue: panoqo ye ayi mlaküxa pepu, tipau ju ye ami toi huchuyi, sapphire tu toi tsülabei, eno amichu toi aune; khurshiqo kütsü ye abongshuu kütsü toi püzü tipaqo kichi lono ami eno amchhi ngo amichu ipeghi.

Onani mutuwo Koperani




Piyeküsü 9:17
16 Mawu Ofanana  

Khuala no pama ghüza niye shi aye pama kichí lono ami ipeghi keu hu no aghümiqo pitiqhive cheni. Khukhumu pama ghüza nishi kemi ye hitoi thive moayesa ke.


panongu ghí Alhou mlo kighide ji ye nani. Alhou mlo kighide jì ye azü lekitemo no mükamüghai pa loghukighide jikhu lo lesüvae. Panongu ye akimthe kungumiqo ngò Ambeti zülo no piti akeu amichu pesü ghimeqhi nani.


Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.


Eno panongu pishiqhive keu tüghami hu ghí tüghashi ngò kichileu tungkupuu pama vesüve no pitiqhi akeu amichu yizükucho lo vesüve. Panongu ye putho-pucho alhokupuju lono alhokupuju kutólo ghimeqhi anani.


apunguu no onyx-tu no, akütsüghou no ruby-tu no, akütsüniu no chrysolite-tu no, akütacheu no beryl-tu no, akutokuu no topaz-tu no, achighiu no turqouise-tu no, chighiqhaqhiu no jacinth-tu no eno chighiakiniu no amethyst-tu no shipüa.


Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”


Khurshiqo kichí lono ami, amichhi eno amichu püsa ipeghi keu no timi kikijé küthü pìthíve ke.


Panongu mülaküküzüpu ye ayì no mülà keu mülaküküzüpu toi ake, eno panongu chishibo sütsa ye khurshi ngò khurkulu kutomo no aghükishi lo kohawu chekeu sütsa toi ake.


Titsatireni:

Zotsatsa


Zotsatsa