Piyeküsü 7:14 - Sümi Tiqhelimi Bible

¹⁴ I no ishi khochile, “Akijeu, nono ithi anie.” Ikelo pa no pi, “Timi hipaqo ye aghime kitikhi kijè hechesü ipeghi kemiqo ke; panongu ye panonguw chijeboboi-phiqo ishivae eno Ambeti jì lono miyetsüghoi kughulhovae.

BAIBEL (BSI)

¹⁴ “Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.

Sumi Naga CL (Re-edited) Bible (BSI)

¹⁴ I no pi, “Nono ithi anie, akijeu.” Pa no I vilo pi, “Hipaqo ye küsakushu kije hechesü ipeghi luve kemie. Panongu ye Ambeti ji lono panow chijeboike phi ishikimthepe metsüghoi luvae.

Piyeküsü 7:14 Mawu Ofanana

MATTHEW 24:21

Hipau tüqhüdo lo aghime kitikhi anani, eno tiye ayeghiqha lhophe ke lono ishi kutólo titoi ighi mphi keu momu ighi nikeu lomu titoi akiniù ighimo nikeu ke.

Mark 13:19

hipau tüqhüdo lo aghime kitikhi anani, eno tiye Alhou no ayeghiqha lhophe ke lono ishi kutólo titoi ighi mphi keu—eno ighi nikeu lomu titoi akiniù ighimo nikeu ke.

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Rommi 5:3

Tilikhi kumoe, ikemu ningu ye ningu ghimeqo lo ghí alokivishi cheni, kughengu ningu no ithi akeu no aghime no tsükhoi keu iqiphe cheni;

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

2 Thes. 1:4

Tighenguno, nongu no pishi-puju keu eno peju keu kümtsü sholu akeu dolo tsükhoi shi no kutuukulu eno aküpülü pighi akeu ghenguno ningu ye Alhou kukuhou dolo ghí nongu jupe agijivilei acheni.

IBRIMI 13:12

Tighenguno Jisü ghí timiqo pelo pa jì vechewo mithelu penike ghenguno mishighüna khagho khalau no aghime shike.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

1 Peter 1:19

ikemu ambeti lakhi jì toi keu Khristo jì mekusho, tukutiye küha keu eno azaku küha keu no nongu xaluvea ke.

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.

Piyeküsü 15:2

Eno I no ju akelo ahiju züghi toi keu lakhi lo ami yebide akeu toi ithulu, eno azüghi tipau phivilo khunoqo no tüghashi eno tipau julho eno pa je kikihi shou toluve keno tipaqo no puthugho ae. Panongu ye Alhou no aheo tsü keqo pesü ae

Piyeküsü 17:6

Totimi hu ye Alhou’w akimthemi khunoqo no Jisü shepe shiche keno tipaqo jì shomzüpüsü akeu I no ithulu. Kughou I no li ithulu keno, ni ye ighono akümzave.

Piyeküsü 2:9

O ghime eno O thokha I no ithi ani, tishiaghimu no ye kinikülü ke! Timi pipüsa chekemiqo no Jewmi kumomu Jewmi kepi pi cheni keno I no panongu ghili ithi ani kughengu panonguw synagog ye Satan’w ke.

Piyeküsü 22:14

“Khuno no panow tiphiminiqo mithemighei aghíni keno panongu kümghae, tishianguno panongu ye khagho lono Akimthe Mishighüna lo ilolu no aküxüpu süboqo lono axathi chulu nikeu chipiu anani.

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.

Piyeküsü 7:9

Hipathiu I no ju akelo timi khunomu kihikha müla kepu shi I gizülo timi kutomo ae. Tiye shiye, ashiaye, aju kütüta eno atsa kütüta piche kemi kümtsü no aküka lakhü zülo eno Ambeti zülo puthugho ae. Panongu ye miyetsüghoi keu chijeboboi-phi pepu ae eno panongu u lo amsabo loka pesü ngo ae.