Piyeküsü 3:18 - Sümi Tiqhelimi Bible

¹⁸ O pelo kiními shilu penike ghenguno I no O vilo I lau no ami lono thakütsüghüve keu ameshoyi qhülulo; O phikümsa küküjo küzü nike ghenguno miyetsüghoi keu phimini pepu kepu qhülulo; eno O pelo ithulu penike ghenguno O nhethi lo sǘ kepu shikipivi qhülulo pi akükümsü O tsüke.

BAIBEL (BSI)

¹⁸ Tishiaye, ino oloputsu tsu anike ilauno thakimtheve keu shunayi qhululo tishianguno noye kinikulu shilupe nike, eno ilauno ophimini metsughoyi keu qhululo, tishianguno onhapulu kepushi eno ophi kumsa akeu kukujopu ithulu pemonike; eno onhethi nupu kepu qhululo tishianguno opelo ithulu penike.

Sumi Naga CL (Re-edited) Bible (BSI)

¹⁸ I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.

Piyeküsü 3:18 Mawu Ofanana

MATTHEW 13:44

“Kungugha kükaphu ye alu lo akinikhuki küsüpüa keu toi ke. Kughou timi lakhi no ti ithuluni keno, pa no tipau itaghi küsüve cheni, eno alokivishi wo no pa no pighi akeu kümtsü jeve püzü alu tipau qhüluve cheni.

MATTHEW 25:9

Panongu no khochile, “ ‘Moe, nongu ke kumo no hilau ningu ghenguno ghí lukümkha shi amoe. Tighenguno nongu ye thazü je chekemi lau wu püzü nolikhi nongu sala hami qhüluve lo.’

Luke 12:21

“Khukhumu pano likhi pano sala pekütsüve no Alhou küdau akiní küha kemi ye hitoi shive nani.”

2 Kor. 5:3

kughengu kughou ningu no kungugha phimpi pepu luveni keno ningu ye aphi kümsá shimove nani.

2 Kor. 8:9

Kughengu nongu no ningu Mpeu Jisü Khristo’w küpükini ithi anike. Pa ye kiními shi anamu nongu ghengu kumlhomi shive ke, tishi keu lono pa thokha vechewo nongu pelo kiními shilu peniye ke.

1 Tim. 6:18

Panongu pelo akivi shini keu, kupukuno shi akümlà kivi shini keu, tsükinimi eno pulopiniyi shi küsaje nikeu azah tsülo.

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

1 Peter 1:7

Nongu küpülü ye kuchou kepi kimchitsü niye pekuju jeliqo ighike. Hiye ameshoyi khikhi ami lono piti kütsüghǘ pühave chekeu nguno amekushou ke. Eno tishi keu vechewo kughou Jisü Khristo pephe-piye nike no akishé, ajuküvü eno agigihu ithulu peniye ke.

Piyeküsü 16:15

“Julo, ni ye küpkami lakhi toi ighini cheni! Timi khuu no züida aghí püzü tiphimini pepumini aghíni keno tipano kümghae, kughengu pa ye aphikümsa iqho-iqimo nani eno timi gizülo akukujopu shivemo nani.”

Piyeküsü 19:8

Phephei keu phì, yevüqai eno mithemighei keu pesü li pelo upenike tsüe.” (Phephei keu phi hu ye Alhou’w timiqo no achipiumikucho kümlà shikeu hu ke.)

Piyeküsü 2:9

O ghime eno O thokha I no ithi ani, tishiaghimu no ye kinikülü ke! Timi pipüsa chekemiqo no Jewmi kumomu Jewmi kepi pi cheni keno I no panongu ghili ithi ani kughengu panonguw synagog ye Satan’w ke.

Piyeküsü 3:17

Nono, ‘Ni ye kiními ke; Ni ye aküakini kutomo pekütsüluvae eno thime lakhimu avehupu shi amoe,’ ipi cheni. Ikemu no ye ahaküsapu, kimiye kepu, athokhami, anhethi kighichemi, aphikümsa ngo ani kepi no ye mtha no anie.

Piyeküsü 4:4

Aküka lakhü mukubidi kütau no aküka lakhü hu sühope ae, eno tilehi sakiphemi muchomi mukubidi no iqa ae. Panongu ye miyetsüghoi keu phimini pepua eno panongu kütsü lo ameshoyi no mülà keu aküka kütsükuqho ae.

Piyeküsü 7:13

Tipathiu sakiphemi muchomiqo dolo lakhi no I vilo ishi iniju, “Miyetsüghoi keu chijeboboi-phi pepu akemiqo ye khunoqo kea eno panongu ye khilau no ighi kea?”