Piyeküsü 22:7 - Sümi Tiqhelimi Bible

⁷ “Julo! Ni ye itheno chenie! Khunoqo no liküküzü kaku hipau lo tungkuptsa yèpüa keqo ikhiluni keno tipaqo kümghae.”

BAIBEL (BSI)

⁷ “Julo! Niye itheno cheni. Khunono kaku hipaulo tungkupu-tsa yepuakeu peluni keno tipano kumghae,” ipi Jisu no piani.

Sumi Naga CL (Re-edited) Bible (BSI)

⁷ “Julo, Ni ye itheno cheni. Khunono kaku hipau lo tungkuptsa yepüa keu peluni keno akümghapue.”

Piyeküsü 22:7 Mawu Ofanana

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Piyeküsü 1:3

Khuu no ighamuku tungkuptsa hipau phisüni keno tipano kümghae, eno khunoqo no hi chilu püzü kiu yèpüani keno tipau papeni keno tipaqo kümghae, kughengu ado ye kupunúvae.

Piyeküsü 16:15

“Julo, ni ye küpkami lakhi toi ighini cheni! Timi khuu no züida aghí püzü tiphimini pepumini aghíni keno tipano kümghae, kughengu pa ye aphikümsa iqho-iqimo nani eno timi gizülo akukujopu shivemo nani.”

Piyeküsü 2:16

Tighenguno axiné lono xaideghivelo! Tishimo aye, I no nongu lau pai ighino I kichí lo kihizüta pesü panongu sasü kichighi nani.

Piyeküsü 22:12

“Julo, ni ye itheno chenie! I saxu ye I gholo ani, eno timi lakhi-khi no pa no kiu müla püani keno tipau kiqi lono tsü nani.

Piyeküsü 22:18

Liküküzü kaku hipau lo tungkuptsa chiluve kemiqo kümtsü lau I no pikichi ani: Timi khuala no tungkuptsa hipau lo kiuala alá süküpha aye Alhou no liküküzü kaku hipau lo püsa ghili pipüa keu pesü timi tipau ghimeqhi nani.

Piyeküsü 22:19

Eno timi khuala no tungkuptsa liküküzü kaku hipau lo pipüa keu tsaqo ikhive aye, Alhou no liküküzü kaku hipau lo aküxüpu süboqo eno Akimthe Mishighüna ghili pipüa keu lo timi tipau saje akeu ikhisüwuve nani.

Piyeküsü 22:20

Khuu no thime hipaqo kümtsü shepe shi ani keno pa no ishi piani, “Julo, ni ye itheno chenie.” Amen. Ighilo, Ampeu Jisü.

Piyeküsü 22:21

Ampeu Jisü’w küpükini Alhou’w timiqo kümtsü gholo apeniu. Amen.

Piyeküsü 3:11

Ni ye itheno cheni. Nono kiu pe ani keno tipau tsüqüpe ngo lo, tishianguno khiu pelomu O kütsükuqho ikhiluve pemo nike.

Piyeküsü 3:3

Tighenguno, nono kiu ithulu eno chilu keno kümsülulo; tipau mutotoi tsüqülulo, eno xaidelo. Ikemu nono ithumo aye, I no küpkami lakhi toi ighi nani, eno I no kiu dolo no O lau ighi nani keno no ye mtha nani.