Piyeküsü 22:20 - Sümi Tiqhelimi Bible

²⁰ Khuu no thime hipaqo kümtsü shepe shi ani keno pa no ishi piani, “Julo, ni ye itheno chenie.” Amen. Ighilo, Ampeu Jisü.

BAIBEL (BSI)

²⁰ Hipau kumtsulo khuno pa shepe tsuani keno pano piani “Mutsuqheyino tishike! Niye itheno cheni!” Tishilo,Ighilo, Ampeu Jisu!

Sumi Naga CL (Re-edited) Bible (BSI)

²⁰ Khuu no thime hipaqo pesü thebei sheshu ani keno, Pa no piani, “Mtsüqheino Ni ye kighithe cheni.” Amen. Ighilo, Ampeu Jisü!

Piyeküsü 22:20 Mawu Ofanana

John 21:25

Jisü ye thime kütau ghí kutomo shike. Tsalá tipaqo kümtsü yèpe qhike aye, I no kümsüju kelo kaku yèpeqhi keu tipaqo pesü ayeghiqha kuchopu lo qhi kepu chebo kühave nanie.

1 Kor. 16:22

Tsalá timi khuala no Ampeu kimiye cheghimo aye, timi tipau ye ghushove peniu! Ighilo, Ampeu!

2 Tim. 4:8

Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.

IBRIMI 10:37

Kughengu, “Ado kushuwa kumo lo, pa khuu ighi niye ani keno ighive nani eno munumo nani.”

IBRIMI 9:28

Khristo ye timi kutomo xiné peve tsüní ke ghenguno ghuthu lakhi aghakishi shike; eno pa ye ghuthu akiniù ipeghi nani, axiné puluve tsü nike ghenguno kumo, ikemu khunoqo no pa ngokhe ani keno panongu lau xakulu süghitsü nike ghenguno ighi nani.

Piyeküsü 1:18

Ni ye xü akeu hu ke; Ni ye thive ke, ikemu itehi ye julo, ni ye alhokupuju lono alhokupuju kutólo xü anani! Eno I no akithí ngò Hades kümaw khayi pesü ani.

Piyeküsü 1:2

John ye pa no ithulu keu thowkha kümtsü ashepe shi cheni. Tiye Alhou tsa eno Jisü Khristo shepe ke.

Piyeküsü 2:16

Tighenguno axiné lono xaideghivelo! Tishimo aye, I no nongu lau pai ighino I kichí lo kihizüta pesü panongu sasü kichighi nani.

Piyeküsü 22:10

Tisheno pa no I vilo pi, “Liküküzü kaku hipau lo tungkuptsa akeqo mekha kevilo, kughengu ado ye kupunúvae.

Piyeküsü 22:12

“Julo, ni ye itheno chenie! I saxu ye I gholo ani, eno timi lakhi-khi no pa no kiu müla püani keno tipau kiqi lono tsü nani.

Piyeküsü 22:18

Liküküzü kaku hipau lo tungkuptsa chiluve kemiqo kümtsü lau I no pikichi ani: Timi khuala no tungkuptsa hipau lo kiuala alá süküpha aye Alhou no liküküzü kaku hipau lo püsa ghili pipüa keu pesü timi tipau ghimeqhi nani.

Piyeküsü 22:7

“Julo! Ni ye itheno chenie! Khunoqo no liküküzü kaku hipau lo tungkuptsa yèpüa keqo ikhiluni keno tipaqo kümghae.”