Piyeküsü 21:7 - Sümi Tiqhelimi Bible

⁷ Khunoqo no tokulu shiluni keno panongu no hipaqo kümtsü ighílu nani, eno I no panongu Lhou shive nani eno panongu ye I nuliqo shive nani.

BAIBEL (BSI)

⁷ Khunono theqhikulushi tolunikeno paye ilauno hipau ithulu nani: Ino pa Lhou shiluve nani eno paye inu shiluve nani.

Sumi Naga CL (Re-edited) Bible (BSI)

⁷ Khuu no theqhi luni keno hipau mheghi ithulu nani, eno I no pa Lhou shino pa no I nu shinani.

Piyeküsü 21:7 Mawu Ofanana

MATTHEW 19:29

Eno I je ghenguno aki-alu, athiküzümi momu achelimi, apù momu azá, anipu momu anuliqo qhive kemi kümtsü ghuthu aqhe no küghüsü ithulu nani eno lhokta küxü ighílu nani.

MATTHEW 25:21

“Pa mpeu no khochile, ‘Aghile shivea, pichebekulu eno I qeu kiviu, no ye thime aghulo lomu pichebekulu shike, I no O pelo thime kutomo shou pichempiu shipeni. Ighilo eno O mpeu lokivi lo küsaje lo.’

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

Mark 10:17

Jisü no aghüzüla lo wuve niye kutò kemtsa timi lakhi pa lau po ighino iqi pa gizülo qhoqhünheluve. Eno pa no ishi iniju, “Akükütsüu akiviu, lhokta küxü ithulu nikeu ghenguno ni ye kiu shi moayesa kea?”

Rommi 8:14

Kughengu Alhou Ghungu no khunoqo sapheni keno panongu ye Alhou nuliqo ke.

Rommi 8:19

Kughengu lhoqhipüa keu jeli kümtsü no Alhou nuliqo pephe-piye niye akeu shishe lakuju shi khekulhoshi anie.

2 Kor. 6:16

Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae: “I no panoqo lolo xü nani eno panoqo gholo cheche nani, eno I no panongu Lhou shive nani, eno panongu no iw timi shive nani.”

2 Kor. 6:18

Eno, “I no nongu papù shive nani, eno nongu no I nu eno I ngaqo shive nani, ipi Akughushuu Ampeu no pike.”

IBRIMI 8:10

Tipau do thiu I no Israel timiqo lau puloshoqhi hipau shini, ipi Ampeu no shuphe ke. I no panongu kükümsü lo I yezaqo sǘtsü nani eno panongu mlo lo tipaqo yèpuku tsü nani. I no panongu Lhou shi nani, eno panongu ye iw timi shi nani.

1 Peter 3:9

Küsakügha pesü küsakügha lochile kevilo momu thogha keu pesü thogha keu lochile kevilo. Tishini ke züqhulo, kükümgha pesü küsakügha lochile lo, kughengu nongu ye hipau ghenguno kulùvea ke eno tishi keu vechewo nongu pelo kükümgha ighílu peniye ke.

Piyeküsü 2:11

Aghungu no akukuhouqo vilo kiu piani keno chilu nishi kemiqo pelo chilu pelo. Khunoqo no toluvea keno akithí akiniù ye khilemu pa ghüza müla nani.

Piyeküsü 2:17

Aghungu no akukuhouqo vilo kiu piani keno chilu nishi kemiqo pelo chilu pelo. Khuu no tokuluu keno, I no manna küsüpüa keu khami pesü tsü nani. Tisheno I no itaghi atu miyetsüghoi keu lakhi lo aje kithé lakhi yèpuku no timi tipau tsü nani. Eno tiye timi khuu no tipau ithuluni keno pa likhi no ithi nani.

Piyeküsü 2:25

ikemu nongu ye I no ighimo ke kutólo nongu u lo kiu ani keno tipau tsüqüpe ngo lo.’

Piyeküsü 2:7

Aghungu no akukuhouqo vilo kiu piani keno chilu nishi kemiqo pelo chilu pelo. Khuu no toluvea keno pa pelo Alhou ghuno-a lo aküxüpu sübo akeu lono chulu pe nikeu I no azah tsü nani.

Piyeküsü 21:3

Eno aküka lakhü lono asütsa kijè lakhi no ishi pikeu I no chilu, “Julo! Itehi ye Alhou no ngo chekeu-a ye timi gholo auvae, eno pa ye timiqo gholo xüacheuve nani. Panongu ye paw timi shive nani, eno Alhou ampi no panongu gholo anani eno panongu Lhou shive nani.