Piyeküsü 21:21 - Sümi Tiqhelimi Bible

²¹ Khagho chighikini ye akughupu-tu chighikini ke, khagho lakhi-khi lo akughupu-tu lakhi no mülàpüa. Akimthe Mishighüna laghila ye ighono kijè eno tiye ameshoyi no mülàpüa eno ahiju jupilikulu hutoi tsüghükhüi ke.

BAIBEL (BSI)

²¹ Khagho chighi kini huye achiku chighikinike; khagho lakhikhino achiku kuloghi lakhikhi lono shike. Aphughi tipaulo alaghilaqoye ayina toi jupililu eno shunayi akimtheno shipepua.

Sumi Naga CL (Re-edited) Bible (BSI)

²¹ Khagho chighikini ye mlapuchi chighikini ke, mlapuchi lakhikhi no khagho lakhikhi mlapüa, eno aphughi laghiqo ye ayina toi phuphushi tsüghükhüi keu ameshoyi no shike.

Piyeküsü 21:21 Mawu Ofanana

Piyeküsü 17:4

Totimi hu ye hughai keu eno huchuhuyi keu phimini, eno ameshoyi, akughupu-tu eno meshotu phuphui keu pepu ae. Li ye li u lo ameshoyi no mülà keu jikhu pesü ae, eno ajikhu tipau lo aphikümqhüpu thimeqo ngò liw kipito kimthe kumo no chhitoi shipe ae.

Piyeküsü 18:16

eno ishi igha qa nani: “ ‘Phephei keu phì, hughai keu phi, eno huchuhuyi keu phi pepu akeu eno ameshoyi, akughupu-tu eno mülaputu no phuphui shi akeu mishighüna ajekipiu, O ghenguno ahasapue! Ahasapue!

Piyeküsü 21:15

Kungumi I pütsa keu u lo Akimthe Mishighüna mighi nikeu, tipau khagho ngò aliwo kuputu mighi nikeu ghenguno ameshoyi no mülà keu kimghi küsǘ lakhi pesü ae.

Piyeküsü 21:18

Aliwo kuputu hu ye akughupu-tu pesü mülàpüa, eno mishighüna ye kitiqemo keu ameshoyi no ahiju toi tsüghükhüi mülàpüa.

Piyeküsü 22:2

Akimthe Mishighünaw alaghila kijè mtá lo qowu ae. Aghoki hukukuu eno hikukuu küma lo aküxüpu süboqo ae, eno aküxüpu süboqo lo axathi ghuthu chighikini pithí ae, tiye aqhi lo ghuthu lakhi-khi pithí ake. Eno aküxüpu sübo nipaqo hu ye shiyeqo shipivi nikeu ghenguno ake.

Piyeküsü 4:6

Eno aküka lakhü zülo ahiju züghi lakhi toi tsüghükhüi ae. Aküka lakhü homxa pe akeu mtá lo xü akeu lhoxü bidí ae, eno panongu nhethiqo hu no azüu eno athiu kümtsü küzüpe ae.