Piyeküsü 21:14 - Sümi Tiqhelimi Bible

¹⁴ Akimthe Mishighüna aliwo kuputu ye aboqha-tu chighikini ae, eno aboqha-tu tipaqo lo Ambeti’w apostolmi chighikini je yèpüae.

BAIBEL (BSI)

¹⁴ Aphughi puwupe akeu huye atuqu chighikini shouno shipukupe puae, atuqu tipaqo shou Bheriti wu apostolmi chighikini je yepukupe puake.

Sumi Naga CL (Re-edited) Bible (BSI)

¹⁴ Aphughi liwo ye aboqha tu chighikini shou shipuku püa, eno tipaqo lo aje chighikini yepüa, ti ye Ambetiw apostolmi chighikini je ke.

Piyeküsü 21:14 Mawu Ofanana

MATTHEW 16:18

Eno I no O vilo pìní, no ye Peter ke, eno atuqu hipau shou I no I kukuhoki mülà puku nani, eno Hades khagho ye hipau theqhi lumo nani.

Apostolmi 1:26

Panongu no asaqhi kelo Matthias shou qhibelu; ikehu pa pesü apostolmi chighiqhaqhi gholo kihisüluve.

Galatiami 2:9

Atsükuchoqo toi gihu chekemi James, Cephas eno John noqo no kughou I lau küpükini tsüpüa keu kimchilu keno panongu no kuposhulu keu michi shi Barnabas nikujo sasü au ajeu no petha shilu. Tisheno panongu no Jewkumomiqo lau ningu no wu moayesa, eno Jewmiqo lau panongu no wuni kepi pulolue.

Ephesiami 2:20

tiye Khristo Jisü ampi no aboqha-tu atou toi shi no apostolmi eno tungkupumiqo shou aboqha shipuku ke.

Ephesiami 3:5

tiye tiqheli kütau lo ye timiqo pelo ithi pemo ke ikemu itehi ye Aghungu vechewo Alhou’w akimthe apostol ngò tungkupumiqo lau pephe-piyevae.

Ephesiami 4:11

Ike Khristo no aghò pesü apostolmi, tungkupumi, tsavipemi, akhemi eno shikükamiqo tsüke,

IBRIMI 11:10

Kughengu pa ye aboqha akeu gholo no mishighüna küdau juchho puwu ake, eno Alhou ye mishighüna tipauw ahighomi eno shiqhepukumi ke.

Jude 1:17

Ikemu kimiye chekemi shompamiqo, ningu Mpeu Jisü Khristo’w apostolmiqo no azüu no kiu pipüa keno kümsülulo.

Piyeküsü 18:20

“Nongu kungugha lo akemiqo, li kütsave keu lo alovishelo! Nongu Alhou’w timiqo, alovishelo! Apostolmi ngò tungkupumiqo, alovishelo! Kughengu li no nongu shou küghathabe keu pesü Alhou no li shou küghathabevae.”

Piyeküsü 21:13

Kipelau no khagho küthü, ahuu no küthü, apéu no küthü, eno kulolau no küthü ishi ae.