Piyeküsü 21:10 - Sümi Tiqhelimi Bible

¹⁰ Eno pa no Aghungu lono naghuto kijè eno qhemghai keu lakhi lo I sasü wu no Akimthe Mishighüna, Jerusalem kungugha lo Alhou lau no iqi chekeu I pìye.

BAIBEL (BSI)

¹⁰ Aghungu no ipeithaluve eno kungumi huno naghuto shishe qhemghaikeu lakhi toghilo ixapusu wue. Pano Jerusalem, Akimthe phughi hu kungughalo Alhou launo iqichekeu ipiyeke.

Sumi Naga CL (Re-edited) Bible (BSI)

¹⁰ Aghungu no I peitha luve no kungumi huno naghuto kuloghi chuqumghaike lakhi lo I xapusü wu, eno akimthe phughi Jerusalem kungugha lo Alhou launo iqi chekeu I piye,

Piyeküsü 21:10 Mawu Ofanana

Apostolmi 8:39

Kughou pama no azü lono ashou ipeghi keno, Ampeu Ghungu no paikhavi lono Philip sasü wuve, eno shokou ye Philip ithulu kithemove, ikemu pa ye alokivishi pa no wuche keu là lo wuve.

Galatiami 4:26

Ikemu Jerusalem kunguu akeu ye kuqhophevea ke, eno li ye ningu pazá ke.

Piyeküsü 1:10

Ampeu Tsalani Aghungu no I peitha ake, ikelo afuko ghügha toi I zübou ighamuku keu lakhi I no chilu,

Piyeküsü 11:2

Ikemu achineki khalau ye qhivelo; tiye mighi kevilo, kughengu tiye Jewkumomiqo tsüvea ke. Panongu no aqhi 42 kutólo akimthe mishighüna qoda nani.

Piyeküsü 17:3

Tisheno kungumi no Aghungu lono I sasü küghünamokeu-a lakhi lo sawuve. Tilehi totimi lakhi no huchuhuyi keu tüghashi lakhi shou iqa akeu I no ithulu. Tüghashi tipau phi lo Alhou pipütha keu aje chhitoi yèpukupüa eno pa ye akütsü tsünì eno akibò chighí puae.

Piyeküsü 21:2

Eno Akimthe Mishighüna, khikhi Jerusalem akitheu keno, kungugha lo Alhou lau no iqi chekeu I no ithulu eno tiye külaliu no li kimi shi niye akeu ghenguno jukivi shi aghili kutò pesü akeshi iqighie.

Piyeküsü 3:12

Khuu no tokuluu keno I no pa pesü I Lhou chineki lo atsükucho lakhi shitsü nani. Eno panongu ye khilemu itaghi tipau-a qhivemo nani. I no panongu shou I Lhou je eno I Lhou’w mishighüna je yèpuku nani. I Lhou’w mishighüna je ye Jerusalem akitheu ke eno tiye kungugha lono I Lhou lau no iqi cheni ke. Eno I no I je akitheu ghí pesü panongu shou yèpuku nani.

Piyeküsü 4:2

Ghuthukhavi lono ni ye Aghungu no chhitoive, eno kungugha lo timi khami no aküka lakhü lo iqa akeu I zülo ipeghi.