Piyeküsü 20:6 - Sümi Tiqhelimi Bible

⁶ Khunoqo no xülekuthu shikeu atüghiu lo küsajelu keno panongu ye akimthemiqo ke eno panongu ye shishe müghae. Akithí akiniù ye panongu shou aküka küha nani, ikemu panongu ye Alhou eno Khristo’w achinemiqo shi nani eno Khristo gholo ampe qhethonhe lakhi ayè pe nani.

BAIBEL (BSI)

⁶ Kithimi xuputhukeu atughiu hipaulo khunoqono suluni keno tipanoqoye shishe akumgha eno alokivipue. Akithi akiniuye panoqo shou akuka kuha nani, panonguye Alhou wu eno Khristo wu achinemi shive nani eno panonguno pa gholo ampe 1000 ayehpe nani.

Sumi Naga CL (Re-edited) Bible (BSI)

⁶ Khunono xüchilekulu atüghüu lo küsaje luni keno akümghapu eno akimthepue. Akithi akiniu ye hipaqo shou aküka kühavae, panongu ye Alhou eno Khristo chinemi shi nani eno Pa gholo ampe qhethonhe ayepe nani.

Piyeküsü 20:6 Mawu Ofanana

Luke 14:15

Kughou Jisü gholo kümtsa aghulhu shi akemi lakhi no hi chilu keno pa no Jisü vilo pi, “Khuno no Alhou kükaphu ghulhu lo chuqu-kusho shi nani keno akümghapue.”

Rommi 12:1

Tighenguno athiküzümi eno achelimiqo, Alhou’w kimiyekini vechewo I no nongu qhüiniju ani: nongu phimpi pesü aküxü no mülá keu kümlagho shi akimthe eno Alhou pulou lono ikhiphe pe tsülo. Alhou mülá nikeu lo hino kuchou eno achipiu ke.

Rommi 8:17

Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

2 Tim. 2:12

ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;

1 Peter 2:5

Nongu ghí aküxüpu tuquqo toi akimthe chine kümlamì lakhi shi no aghungu xülo aghakishi kümlagho pe Jisü Khristo vechewo Alhou no ikhilu küzüpu shi mülá peniye aghungu lo ki lakhi gholo no nongu shiqhepuku anike.

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

Piyeküsü 1:6

eno pa Lhou eno paPù qe penike ningu pesü pa kükaphu lo achinemiqo shitsü keno pa lau alhokupuju lono alhokupuju kutólo ajuküvü eno ayekipe ache pelo! Amen.

Piyeküsü 14:13

Tile no kungugha lono asütsa lakhi no ishi pikeu I no chilu, “Hipau yè lo: Hinguno hilau ye khunoqo no Ampeu lono thiveni keno panoqo kümghae.” “Iyei, panongu ye panongu kümlà lono akulhoqhinia ke, kughengu panongu kümlà kivi no panongu pape nani ke,” ipi Aghungu no pi.

Piyeküsü 2:11

Aghungu no akukuhouqo vilo kiu piani keno chilu nishi kemiqo pelo chilu pelo. Khunoqo no toluvea keno akithí akiniù ye khilemu pa ghüza müla nani.

Piyeküsü 20:14

Tipathiu akithí ngò Hades pama ye pesü ami yizükucho lo vesüve. Ami yizükucho hipau ye akithí akiniù ke.

Piyeküsü 21:8

Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”

Piyeküsü 22:5

Tilehi khilemu àküzǘ tsalà küha nani. Panongu ye akulu küvü momu khetsünhe küvü avehupu shimo nani, kughengu Ampeu Alhou no panongu küvü shive nani. Eno panongu no alhokupuju lono alhokupuju kutólo ayè pe anani.

Piyeküsü 22:7

“Julo! Ni ye itheno chenie! Khunoqo no liküküzü kaku hipau lo tungkuptsa yèpüa keqo ikhiluni keno tipaqo kümghae.”

Piyeküsü 3:21

Khuu no tokuluu keno, I no tokulu shilu no I pù gholo pa küká lakhü lo iqa keu toi I no pa pelo I gholo I küká lakhü lo iqa pe nani.

Piyeküsü 5:10

Nono panongu pelo akükaphu lo ningu Lhou qe penike ghenguno achinemi shipeke, eno panongu no ayeghi lo ayè pe nani.”