Piyeküsü 19:8 - Sümi Tiqhelimi Bible

⁸ Phephei keu phì, yevüqai eno mithemighei keu pesü li pelo upenike tsüe.” (Phephei keu phi hu ye Alhou’w timiqo no achipiumikucho kümlà shikeu hu ke.)

BAIBEL (BSI)

⁸ Li likhi lino phepheyikeu phi eno akimthe phuphuyikeu pepuluvae.” Phephe pheyikeu phi kimthe huye Alhou wu timiqono amikucho kumla shikeu huke.

Sumi Naga CL (Re-edited) Bible (BSI)

⁸ Li pelo phepheike phi, phuphushi eno tsüghükhüi keu pepu penike tsüvae”— kughengu aphi tipau ye küpülümi mikucho kümla michipu ke.

Piyeküsü 19:8 Mawu Ofanana

MATTHEW 17:2

Tilehi panongu zülo no pa ye aju pekilive. Pa gi no khetsünhe küvü toi ithulu eno paw tiphimini no aküvü hutoi miyetsüghoive.

MATTHEW 22:12

Ike pa no iniju, ‘Aküsàu, no ye kíshi püzü külakupuw tiphimini pepumo no hilehi iloghi kea?’ Timi hu ye kiu tsamu pimlave.

Mark 9:3

Paw tiphiminiqo ye jukighilepu shi miyetsüghoive, tiye ayeghi lo khunomu tinguno miyetsüghoi ishiphe müla ke.

Luke 24:4

Panongu no hipau ghenguno avehu izüqhiyi akelo paikhavi lono timi kini tsütsüpha toi yevüqai keu phimini pepu püzü panongu phivilo puthugho aghíe.

Apostolmi 1:10

Panongu no anhesüküqümo no atsütsǘ lo pa no wuche keu ju akelo ye, zülilekhavi lono timi kini aphì kimiyé pepu no panongu phivilo puthugho ngove.

Rommi 13:14

Tishini ke züqhulo, Ampeu Jisü Khristo pesü nongu ghünanu shi pepuluvelo, eno kíshi no ashi-aji ghapiqi tsüní keno tipaqo ghili kümsü akevilo.

Rommi 3:22

Alhou chipiumikucho hipau ye Jisü Khristo pülü kemi kümtsü lau aküpülü akeu vechewo tsüpüani ke. Tighenguno Jewmi ngò Jewkumomi dolo kiumu kütüqü keu küha,

Piyeküsü 15:4

Ampeu, khuu no O msàmoni kea, eno khuu no O je sheqhe tsümoni kea? Kughengu O likhi no akimthe ke. Shiye kümtsü no O zülo ighino O mülá nani, kughengu O chipiumikucho kümlà ye pephe-piyeva ke.”

Piyeküsü 15:6

Achineki lono kungumi tsünì hu no püsa tsünì pesü ipeghi. Panongu ye phephei keu phi no mülapuyi shi püzü mithemighei pepusü ae eno ameshoyi no mülà keu heqhiphi no panongu mülà lo heqhipusü ae.

Piyeküsü 19:14

Kungugha ghüshimiqo no miyetsüghoi keu khurshi sasü phephei keu phì miyetsüghoi eno mithemighei shi pepusü pa pape che.

Piyeküsü 3:18

O pelo kiními shilu penike ghenguno I no O vilo I lau no ami lono thakütsüghüve keu ameshoyi qhülulo; O phikümsa küküjo küzü nike ghenguno miyetsüghoi keu phimini pepu kepu qhülulo; eno O pelo ithulu penike ghenguno O nhethi lo sǘ kepu shikipivi qhülulo pi akükümsü O tsüke.