Piyeküsü 17:11 - Sümi Tiqhelimi Bible

¹¹ Tüghashi khuu xüache püzü itehi ye kühavea keno tipau ye akükau akütacheu ke. Tipau ye tsünì dolo lakhi ke eno pa ye kütsakungove niye wucheni ke.

BAIBEL (BSI)

¹¹ Tughashi ghuthu lakhiye akuxu achekemu itehiye khilemu xuamovekeu huno akukau akutacheuke, ti kukami tsuni laumike eno kutsavepe nike wuve nani.

Sumi Naga CL (Re-edited) Bible (BSI)

¹¹ Tüghashi xüache no kühave keu no akütacheu kemu pa ye kükami tsüni laumi eno kütsaveni keu lo ani.

Piyeküsü 17:11 Mawu Ofanana

Piyeküsü 13:10

“Khunoqo akughu shiwuve kepu shi akeno, panongu ye akughu shiwuve nani. Akihizüta pesü khunoqo ghiqhive kepu shi akeno, akihizüta pesü panongu ghiqhive nani.” Hiye Alhou’w timiqo pelo kheakulu shi kutuulu eno amikucho shipe niye ghutú akeu ke.

Piyeküsü 13:12

Pa no tüghashi atüghiu züqhu shi kükagha kümtsü peitha ke, eno ayeghi eno tile xüküami kümtsü pelo tüghashi atüghiu mülá pe. Tüghashi atüghiu ye akithipu ghüza lono viluve keu hu ke.

Piyeküsü 13:3

Tüghashi kütsü tsünì akeu dolo lakhi ye akithipu ghüza kijè xapu ake toi ke, ikemu akithipu ghüza tipau ye viluve. Ayeghiqha kümtsü lo akichiqhi keu no chhitoive eno tüghashi hu pape wuve.

Piyeküsü 17:8

Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.